علامة استفهام كبيره - المصرى اليوم صاحبة فيديو اطلاق النار بالدفاع الجوى - ومراسلها الوحيد الذى اكد اطلاق خرطوش من الشرطه
يشاء السميع العليم انى اقعد افتح كل القنوات اللى بتتكلم عن حادث امبارح
قوم يشاء السميع العليم انى اسمع كل البرامج فيها شهود عيان مختلفين بيقولوا الشرطه ضربت غاز و دا حصل لما الجماهير حاولت الاقتحام
فيشاء السميع العليم ان الفيديو اللى منتشر على النت بيظهر ان فيه ضابط بيضرب من بندقيه ويتداوله الناس ان دا ضرب نار حى انضرب على المشجعين وتتفاجىء يا مؤمن ان الفيديو دا مصوراه المصرى اليوم !
فيشاء السميع العليم يا اخى انى فاتح قناة ام بى سى مصر
الاقى برنامج رياضى جايب نائب رئيس القسم الرياضى فى المصرى اليوم وهو الوحييييد على شاشة كل الفضائيات وشاهد العيااان الوحيد اللى قال : الشرطه ضربت مطاااطى !
قوم بعدها يشاء السميع العليم ان قناة ام بى سى مصر برضوووو
تعرض تقرير لاهالى الضحايا ( كل دا ومافاتش ساعات على الحادث )
وجايبين ناس بتقول ان احدهم والد ضحيه من الضحايا... وبيقول ابنى مات بخرطوش والداخليه امرت بتوع المشرحه يشوهوا الجثه عشان مايظهرش انه مات من خرطوش ( اعتقد وقت اذاعة البرنامج امبارح ماكانش الاهلى لسه اخدوا الجثث لان كان فى تجمهر عند مشرحة زينهم ) !
** المطلوب بقى دلوقتى عاوزين بلد فها رجاله
ايوه .. حضرتك عاوزين رجاله .. الرجاله دول هايعملوا ايه؟ اقولك انا
عاوزين ناس تطلعنا تقارير الطب الشرعى لكل المتوفين
لو لقينا وفيات بخرطوش او رصاص حى نحقق فى الموضوع ونشوف ايه اللى عمله المتوفى من اعتداء يستوجب ضرب النار او الخرطوش
ولو لقينا ان الكل مات نتيجة تدافع او اختناق .. يبقى راجل يظهر من وزارة الداخليه يروح يقاضى كل اعلامى وصحفى وشاهد عيان قال انه شاف الداخليه بتقتل ناس بخرطوش ..
هى دى دولة الرجاله اللى اعرفهم
اظهر الحق..لو عليك حاجه .. تتحاسب
لو ليك حاجه .. روح دور على حقك مش كل مره يقولوا انت اللى قتلت وتسكت انت وتحط راسك فى الرمل !
زمن النعاااام انتهى
اهو تفكير بصوت عالى
بدل الواحد ما يطق من جنابه
E.E
Eslam Elbahrawy
منشور by Eslam Elbahrawy.
