دعوه مجانيه للدخول الى المتاهه - كيف تحارب الدول العربيه الارهابيه وهى تموله من طريق اخر - حلفاء مصر اعداء لبعضهم البعض
ماهو اصل انا لما بقول فى حاجات الواحد ماينفعش يقولها عشان مانصدمش الناس ونشتتهم فى الوقت اللى ظاهريا
الناس فاكره ان فى تعاون .. الناس بتزعل منى
ولما بقول ماتصدقوش واكتب الفوازير واقولكم حلوها
بتقولوا انت بتكسر مقاديفنا
ياترى حل الفزوره اللى كتبتهالكم امبارح اتحلت النهارده بعد بيان مجلس التعاون الخليجى وفهمتوا انا بتكلم عن ايه ولا لسه ؟
طب بص يا سيدى .. شوية حقائق ولو انى اكره انى اتكلم فيها وكنت مأجلها عشان اقولها بعد شهور او حتى سنه . . لكن .. هاقول واللى يحصل يحصل
1- الملك سلمان وموقفه .. لا يساوى الملك عبد الله وموقفه
2- ابحث عن سبب وصول السيسي متأخر للعزاء فى الملك عبد الله !
3- ابحث عن النزاعات بين الملك سلمان وبين الامير مقرن على تولى الحكم
4- ابحث عن جهود الامير مقرن لاقناع الملك عبد الله الفتره السابقه لارسال المساعدات لمصر
5- ابحث عن المناورات التركيه السعوديه لقطع السلاح التركيه التى حدثت فى المياه السعوديه
6- ضع مليون علامة استفهام لموقف مجلس التعاون الخليجى اليوم بإدانة اتهامات مصر لقطر بتمويل الارهاب
وسبحان الله من شهر واحد كان هو نفس المجلس الذى انعقد لتأديب قطر لتعديها على مصر وكان هناك مشاورات لسحب عضوية قطر من المجلس .. ياترى يا هل ترى ايه التغيير اللى حصل عشان كل دا يحصل .. بالمناسبه كل
امراء دول الخليج زى ما هما ولم يتغير سوى امير دوله واحده.. حد عارفه؟؟؟؟؟؟؟
7- من يمكن ما يقارب 9 شهور كتبت فزوره وقلت روسيا ومصر وسوريا والسعوديه
ورجعت امبارح كتبت فزوره وقلت روسيا وسوريا والاردن والسعوديه وقطر
ناس كتير مش فاهمه .. انا هاحاول افهمكم ببساطه
ازاى تعرف ان كل اللى بيحصل شو اعلامى والكل مصالحه مشتركه
روسيا حليف مصر .. وروسيا تساند بشار
السعوديه حليف مصر ... والسعوديه تمول ما يحدث فى سوريا
اذن كيف تصبح الدولتان معنا وكل منهما مختلفه مع الاخرى؟
8- الاردن .. ويمكن اعتقد كتبت البوست اللى بقول فيه للملك عبد الله شكرا على الخازوق اللى كان هايترزع لينا بس احنا قلبنا الايه واخدناه فى صفنا
فهمنى ازاى الاردن بتحارب داعش وفى نفس الوقت بتمول جبهة النصره فى سوريا !!!!!
** ازاى السعوديه بتساند دول بتحارب داعش والسعوديه نفسها بتمول الميليشيات فى سوريا اللى منها اتخلقت داعش
وازاى الاردن بتضرب داعش والاردن بتمول اللى بيحصل فى سوريا
** فاكرين لما كتبت من اسبوع او 10 ايام وقولتلكم احد اهم الحاجات اللى خليتنى اعرف ان سياسة الامير سلمان مختلفه .. هى خطاب السيسي بعد حادث سيناء الاخير لما قال بنشكر الامارات .. بنشكر الكويت .. وبنشكر الملك عبد الله الله يرحمه واعتقد لازم نعتمد على نفسنا بقى .. وقولتلكم غريبه ..ازاى مايقولش مثلا بنشكر الملك عبد الله وبنهنىء الملك سلمان بولايته ..........؟
** بص يا سيدى المنطقه فيها لعب كتير
ما بين قطر عميل الامريكان والصهاينه واللى بتلعب دور لفرض المخطط الصهيونى
وبين ايران وحزب الله اللى عاوزين يعملوا الهلال الشيعى
وبين السعوديه اللى عاوزه تعمل الهلال السنى ولكن بالمبدأ الوهابى
وبين روسيا اللى كلنا بنقول دى صديقتنا ودى حليفتنا وروسيا ليست حليفه من اجل سواد عيون مصر وانما هى مصالح وتعرف قيمة مصر الجغرافيه والاستراتيجيه لذلك بتحارب امريكا بمصر
** مم هاكتفى بكل ما سبق .. وكل كلمه فى البوست تحليل شخصى وانا مسئول عنه .. قد يكون صواب وقد يكون خطأ .. لست محلل استراتيجى ولا ناشط سياسى ولكنها وجهة نظر شخصيه
E.E
ESlam Elbahrawy
منشور by Eslam Elbahrawy.
