حوار بينى وبين صديق - كيف تكون امريكا راعية الماسونيه - وفى نفس الوقت تخطط الماسونيه لهدم امريكا
- انت يا عم يا بتاع الماسونيه والمؤامرات؟
- نعم يا حبيبى
- انت يا اخ انت مش قولتلنا امريكا ترعى الماسونيه ؟
- اه حصل
- طب انت مش قلت امريكا هى اللى بتدير كل المؤامرات الماسونيه ضدنا؟
- ايوه انجزززز
- طب انت كده بتشتغلنا بقى .. منين امريكا هى الراعيه للماسونيه ومنين بنشوفها بتتخبط وبتدخل حروب وبيحصل فيها حاجات تخلينا نتوقع سقوطها؟
- ااااه انت ماجيتش من الاول بقى .. بص يا بوب .. لازم لما تبتدى تدور فى الموضوع دا تفرق بين امريكا كشعب وامريكا كحكام
- ازاى يعنى .. كل واحد فيهم له كتالوج؟
- اه انا اقولك .. امريكا الشعب زيهم زى اى شعب
انما امريكا الحكام لا يهمهم امريكا فى شىء
- حكام امريكا لا يهمهم امريكا؟؟ عروستى
- ولا عروستك ولا خطيبتك .. الامر بسيط .. حكام امريكا اعضاء فى الماسونيه العالميه .. وحكام امريكا بيكونوا جاين ومعروف هما مين ومحطوطين بالترتيب واياك تصدق الانتخابات والتصويت والعرض اللى بتشوفه دا .. الرؤساء كلهم مشتركين فى المخطط الماسونى وجايين لخدمته وبيتغيروا كأشخاص لكن الخطه لا تتغير واللى بيفكر منهم يخرج عن الخطه بيكون مصيره القتل واسأل عن كينيدى !
- هه؟؟
- هه ايه؟ زى ما بقولك كده .. اقولك انا بقى ليه امريكا لازم تقع؟
اصلا رؤساء امريكا الماسونيين جايين يكملوا المخطط الماسونى اللى احد ركائزه هو سقوط امريكا .. لان عند الماسونيين عبدة الدجال اسرائيل هى الدوله الكبرى لهم وامريكا مجرد مساعد وتظل فى الصوره حتى توقيت معين وبعدها يتم تدمير امريكا بأيدى حكاااامها حتى تكتمل الخطه وتصبح اسرائيل الدوله الكبرى !
** المواطن الامريكى قد يكون مغلوب على امره زيه زيك
ومش عاجبه الحكم ولا قرارات الحاكم
لكنه واقع تحت ايد حكام طغاه سيطروا عليهم بكل شىء بداية من الديون واغراق الشعب فيها عشان يفضل شغال بدون تذمر على الحكم .. وصولا لغسيل المخ والاعلام والميديا وعمليات التحكم بالعقل اللى بتتمارس على الشعب الامريكى زى ما بيتم ممارستها علينا !
** ماتستغربش لما تشوف ولايه فى امريكا بتولع بمظاهرات
او تشوف كوارث طبيعيه بتحصل نتيجة مشاريع ااستخباراتيه
لان حكام امريكا لا يهتمون بها .. امريكا مجرد حقل تجارب مثلها مثل اى دوله اخرى
اه والله زى ما بقولك كده !
E.E
Eslam Elbahrawy
منشور by Eslam Elbahrawy.
