خطاب الرئيس الاخير - كشف حساب - رسائل غير مباشره
تحليل شخصى لمضمون خطاب الرئيس فى عدة نقاطة سريعه
** اولا وقبل اى شىء .. لفت نظرى جدا الالتزام بيمعاد اذاعة الخطاب .. الخطاب كان محدد اذاعته الساعه 7 .. والخطاب تم اذاعته علىك ل القنوات الساعه 7 و 3 دقايق وسبب التأخير فى ال 3 دقايق كان اذاعة اذان العشء قبل الخطاب واعتقد الريس كا مهتم بالنقطه دى .. فين ايام الجاسوس لما كنا بنستنى الخطاب بعد معاهد بعشر ساعات !
يرددون: الريس ضد الالتراس وبيدبر ضدهم اللى بيحصل
الرئيس فى خطابه : يفتتح الخاطب بالتعازى لاهالى من كانوا ضحايا فى مباراة الزمالك وانبى
يرددون : محدش بيجيب سيرة شهداء الشرطه والجيش وبيتكلموا بس عن اللى بيموت فى ماتش الكوره
الرئيس فى خطابه : بدأ الخطاب بتقديم التعازى لشهداء الجيش والشرطه فى نفس الجمله التى قدم فيها التعازى لشهداء مباراة كرة القدم وشهداء مذبحة ليبيا وكأن الهدف هو ان يقول للجميع مثلما تقولون على المدنيين شهداء فلدينا ايضا رجال أمن شهداء وليس مثلما تصوروهم دائما معتدين وقتله
يرددون : الجيش دا مش جيش مصر .. دا جيش كونه الاحتلال وكله ناس خونه
الرئيس فى خطابه : ماكنتش اقدر اروح اعزى فى الكاتدرائيه الا بعد ما قواتكم المسلحه تقوم بالثأر _ قال ايه؟ قوااااتكم المسلحه .. جيشكم .. جيش مصر
يرددون: الحكومه الليبيه الغير رسميه قالت ان الجيش المصرى يغزو اراضى ليبيا وان هذا تعدى على اراضيهم
الرئيس فى خطابه : اكدت خلال زيارتى للمنطقه الغربيه اننا جيش لا يعتدى على احد ولا يغزو احد ولكن ندافع عن ابناءنا وضربتنا الجويه لاقت ترحيب من اشقاءنا العرب وكثير من دول العالم
يرددون : الجيش قتل مدنيين فى ليبيا
الرئيس فى خطابه : تم عمل 13 ضربه لاهداف فى ليبيا تم رصد معلوماتها وبياناتها بدقه ومعرفة من بداخلها بدقه وهناك امر سأقوله لاول مره وهو انه فى رمضان الماضى كان هناك تجمع كبير لارهابيين اثناء وقت الافطار وكان الاتفاق على توجيه ضربه لهم ولكن تم ايقاف الضربه بعدد ان وردت معلومات انه يوجد العديد من الاطفال والنساء فى محيط العمليه
يرددون : مصر استغلت هجوم الادرن على داعش ومصر لا تحارب بقواتها انما تعتمد على ضربات الاردن
الرئيس فى خطابه : اتصل بيا ملك الاردن وقدم التعازى وقالى اقدر ابعت قوات ايه عشان تساعدك .. فرديت قولتله .. شكرااااااا
يرددون : السيسي عاوز يعمل بطل بدماء الجيش المصرى وبيحارب بجيش مصر وبيدخله معارك مش بتاعته
الرئيس فى خطابه : الحاجه لقوى عربيه مشتركه اصبحت ملحه لمواجهة الارهاب
يعنى الرئيس مش عاوز مجد شخصي ولكنه عاوز جيش من كل البلاد العربيه عشان يواجه معاه
يرددون : السيسي وحكومته بيطمسوا الادله للناس اللى بتقتل الشباب لان القاتل من الشرطه
الرئيس فى خطابه : انا قلت قبل كده ان اى تقصير هايتحاسب عليه المسئول المتسبب فى المشكله او المتورط فيها
وبقول كده فيما يخص احداث الدفاع الجوى وشيماء الصباغ
يرددون : السيسي يتدخل فى احكام القضاء لخدمة مصالحه
الرئبيس فى خطابه : من كام يوم كنت بكلم النائب العام بعزيه فى وفاة شقيقته وقولتله انا لا اتدخل فى القضاء وهو قالى انا هابقى لوحدى وانا بتحاسب وانت مش هاتكون جنبي !
