بعد ان ظهر هشام الجخ على قناة المحور وقال انا اللى مش عسكر - شاهدت الرد يخرج من البطل ساطع النعمانى
رساله .. اتمنى من خلالكم توصل للجميع .. لحد ما توصل للحرامى نفسه !
امبارح قناة المحور كانت مستضيفه #الحرامى_هشام_الجخ
قعد يمثل ويمثل ويعمل الشويتين بتوعه
وفى الاخر حب ياخد دور البطوله كالعاده .. فراح قايل قصيده على نفس وزن قصايده المسروقه سابقا اللى كل كلامها لوم للبلد انه بيدى البلد والبلد مش بتديله .. وختمها فى الاخر .. وقال .. انا اللى مش اخوان وانا اللى مش عسكر !
وكأنه بيساوى الارهابى .. بجيش مصر
وطبعا لزيادة جرعة المحن .. الاستديو سقف وكانت حفله ماشاء الله
اقسم بالله العظيم .. انى بعد ما شوفت المقطع دا
وبعد كلمة انا اللى مش عسكر .. ماشوفتش قصادى غير البطل ساطع النعمانى
حسيت ان هو اللى بيرد على #الحرامى وبيقوله .. انت فعلا مش عسكر ... لان انا العسكر .. انا اللى ضحيت وفقدت حياتى وانت اللى سرقت شعر وهاجمت البلد ومن بعد الشبشب المقطع زيك زى باقى الخونه بقيت تلبس وتطلع فى التلفزيون !
انا عاوز اقول للجخ الحرامى ... انت فعلا ماينفعش تكون عسكر
العسكر بمفهومك زى انت ما قولت للمذيعه..قولتلها انا بلغتى ومفهومى بشوف كلمة عسكر يعنى الجيش المصرى .. وانا بقولك انت فعلا ماينفعش تكون عسكر .. لان الجيش المصرى بياخد رجاله .. اللى زيك المشكوك فيهم .. عمرهم مايبقوا عسكر
اللى زيك يسرق قصيده زى ما سرقت قصائد الشاعر عبد الستار سيليم وتم الحكم عليك انك حرامى فى 22 ابريل 2014 قضت محكمة جنح مستأنف بالمحكمة الاقتصادية، برئاسة المستشار وائل رضوان، بتغريم الشاعر «هشام الجخ» مبلغ 5 آلاف جنيه، بعد اتهامه بالاستيلاء على بعض الأبيات الشعرية من ديوان «الواو» للشاعر عبد الستار سليم .
وألزمت المحكمة «الجخ» بنشر الحكم في جريدتي «الأخبار» و«الجمهورية» على نفقته الخاصة .
الجخ اللى اترمى فى احضان اسماعيل هنيه
يبقى لازم يقول انه مش عسكر .. ماهو اصل هنيه الارهابى والجيش المصرى
( دومنت ميكس يا حرامى )
الفرق بينك وبين ساطع النعمانى
انك عيل جعان .. سرقت شعر ولعبت على عواطف الناس وتسلقت من نفس السلم اللى تسلق عليه صراصير بلاعة 25 زفت .. وكتبت كلام من بتاع بتخلفينا ليه لما انتى كارهانا وقعدت تشحن الناس على البلد .. لحد ما بقى لك قيمه وبتاخد فلوس واستحميت ونضفت جتتك من الوساخه وبقيت تلبس وتسافر !
انما ساطع النعمانى .. ماقالش لمصر بتخلفينا ليه لما انتى كارهانا
ساطع النعمانى جسمه اتدمر واول كلمه قالها لما نزل المطار فى مصر بعد رحلة العلاج قال ( تحيا مصر ) .. ووقف ابنه جنبه فى المطار .. وحسس على راسه وقاله بابا حصله كده عشان خاطر مصر !
هو دا الفرق بينك وبينه
انت حرامى اشعار بتبيع مصر
وهو ضحى بكل حاجه عشان اللى زيك يفضلوا يقولوا انا مش عسكر
E.E
Eslam Elbahrawy
منشور by Eslam Elbahrawy.
