اسلام البحراوى يكتب : احذروا مثلث الفتنه - البحيرى وراشد والقمنى
لو قعدت فكرت عشان تشوف ايهما اسهل
محاربة الشىء وجها لوجه
أو خلق أداه تقسم الشىء لنصفين يأكل كل منهم الاخر !
هتلاقى.. انك لو حاربت الشىء او الشخص او الفكره وجها لوجه .. تخسر ارواح .. تخسر فلوس .. تخسر وقت .. تخسر انك هاتكون مكشوف وبالتالى حركاتك مرصوده وبالتالى نسبة صد هجومك هاتكون اكبر
وهتلاقى انك لو خلقت شىء يقسم الفكره او الموضوع لنصفين
انت كده مش هاتستخدم رجالتك .. فمش هاتخسر ارواح
هاتصرف فلوس بس مش كتيره
حركاتك مش مرصوده لان محدش عارف مين اللى بيلعب العرايس
ومين اللى رابط الخيط فى ايده !
وبالتالى نسبة نجاحك اكبر
هو دا اللى عمله اعداء الاسلام
تحولوا من الخطه ( أ ) الى الخطه ( ب )
الخطه ( أ ) كانت بتقول انك تحارب الاسلام مباشر.. انزل حارب واستعمر الدول الاسلاميه .. اقتل المسلمين ..اعمل مذابح فى كل حته .. احرق القراّن .. ولع المساجد ..
ولكن ... اصبحت الفكره قديمه ومكلفه وقصاد الناس منظرهم بقى وحش
الخطه ( ب ) وهى الخطه اللى عايشين فيها دلوقتى
هى خطة صناعة شىء يقسم الفكره الواحده لنصفين
كل نصف يتناحر مع الاخر .. لحد ما يخلصوا على بعض بدون تدخل من صاحب الهدف
وهو ما يحدث مع الاسلام حاليا
هات واحد مسلم خليه يتعلم برا الاسلام الامريكانى وخليه يرجع بلده يقول ان القراّن غلط والسنه مش صحيحه .. وبكده ينقسم المجتمع لان اكيد هيلاقى من يؤيده ..ليس لانهم كفره .. ولكن لان اغلبهم جهله يسهل اللعب بعقولهم بكلمات مثل التغيير والحريه !
هات واحد مسلم خليه كل شوية يشكك فى احاديثك و سنتك
ويجيب شويه من هنا وشوية من هناك
وتلاقيه بيضم كتافه بكل حنيه ويقولك .. اعداء الاسلام ارادوا تقسيمنا
ولكن والله احنا سنه وشيعه كلنا مسلمين
اللى زى دا تقوم لاطشه على قفاه وتقوله السنه والشيعه عمرهم ما يتساووا
السنى يؤمن بالله وملائكته ورسله وكتبه ولا يسب احد من الصحابه او الرسل او اّل البيت
الشيعى يسب اّل البيت والصحابه .. يغير فى ايات القراّن .. يخترع احاديث..يؤمن ان له نبى اخر وان الله اخطأ فى اختيار محمد بدلا من على !!
اذن .. بناء عليه
اولا .. كيف يمكن ان تساوى شخص يؤمن بالله بشخص يؤمن ان الله اخطأ
ثانيا .. الدين مش بيتعامل قطاعى
يعنى تاخد حته وتسيب حته
الايمان بالله له شروط .. واول الشروط الايمان بالقراّن والسنه النبويه
انما تيجى تقولى .. زى واحد من الشيعه اللى كنت بحط عليه رد عليا
قالى انتوا بتكرهونا ليه .. احنا زيكم بنؤمن بمحمد
ولكن لينا اعتراض على بعض الايات وطريقة كتابتها
وهتلاقى واحد تانى يقولك احنا متفقين زيكم ومعاكم فى كل شىء حتى القراّن والسنه ولكن التغيير البسيط ان سيدنا على كان احق !!!!!
الدين مافيهوش متفق معاك الا حته !
لازم كل فتره نتكلم ونتكلم ونتكلم
طول ما اسلام بحيرى ومصطفى راشد وسيد القمنى
كل هؤلاء الذين يضعون السم بالعسل
كل هؤلاء اصحاب الدين الاسلامى الجديد ( الاسلام الامريكانى )
يجب ان تحذروهم
وبنكرر ونقول ونعيد ونزيد
كتاب الله وسنة رسوله لا تحريف فيها ولا نقبل التشكيك فيها
بالنسبه للعلماء والائمه السابقين .. لا نقدس احد
هم بشر قد يخطىء ويصيب
ان رأيت انهم اخطأوا فى كلمة او اثنين .. صححها ولكن بأدب دون التهجم عليهم
ولكن .. لا يعطيك هذا الحق فى سبهم وان تقول عليهم سفاحين وقتله وحراميه ( مثلما قال البحيرى ومصطفى راشد عن البخارى وابن تيميه وغيرهم )
ولا يعطيك ايضا الحق ان تقول نمحو ونهدم كل ما قدموه
اذا محونا كل ما قدموه بالكامل .. من سيدلنا على بداية الطريق للتفسير
اسلام بحيرى وهو يجلس امام الشاشه ويضع العطر الفاخر ويجول فى خاطره كل ملذات وشهوات الحياه .. ام مصطفى راشد وهو يجول فى خاطره امريكا وحرية امريكا ونساء امريكا !!
لا تدع هؤلاء يستغلوا عدم معرفتك او انتشار الباطل حاليا فى ان يسحبونك نحوهم
لا تصدق من درس فى امريكا او درس فى جامعة ويلز
فالاساتذه هناك ليسوا أعلم بالاسلام من اهل الاسلام
لا تجعل تمسكهم بكلمه او تفسير واحد قد يكون جانبه الصواب..ان يتحكموا فيك ويقنعوك ان كل ما كتب لم يكن صواب
الرسول الكيرم عليه افضل الصلاة والسلام قال
عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي
صدق رسول الله صلى الله عليه وسلم
اقسم بالله اشعر ان الرسول الكريم كان ينطق تلك الكلمات وهو يتكلم عنا ويعلم انه سيأتى علينا يوم تحيط بنا كل انواع الحروب ضد الاسلام ومن سيستطيع الصبر هو وحده من سيظهر اسلامه الحقيقى ..
لان المغريات كثيره .. والجهل اكثر .. وللاسف لا نستطيع اغفال ان علماءنا ومشايخنا الاجلاء عليهم بعض من المسئوليه لانهم تركوا الساحه منقسمه نصفين اما لمعلمى الاسلام الامريكانى .. واما لشيوخ الفتنه والدمار واما لشيوخ يذهبون لايران والعراق ويؤذنون الاذان الشيعى !
ونحن نقع بينهم .. ولا احد يساعد
نتمنى ان يعود الازهر وبقوه الى دوره .. نتمنى ان يخرج رجاله عن صمتهم
اصنعوا البرامج .. اخرجوا للاعلام .. اقيموا المناظرات
قدموا محاضرات مجانيه .. قدموا ندوات مجانيه ..
والاهم من ذلك .. واكبوا العصر فى شروحاتكم وكلماتكم
لان للاسف المنجذبون لهؤلاء المخابيل اعداء الاسلام هم الشباب الذي وجد ضالته فى شخص يرتدى بدله اخر موديل ويكلمه بلغته .. حاولوا ان تفعلوا مثلما قال الرئيس.. جددوا الخطاب الدينى
اسف للاطاله
E.E
Eslam Elbahrawy
منشور by Eslam Elbahrawy.
