لقطة من فيلم the Devil's advocate و دقة وضع الاشارات الماسونيه فى الافلام الغربيه



لقطة من فيلم the Devil's advocate و دقة وضع الاشارات الماسونيه فى الافلام الغربيه

فيلم the Devil's advocate 
او محامى الشيطان
من الافلام اللى تقريبا بتفرج عليها كل شهر او شهرين مره 
مابزهقش من الفيلم لانه بيوضح حاجات كتير 

الفيلم عباره عن تعريف للصراع بين ابليس والبشر
ازاى ابليس بيجندك تكون فى صفوفه

العالمى اّل باتشينو قام بدور ابليس
و الممثل كيانو ريفز قام بدور المحامى الشاب الطموح اللى عاوز الفلوس الكتير
ويبدأ ابليس يوفر كل مشتهيات الحياه للمحامى عشان يضمه ضمن فريق عمله
ابليس كان متجسد فى دور بشرى وعنده شركة محاماه
وكانت مهمته يجمع كل المحامين الاذكياء فى البلد عنده ولكن كان مسخر شغل شركته كله انه ينصر الباطل .. يعنى يدافع عن الحرميه والقاتلين والمغتصبين ويطلعهم براءه .. بيدافع عن اى شر 

الفيلم كمان بيتكلم عن ازاى انت حتى لو وقعت فى ايد الشيطان واكتشفت الامر تقدر من خلال عزيمتك وقدرتك العقليه الايمانيه والعقليه انك تهزمه وتخرج من عباءته 

الصوره الخاصه بالبوست .. انا حاطط الصوره دى من الفيلم لانى بكون دايما معجب بإخراج الاجانب فى افلامهم .. ذكاءهم كبير .. حتى لو هم اعداء وبيعملوا احيانا افلام تخدم الماسونيه بس مفيش مانع ان الواحد يعترف انهم اذكياء فى الحته دى 

اللقطه دى كانت المفروض فى الغرفه الخاصه للشيطان ( ال باتشينو ) 
حب يتصل بالسكرتاريه بتاعته عشان يطلب منها تكلم حد معين
رقم السكرتاريه عنده 346 !
لما تجمع الارقام دى يطلعوا 13 .. رمز الدجال !

هما بيعرفوا ازاى يستخدموا الحاجات دى كويس سواء ان كان الفيلم يخدم اهداف الدجال او ضدها .. ونفسى احنا كمان نكون كده

وكمان بيبين نقطه مهمه .. وهى الوعى واللاوعى 
ازاى يلعب على عقلك .. اكيد ناس كتير مش هتاخد بالها من الرقم
عادى جمله بتعدى فى 3 ثوانى من الفيلم ...
لكن العقل مش بيفكر كده..العقل بيخزن الجمل والارقام ويحللها ويحطها فى الذاكره وهو دا اللى هما دايما بيلعبوا عليه

E.E
Eslam Elbahrawy

فيلم the Devil's advocate او محامى الشيطانمن الافلام اللى تقريبا بتفرج عليها كل شهر او شهرين مره مابزهقش من الفيلم ل...










Posted by