مشهد بين عادل امام ومحمود الجندى يوضح ما نعيشه الان مسلسل دموع فى عيون وقحه - انتاج 1983 ولكنه يتماشى مع الواقع الحالى
دموع فى عيون وقحه
ياريت تكمل البوست .. هاتفهم كل حاجه
الحلقه 1 .. مشهد بين جمعه ( عادل امام ) و اخوه مصطفى ( محمود الجندى )
مشهد وهما فى العربيه متهجرين من السويس بعد 67 !
المشهد بيبتدى فيه جمعه الكلام والرد من مصطفى عشان تفهموا الحوار ماشى ازاى
- بقى دا اسمه كلام ! ( تعجب وحزن بسبب الهزيمه )
- اياك برضو هاتقولى انتصرنا ..؟
- وبعدهالك يا مصطفى ؟
- هما غلبونا ليه ..؟
- الحرب اخد وعطا
- الحرب خلصت من زمان
- بلاش انهزاميه
- اليهود على الضفه التانيه وتقولى بلاش انهزاميه دول كانوا قدام عينيك يا جدع
- برضو ولو
- بكره يدخلوا البلد
- وبعدين فى كلامك اللى يحرق البدن دا يا مصطفى
- برضو هانسقف ونغنى ونقول انتصرنا
- يعنى اتبرى منك؟
- إتبرى بس خلينا نغلب
- ما هوا دا اللى هما عاوزينه عايزينا نمسك فى بعض احنا الاتنين
- انا مصرى زيك سويسى انا اخوك يا جدع
- هما دا اللى هما عاوزينه .. احنا نمسك فى بعض وهما يضربوا فينا احنا الاتنين
** دا مشهد من مسلسل .. ايام ما الفن كان بيقدم حاجه تفيد
ايام الفن ما كان بيبين قيمة الجيش والوطنيه
لو ركزتم فى الكلام هاتستغربوا ...
المسلسل دا سنة 1983 !ّ
راجع الحوار ... هتلاقى حوار بين اتنين اخووووات
واحد مؤمن بالجيش .. والتانى انهزامى وبايع القضيه
الاتنين راكبين فى عربيه واحده وعايشن فى مكان واحد
واحد بيصدق اليهود وشايف انهم اقوى .. والتانى مؤمن بجيشه ومصدق بلده
الاتنين الاخوات بيتحاربوا ويختلفوا على قضيه كل واحد شايف نفسه انه وطنى اكتر من التانى وان كلامه صح لصالح البلد والتانى هو الغلط
بس الاخ الوطنى فاهم اللعبه.. قال لاخوه ان دا اللى هما عايزينه
اننا نتخانق سوا على قضيه واحده كل واحد فينا له رأى فيها
ونضرب فى بعض ونقتل فى بعض وفى الاخر هما يضربوا فينا احنا الاتنين
المسلسل اللى اتعمل سنة 1983 كان فاهم اللعبه
قارنوا الكلام بدلوقتى
قسموك .. خلوا البيت الواحد يبقى جواه اتنين اخوات بيكرهوا بعض
واحد بيحب يناير والتانى بيكرهها والاتنين شايفين نفسه وطنيين
واحد بيحب الاخوان والتانى بيكرههم والاتنين شايفين نفسهم وطنيين
واحد بيحب ابو تريكه والتانى بيكرهه والاتنين شايفين نفسهم وطنيين
تقسيم تقسيم تقسيم تقسيم
كل دا والعدو حاطط رجل على رجل وبيتفرج والاخر بيضرب فينا
عاوزين اكبر دليل .. اخر ضربه جت فينا
لما انقسمنا وشتمنا بعض على حوار ابن عامل النظافه والقضاء
المؤيد شتم المعارض والمعارض عمل بلوك للمؤيد
وكل واحد شاف نفسه بيتكلم لصالح البلد
والاخر .. جه واحد غررريب خالص .. جه السفير البريطانى كتب تويته هزأ فيها الشعب كله مؤيد ومعارض !
انا دايما لو تلاحظوا بجيب مشاهد من افلام ومسلسلات قديمه واربطها بالوضع الحالى لسببين.. الاول انى ابينلكم ان المؤامره مش اختراع مننا ..المؤامره موجوده وفى ناس بتتكلم عنها وبتعملها افلام من زماااان .. والحاجه التانيه انى اوريكم الفرق بين الفن زمان والفن دلوقتى .. اه زمان كان فى افلام فيها عرى وافلام مصرى لبنانى مشترك وحاجات كتير بس كنت تلاقى حاجات بتوزن الكفه من الناحيه التانيه .. دموع فى عيون وقحه .. رأفت الهجان .. اعدام ميت .. الطريق الى ايلات .. اسماعيل ياسين وسلسلته فى البحريه والجيش والبوليس الحربى .. وممكن نعد الف عمل كمان ...عكس دلوقتى .. الكفه واحده..عرى وجنس ومسخره وبس واصبح الحاجه الوحيده اللى بتضحك الناس هى التريأه على الجيش والشرطه !
E>E
Eslam Elbahrawy
دموع فى عيون وقحه ياريت تكمل البوست .. هاتفهم كل حاجه الحلقه 1 .. مشهد بين جمعه ( عادل امام ) و اخوه مصطفى ( محمود ال...Posted by Eslam Elbahrawy on 13 مايو، 2015
