بعد ان ظهر عروسين فى قفص داعش الذى احرق فيه معاذ الكساسبه - اى تحكم بالعقل حدث لكم - احذروا تكرار المشاهد الدمويه لعدم التعود عليها
بقعد افكر .. اكيد فكرة وجود مختبرات للتحكم بمشاعر البشر وسلوكهم من ايام هتلر فى المانيا .. دى مش كدبه .. دى حقيقه كبيره ويمكن تم استخدامها علينا
مؤخرا نشرت تقرير امريكى بيقول انهم عملوا شرائح تتركب فى الدماغ هاتتحكم فى المزاج بتاع الجنود الامريكيين .. لانهم لما بيروحوا العراق او افغانستان بيصابوا بالاحباط والخوف..الشريحه هايكون اهميتها اللعب فى العقل لتحويل الشعور دا الى بهجه وراحه
لكن احنا .. اكيد محدش ركبلنا كلنا الشريحه دى
طب ايه الموضوع؟ الاكل .. الشرب ؟ الهوا ؟
جيل كامل .. الجيل المحصور من سن 16 الى 22 تقريبا بيعانى من نفس الفكره
لما دكتور و دكتوره ... ركز دكتووور ودكتوووووره
يعملوا فرحهم .. ويكون نمره من نمر الفرح .. ان العريسين يدخلوا جوا قفص زى بتاع داعش اللى اتحرق فيه معاذ الكساسبه .. ويكون الشباب قرايبهم لابسين اقنعة داعش وماسكين سكاكين .. والرقص شغال على نشيد صليل الصوارم بتاع داعش
دا ممكن نسميه اااااااااايه؟
اخو العروسه اللى عنده 17 سنه بيقول احنا ماكانش فى دماغنا ان حد هايزعل .. احنا عملنا الدخله دى عشان نفرح
راجعوا الكلام تانى؟؟ الدخله ...؟ نفس كلمات الالتراس
جيل كامل بنفس المصطلحات اينما اختلف المكان سواء ماتش كوره او فرح
الدخله موجوده فى كل مكان !
انا عاوز اعرف ازاى ...
ازاى تفرح وانت واقف جوا قفص .. والصور جوا ذاكرتك فى ليلة فرحك جايبه صورة واحد مات محروق فى نفس القفص ... و ازاى مافكرتش ان اهل اللى اتحرق دا لما يشوفوا نفس المشهد لكن فى ناس بترقص فيه ان قلبهم مش هايتحرق !
احنا دايما بيتلعب بعقولنا لقتل الاحساس
فاكرين محمد الدره ؟؟ الاول عملنا مظاهرات والعالم العربى ولع
لكن بعدها .. مقتل 10 .. مقتل20 .. مقتل 30
ازدادت مشاهد واخبار القتل فأصبح الامر مجرد خبر ومجرد اخبار
فى العراق .. كنا نسهر لا ننام نتابع البث الحى للقوات الامريكيه تحتل العراق ونحزن على موت طفل هنا او هناك .. ولكن بعدها .. مقتل 100 ومقتل 500 فتحول العرقا الى مجرد خبر ورقم فى نشرات الاخبار
احذروا قتل الاحساس من خلال نشر وتكرار مشاهد الموت وان العين تتعود عليها لحد ما تصبح عادى انك تشوف واحد بيتحرق او بيموت .. ماهى برضو نفس فكرة افلام السبكى وخالد يوسف اللى من كتر ما فهمتك ان العشوائيات كل ستاتها بيمارسوا زنا محارم ومش محترمين .. خلوك تبص لاى واحده لابسه عبايه بلدى دلوقتى فى اى منطقه شعبيه انها مش محترمه .. والافلام اللى اخترعتلك مصطلحات لمعاكسة البنات هى اللى وصلتك ان تشوف واحد مكلبش فى جسم واحده فى وسط الشارع بيتحرش بيها وانت ولا بتتحرك !!
الفن .. الاعلام .. الميديا بشكل عااااام
كارثه .. مختبر كبير نحن فئران التجارب فيه
E.E
Eslam Elbahrawy
منشور by Eslam Elbahrawy.
