استمرارا لتشويه تاريخنا وزعماءنا - اعلان مناديل ورقيه يسخر من الرئيس السادات
مستمر ومش بزهق
الحدوته كل فصولها مرتبطه ببعضها
حتى لو كل فصل فى كتاب شكل
تغيير التاريخ .. تدمير التاريخ .. الاستهزاء من التاريخ = نزع الانتماء من الشباب
تغيير التاريخ الفرعونى والعبث به من اجل سرقة حضارتنا
ثم نرى الاخوان ومن ويتبعونهم يبدأون التشكيك فى كل ما هو تاريخى مثل حرب اكتوبر وسعد زغلول وعبد الناصر والسادات
ثم بعد ذلك يدخل الفن لنرى كل شىء بتم تحطيمه من خلال التهكم على اسماء الزعماء .. واخرهم فيلم الحرب العالميه الثالثه .. مشهد البطل وهو بيتصور سيلفى مع تمثال احمد عرابى وعامله قرنين !!
دلوقتى.. جه الدور على السادات
ولازم يجى عليه الدور .. ماهو صاحب الانتصار الكبير
اللى بيحاولوا يمحوه من التاريخ وعاوزين يخلقوا جيل طالع مايعرفش حاجه عن الانتصار دا ويمكن الدليل ان السنه اللى حكم فيها الاخوان تم حذف كتير من حرب اكتوبر من المناهج التعليميه
الصوره دى من اعلان مناديل
جايب السادات بالشكل ( السىء دا ) والمنظر دا
والاخر البنت تقوله مش انت يا ولا ..؟
راجل قاد حرب وانتصر وحكم مصر .. والاخر يا وله !!!
الحرب صدقونى اقسم بالله مستمره
واياك تقول ان دى اشياء تافهه
انت عارف الخيوط بتاعت اى قميص بتتجمع ازاى ؟
خيط صغير جنب التانى فتكبر القماشه ويتحقق الهدف ويتفصل قميص
هما كده برضو .. مش بيعملوا خطط كبيره
انما مره اعلان .. ومره اغنيه .. ومره فيلم .. ومبره برنامج
وفى النهايه كل دا بيتكون جوا دماغك وبيعمل صوره كبيره لمصلحتهم !
E.E
Eslam Elbahrawy
منشور by Eslam Elbahrawy.
