كارثه لا تجد من يوقفها - عمرو الليثى يستمر فى عرض الرسائل الجنسيه - والدكتوره المحترمه ترد ( بطلى تلعبى فى نفسك ) - اعلام العار



كارثه لا تجد من يوقفها - عمرو الليثى يستمر فى عرض الرسائل الجنسيه - والدكتوره المحترمه ترد ( بطلى تلعبى فى نفسك ) - اعلام العار

انا اسف .. ولكن .. الضرورات تبيح المحظورات 

من يومين لما كتبت اهاجم المخلوقه الدخيله على مجتمعنا هبه قطب .. رأيت الكثير من الاصدقاء من الجنسين وبمختلف اعمارهم يقولون ان تلك ثقافه وتوعيه مطلوبه ومهمه !


وكأن على ايامهم او ايام اهالينا كان هناك برامج تذيع الجنس والعهر يوميا
حتى يتمكنوا من تثقيف نفسهم

لا اعلم من المسئول عن استمرار تلك السخافات
بدأت اشعر ان احدهم يتعمد ترك مثل تلك البرامج لغاية ما !
ولا اعلم السبب فى ترك تلك القنوات والبرامج ( تهتك عقول ) شبابنا يوميا عن طريق الاغتصاب الفكرى الذى يحدث لهم سواء ببث السموم فى الدين او فى مختلف نواحى الحياه

اتمنى ممن يرى الموضوع .. ان كان له صله بأى شخص يملك صفه رسميه فى هذه الدوله ان يتقدم ببلاغ حتى ولو ضدى انا .. وعندما امثل انا امام النيابه .. وقتها سأتهم كل من انتقدهم .. ولكن .. تحركووووووووا يرحمكم الله

فى حلقة الامس من برنامج ( الدكتوره بورنو ) و ( المذيع المتصابى )
فتاه تبعث رساله تشكو من كثرة ممارسة العاده السريه
ليست تلك المشكله..المشكله انك كمقدم برنامج ومذيع وامامك رساله تستطيع ان تقتص منها ما تجده معيب او خاطىء .. ولكن ان تقرأ الرساله بالكامل .. بالكاااامل والفتاه تصف كيف تمارس العاده السريه بأدق التفاصيل وكأنك تشاهد احد ( الافلام الثقافيه ) بمنطوق الجيل الحالى ! .. تفسير تام عن الحركات والشعور والافعال اثناء الممارسه !! .. كيف لك ايها المحترم ان تسمح بهذا ...؟
سبحان الله اقتطاع الرسائل واغلاق المكالمات من منتصفها يأتى فقط اذا تحدثنا عن ارهاب الاخوان او قدمنا التحيه للجيش المصرى..فنسمعكم تقولون عذرا انقطع الخط .. او عذرا الرساله راحت من قصادى لان الرسايل كتير
لكن .. فى رساله جنسيه انت تقرأها بالكامل

ما سبق كان النصف الاول من المصيبه
النصف الاخر يأتى من دكتورة الشوارع
الاخت المحترمه التى تقدم النصيحه للبنات والشباب !!!
عندما تجد امامك على شاشة التلفزيون سيده تقول انها دكتوره
اى انها تنتمى لأرقى المهن .. وحتى ان كانت غير بارعه فى مجالها ..عليها ان تكون بارعه فى كلماتها واخلاقها .. ولكـــــــــــــــــــــــــــــــــن
ان يكون رد الست الدكتوره على رسالة البنت يتلخص في
( بطلى تلعبى فى نفسك )
نعم..قالت بلسانها تلك الكلمات .. وهنا .. على الدنيا السلام

كل هذا يحدث على قناه مفتوحه .. ولا اريد ان اسمع من احدكم تعليق انهم يضعون كلمة للكبار فقط .. الا تعلم سيادتك ان كلمة الكبار فقط اصبحت العلامه التجاريه لجلب المشاهدين لان الفئه الاكبر هم الشباب وهم من يبحثون عن كل ما هو للكبار فقط

اجلس فى احد الكافيهات واستمع الى الشباب وهم يتحدثون عن البرنامج .. شوفت ياض الدكتوره امبارح .. شوفت الست اللى اتصلت بتشتكى ان جوزها مش عارف ايه .. اااخ يا جدع الواحد قاعد قصاد البرنامج بيس بحاجات حلوه كده .. كل دى تعليقات هاتسمعها ... كلمة للكبار فقط تم وضعها فقط لجذب عيون ابناءكم !

انا اسف لكن على ايام ابويا وامى ماعرفش ان كان فى برامج زى دى وماشوفتش حد من الجيل دا طلع انتحر لانه كان جاهل جنسيا مثلا !

ثانيا والاهم ...
ازاى تقنعونا انكم كده يعنى بتعملوا خدمه
انتوا عاوزين تفهمونا ان الشاب او البنت مش عارف المعلومه ومش عارف يجيبها منين ومستنى عمرو الليثى يقدمها ...؟
اى شاب او بنت لو دخلوا على جوجل هايجيبوا المعلومه لان ببساطه المواقع الطبيه ومواقع علاج المشاكل الجنسيه منتشره وبكثره .. يبقى اللى خلى البنت تبعت رساله تشرح دا كله .. مش هايخليها عارفه المواقع دى وتقدر تسأل
دا اصلاااااااااااااااااا لو كانت الرسائل حقيقيه و مش مفبركه !!!

انا بعتذر مره تانيه
بس الامر بيزداد خطوره .. وللاسف محدش بيتحرك
بدأت اخاف ان الامور دى متسابه عن عمد والله
ارحمونا .. وبطلوا مبدأ اللى مش عاجبه مايتفرجش
لان هانوصل لاذاعة برامج بتسب الدين بتاعنا ويقولك اللى مش عاجبه مايتفرجش
وهاتوصل انكم تلاقوا الدعاره مقننه فى الشوارع ومش بعيد يطالبوا يحطوا البنات عريانه فى الشارع جوا ازاز زى الدوله اياها ويوم ماتعترض هايقولك لو مش عاجبك ماتمشيش من الشارع او ماتبصش !

اللى هايرضى بالصغيره..هايرضى بالكبيره
المبدأ لا يتجزا

اسف للاطاله
وبعتذر للمره التالته

E.E
Eslam Elbahrawy

انا اسف .. ولكن .. الضرورات تبيح المحظورات من يومين لما كتبت اهاجم المخلوقه الدخيله على مجتمعنا هبه قطب .. رأيت الكثير...










Posted by