منشور لالتراس وايت نايتس على الفيس بوك ربما يوضح من دبر لحادث ستاد الدفاع الجوى
اوعى .. اوعى تبص على الصوره الاول
ركز واقرأ البوست الاول
انت فاكر؟؟ ايه دا معقول مش فاكر؟
ركز يا جدع .. فاكر تانى يوم الصبح بعد احداث مباراة بورسعيد
( مش بستخدم كلمة مجزره لان تكرارها على السمع بيخليها سهله وبنتعود عليها وبقينا مش بنحس )
فاكر قالوا ايه تانى يوم ؟
قالك الحــــــــــــــــــــــــق
الداخليه بنت الكلب جابت ناس قبل الماتش بليل
وعملت لحام قفلت بيه البوابات الحديد عشان لما يزنقوا الجمهور جوا الماتش والعيال تيجى تطلع مايلاقوش مخرج !
وان العمل دا مدبر من الداخليه
وطبعا فى عز الهوجه انتشر الكلام دا
وبعدين اثبتوا فى التحقيقات ان البوابات كانت بالشكل دا قبل الماتش بفتره
اقسم بالله العظيم .. اقسم بالله
اول ما دخلت صفحة الوايت نايتس وشوفت البوست اللى فى الصوره دا
اتأكدت ان محدش غيرهم بيدبر الحاجات دى
نفس الاسلوب .. نفس الكلام .. نفس طريقة التهييج
مفيش حاجه اتغيرت !
بالمناسبه .. الموضوع مالوش دعوه دلوقتى بأهلاوى وزملكاوى
وبالمناسبه برضو .. والله يا عم مش فرحان فى اللى ماتوا
والله ياعم ما بقول انهم يستاهلوا او مايستاهلوش لان الحقيقه غايبه اصلا
انا بس مش عاوز كل مره الشباب والاطفال يموتوا
وكابوهات الالتراس هم اللى يعيشوا ويركبوا عربيات
وطبعا انتوا عارفين بيركبوا عربيات ازاى؟؟ عن طريق التى شيرت اللى ب 75 جنيه .. زى ما عملوها مع اللى ماتوا فى بورسعيد .. بكره تلاقى تى شيرتات شهداء مباراة انبى .. وبيع واكسب ..
واظن كل واحد مشترك فى الالتراس عارف ان ممنوع على مستوى الجمهوريه اى محل يبيع التى شيرتات دى الا الالتراس.. ومن ضمن شروط انضمامك للالتراس .. انك لو اشتريت تى شيرت من برا .. بتنطرد من الجروب !
افهم واعقلها
ادخل اشتمنى..وماله .. بس ماتدخلش تقول ان الدم بقى رخيص..وانت بترخص دمك بنفسك لما بتمشى ورا كلام الكابوهات وانت مش فاهم ومسلم نفسك ليهم عشان يتاجروا بك
E.E
Eslam Elbahrawy
منشور by Eslam Elbahrawy.