يرددون السيسي ماعملش حاجه لحد دلوقتى والبلد هاتقع على ايده والناس مش ملاحظه اى تقدم
الرئيس فى خطابه : توليت المسئوليه فى ظروف بالغة الحرج .. عضويتنا مجمده فى مكتب الاتحاد الافريقى .. عدم اعتراف بثورة 30 يونيو فى دول كتير من العالم .. الموقف الاقتصادى السىء والموقف الامنى السىء
وحاليا :
تم عودة عضوية الاتحاد الافريقى .. زادت علاقتنا بدول افريقيا .. وصلنا وجهة نظرنا لدول كتير من الغرب وابرزهم فرنسا – ايطاليا – اليونان – قبرص
وكان الخونه يرددون ان صفقة الاسلحه الفرنسيه ضعيفه ولن يجرؤ السيسي للحديث عنها.. فرد الرئيس واعتبرها من ضمن انجازات الفتره الماضيه وقال توقيع صفقة الاسلحه الفرنسيه بشروطنا كان شىء قوى
يرددون : السيسي لا يستطيع انشاء قوى نوويه – السيسي مابيفهمش حاجه – وايران كانت بتخبط فينا
الرئيس فى خطابه : اثناء لقاءى بالرئيس الروسى تحدثنا عن محطة طاقه نوويه لتوليد الكهرباء وهنا عاوز اقول للناس ان من حقنا امتلاك طاقه نوويه لاننا موقعين اينعم اتفاقية عدم الانتشار النووى ولكن من ضمن البنود ان من حقنا امتلاك سلاح نووى سلمى ( بيبين انه فاهم الاتفاقيات وبنودها كويس ) .. كمان عاوز اقول للناس احنا مش اصحاب اجنده خارجيه ولا هانستخدم الطاقه النوويه فى شىء غيرسلمى ( بيلقح على ايران )
يرددون : رددوا كثيرا فى موضوع التسريبات واللى فيها
الرئيس فى خطابه : انا بفكر الجميع بالجيل الرابع من الحروب بيتم استخدامه فى مصر والمنطقه بالكامل وبيستخدم فيه الشائعات والحرب النفسيه ( الجزيره والتسريبات )
كنت بقول فى تحليل التسريبات دايما ان غريبه الرئيس علاقته حلوه بالخليج يطلع تسريب بيشتم فى الخليج .. علاقته حلوه بالشعب؟ يطلع تسريب يشتم فى الشعب .. ولذلك الرئيس وضحها وقال ماتقولش الكلام بيتقال ليه انما ابحث هدفه ايه؟؟؟
- بخصوص التسريبات المزيفه انه بيشتم دول الخليج
رد الرئيس بشكل غير مباشر وقال انا عملت اكتر من 1000 ساعه مسجله مع كل الاطياف ولم يحدث ان صدر منى اساءه باللفظ لاحد مهما كان ضد اى حد ولا دوله ولا فصائل ولا جماعااات
- الريس كمان قال لو كان بيتم استخدام حرب المعلومات ضدنا .. فأنا ممكن اخد كلام واعمل بيه زى ما انا عايز .. وكأن الريس بيقولهم وفروا شغلكم على برامج تركيب الاصوات
يرددون : الخليج غاضب من السيسي بعد التسريبات
الرئيس فى خطابه : مهم اوى ناخد بالنا من المحالولات اللى بتحصل لشق التعاون الموجود بيننا وبينا الاشقاء فى الخليج والحقيقه مصر ماكانتش هاتعدى الشهور اللى فاتت الا بمساعدة الاشقاء وبعد كلمة اشقاء ذكر الامارات والكويت والسعوديه .. وكأنه بيحدد مين اللى وقف جنبنا والباقى مش فى الصوره ومش محسوب من الاشقاء والحدق يفهم
- يرددون : هو عمل ايه لحد دلوقتى :
الرئيس السيسي فى خطابه :
كشف حســـــــــاب
1- تطوير المناطق العشوائيه والبدايه بمنطقة الدويقه الاكثر احتياجا ودعمها بمليار جنيه
2- الافراج عن الغارمات _ السيدات المسجونات بسبب الديون )
3- جارى عمل تحريات لافراج عن الشباب المحبوس وهم ابرياء
4- فى خلال اسابيع سيتم اطلاق سيارات الخضر والفاكهه يعمل على كل سياره من شابين الى ثلاثه ليصلوا الى المناطق الاكثر احتياجا
وهنا بقى ياريت محدش يقول يعنى هو عامل لبتوع الشهادات عربيات خضار يسرحوا بيها؟ اولا الشغل مش عيب وثانيا فى شباب كتير مش حملة شهادات نفسهم فى حاجه زى دى وثالثا بقى فى حملة شهادات بتدور على اى شغل لانهم فاتحين بيوت ومش بيفرق معاهم الشغل فى مكتب مكيف !
5- تخفيض الغرامات على الفلاحين واسقاط ديون صغر الفلاحين وجارى تطوير البنك الزراعى
6- منحه 10 مليون جنيه لتطوير القرى الاكثر احتياجا
7- تخصيص 100 مليون جنيه كمبلغ مبدأى لرعاية اطفال الشوارع
7- جارى تجهيز اربع مدن لذوى الاحتياجات الخاصه
يرددون : الرئيس بيعتقل الشباب
- الرئيس فى خطابه : من ضمن صلاحياتى ان افرج عن الشباب لذلك انا طلبت من شباب الاعلاميين يتعاونوا مع وزارة الداخليه ويعملوا كشف بأسماء الشباب اللى شايفين انهم محبوسين وهم ابرياء ( اكد على كلمة ابرياء عشان محدش يطلب الافراج عن واحد زى دومه وهو مجرم )
يرددون : المؤتمر الاقتصادى فاشل ولن يحضره احد
- الرئيس فى خطابه مهم جدا المصريين يعرفوا ان ما يحدث فى مصر الان هدفه لتشويه حالة مصر عشان ندخل على المؤتمر بشكل غير جيد .. وكأن الرئيس بيقولهم انا عارف ان كل دا بتعملوه بسبب خوفكم من النتايج الايجابيه اللى هايطلع بيها المؤتمر
يرددون : دائما الاعلام بيردد الشائعات وبيتكلم على لسان الريس ورئاسة الجمهوريه وكل دا بيسبب حاله من عدم الاتزان فى البلد
الرئيس فى خطابه : الريس بيحط حد لكل دا .. وعشان مايخليش حد يتكلم بإسم ويكون اى كلام صادر منه معروف مصدره . قرر انشاء مكتب اعلامى فى رئاسة الجمهوريه لتطوير التواصل بين الرئاسه وبين قطاعات الدوله
** دا ابرز اللى حبيت اتكلم عنه ولاحظته فى الخطاب
بالاضافه لكام نقطه تانيين بس مش وقتهم دلوقتى
E.E
Eslam Elbahrawy
منشور by Eslam Elbahrawy.
