بالصور - سر رقم سيارة داعش 666 فى تياترو مصر واصرار مخرج المسرحيه على توجيه رسائل متتاليه ضد الماسونيه



بالصور - سر رقم سيارة داعش 666 فى تياترو مصر واصرار مخرج المسرحيه على توجيه رسائل متتاليه ضد الماسونيه


طبعا اصدقائى الموجودين عندى من زمان شافولى اكتر من 20 بوست على الاقل بتكلم فيه عن المسرحيه دى وعن كل حلقه بيقدموا فيها حاجه وكأنها مشفره بس بتكون دليل على ان دا رد على الماسونيه وعلى الارهاب 


كتير استخدمت مصطلح ان تياترو مصر العمل الوحيد اللى #بيحارب_الفن_بالفن

من اول حلقه عملوها .. حلقة وا اسلاماه لما كانت معموله عن الاخوان وطمعهم فى الحكم .. ثم الحلقه اللى كان فيها اشرف عبد الباقى عامل ابو تريكه وكان لابس فانلة برشلونه وعليها كلمة طيران قطر .. والحلقه اللى كان عامل فيها واحد خليجى وبيمول الارهاب .. والحلقه اللى اتريأ فيها على المطرب الاخوانى حمزه نمره .. والحلقه اللى اتريأ فيها على الشاعر الحرامى هشام الجخ وحلقات كتر كنت كل مره تخلص الحلقه اجيبلكم دليل على ان اللى بيعمل المسرحيه دى حد فاهم اوى
ومش مجرد عمل مسرحى مضحك انما هو مليان رسائل مهمه جدااااا

بالمناسبه فى نفس توقيت ظهور تياترو مصر .. كان على ام بى سى بيظهر حاجه اسمها ( المسرحيه ) .. وكانت نفس فكرة تياترو مصر .. ولكن كانت ضد مصر.. كل المسرحيات افكارها ان مصر فاسده وظالمه وما الى ذلك .. وكانت الحرب بين تياترو مصر والمسرحيه .. واستمرت تياترو مصر واختفت المسرحيه

النهارده .. اللقطه دى والصوره دى من حلقة تياترو مصر الجمعه اللى فاتت .
محدش اخد بالك من رقم عربية الارهابيين بتوع داعش
ركز كده .. ايوووه مكتوب داعش 666
ياترى دا كافى انه يثبت وجهة النظر ان اللى بيكتب وبيخرج المسرحيه حد فاهم وواعى وبيوجه رسايل ولا لا ...؟

اكيد مش صدفه ان رقم عربية داعش... يكون 666
للناس اللى لسه مش واصلها الفكره
احنا بنقول داعش عبدة شيطان .. وبنقول انهم ماسون .. وبنقول انهم تم السيطره على عقولهم من الشيطان ومن جنود الدجال .. والمعروف ان رقم 666 هو رقم ماسونى يرمز للشيطان .. يتخذه الماسونيين كرمز لهم ولالههم الدجال .. !!!

لو مش مصدقين ادخلوا على الانترنت شوفوا معنى الرقم 666 واهميته فى الماسونيه
هتلاقوا مطربين وممثلين كتير ماسونيين عملوا الاشاره وهتلاقوها بتظهر فى اكتر من فيلم واغنيه على مستوى العالم

بجد منبهر من التفكير اللى وصله مخرج المسرحيه
وكأنه بيوجه رساله ان مصر فهمت لعبة الماسونيه
وان احنا مش مجرد ناس بتضحك ومش فاهمه حاجه
لا .. احنا فاهمين وعارفين .. احنا عارفين ان داعش عبدة الشيطان ابناء الدجال

ان شاء الله فى الروابط التاليه
هاحاول احطلكم روابط كل المواضيع اللى اتكلمت فيها عن تياترو مصر وقلت انهم بيوجهوا رسايل ايجابيه ضد الماسونيه .. والحمد لله البوست دا اكبر اثبات على كلامى

1- الحرب اصبحت علنيه بين الاعلام المصرى واعلام الدجال - اشرف عبد الباقى فى مواجهة ام بى سى مصر - ترى من يفوز؟



2- بالصور والفيديو - هل تعمد اشرف عبد الباقى الهجوم على ابو تريكه بشكل غير مباشر اثناء ارتدائه تى شيرت يحمل اسم دولة قطر فى مسرحية تياترو مصر



3- للمره الثانيه على مسرح تياترو مصر - السخريه من هشام الجخ - قصيدة جحا


4- على مسرح تياترو مصر - اشرف عبد الباقى يتحدث عن مبدأ مبدأ الاخوان المسلمين فى الوصول الى اهدافهم



اشكركم واسف على الاطاله

E.E
Eslam Elbahrawy

#تياترو_مصرطبعا اصدقائى الموجودين عندى من زمان شافولى اكتر من 20 بوست على الاقل بتكلم فيه عن المسرحيه دى وعن كل حلقه ب...










Posted by