تجربه شخصيه - تقمصت دور اخوانى لمدة ساعه - هكذا دار الحوار - قمة الكوميديا



تجربه شخصيه - تقمصت دور اخوانى لمدة ساعه - هكذا دار الحوار - قمة الكوميديا


قمة الكوميديا حصلت بالفعل من ساعتين 
( إسلام البحراوى اخوانى لمدة ساعه ) :D

مبدأيا العبد لله سايب دقنه بقاله فتره بسبب ظروف ونفسيه لدرجة انها بقت طويله جدا ... و دا ساهم فى المسرحيه !
قاعد انا واتنين اصحابى من كوارث الزمن برضو :D

المهم .. دخل علينا واحد مش صديق ولكنه معرفه بلغة المصريين يعنى ماشوفناهوش من شهور وداخل معاه واحد غريب كده سنه يدى 22 او 23 سنه !

المهم بدأنا نتكلم .. ففوجئت بالراجل الغريب دا عمال بيقول كله بايظ وهاتقع وهاتبوظ ورغم انه شغال وبياخد مرتب كويس .. بدأ يتكلم عن مميزات ضباط الجيش..وهو يعنى عشان بيموت.. طب ما انا كمان عاوز اخد مميزات ولا لازم اموت يعنى ... وكمان اتضح انه مش بيقول كده لانه بيكره الجيش.. دا بيقول كده على اى حد بياخد مرتب عالى.. طلع شخص حاقد و بغل اوووى
المهم .. ضربت فى دماغى استغل شكل الدقن 
وقلت امثل انى اخوانى 

بدأت اعارض اصحابى ( اللى كانوا مزبهلين من كلامى ) ‏‎grin‎‏ رمز تعبيري
وبدأت اردد الاّتى :

1- ايوه ما انتوا لازم تدافعوا يا عبيد السيسي .. ما انتوا عبيد بياده واى حاجه تتقالكم بتعملوها انما انا بشغل دماغى

2- ايوه ما انتوا وافقتوا على دستور الراقصات يا دولة العهر

3- اعلام السيسي اللى بيطبل انما مفيش زى الجزيره .. لانها الوحيده اللى بتجيب الحقيقه وانتوا عاوزين تعموا عينكم عن الحقيقه

4- مرسى راجع 30 يونيو الجاى ولو مارجعش هانفجرلكم فى كل حته ونحرقلكم محولات الكهربا

** كل دا والزبون الغريب قاعد منشكح ومبتسملى ومتكيف منى اوى :D

5- واحد من اصحابى فهم المسرحيه .. فبدأ يدخل معايا .. قالى يابنى كلامك اللى بتفضل تقوله دا هايوديك فى داهيه .. قولتله ايوه ماهو عصر تكميم الافواه .. بتقفلوا القنوات وكمان بتكتمونا على القهاوى .. انا مش بعيد بعد الكلمتين دول اتاخد من بيتى بليل :D

6- جت سيرة الناس اللى اتعدمت فى قضية عرب شركس .. افتكرت الاخوان كانوا بيقولوا ايه .. وقلت اقول زيهم .. عاوز اجذب الزبون الجديد ‏‎:D
فقولتلهم ايوه .. ماهى الدوله البوليسيه شغاله .. دول جابوا عيال محبوسه من زمان وقدموهم كبش فدا واعدموهم .. القضاه يتعملهم جنازات عسكريه انما بتوع رابعه يترمى جثثهl فى الزباله عشان كانوا قاعدين بيقروا قراّن ‏

**ملحوظه .. الزبون الغريب .. وصل لقمة الانشكاح 
الراجل المعرفه اللى بقاله كتير ماجاش يقعد معانا بيبرأ ومش مصدق ... وبصلى قالى انت ايه اللى جرالك .. مين غسلك دماغك ‏‎
 ايه اللى بتقوله دا يا عم انت ‏

7- المهم اتكلموا عن قناة السويس وانجازات الريس 
فقلت افتكر الاخوان بيقولوا ايه ‏
افتكرت .. فقولتلهم اه ..انجازات ايه .. قناة السويس اللى الحفر فيها عالناشف وهاتغرق لانها معموله غلط .. ولا المؤتمر الاقتصادى اللى بعد ما خلص ماشوفناش مليارات نزلت علينا 

8- ياعم دا قتلوا الناس فى سينا وهجروهم .. بلاش دى احسن تقولى انت ماشوفتش بعينك .. انا امبارح رايح اصلى الفجر كرشونى من الجامع وقالولى دقنك طويله ومش هاتصلى \
فى الجمله دى بالذات كنت متقمص اوى ههههههههههههههههههههههههههههه

** هههههههههههههههههههههههه كل دا وانا هاموت واضحك 
واصحابى المصايب نفسهم يضحكوا والراجل اللى بقاله كتير ماشوفناهوش هايموت منى ومتستغرب ومتعجب ! هههههههههههههههههه

وفى الاخر .. بصوا للاخ الغريب قالوله بالمناسبه ادخل عالفيس بوك وشوف صفحة البحراوى .. هى معروفه اسمها ضد الماسونيه ..اكبر مؤيد للسيسي ومن فلول مبارك ههههههههههههههههههههههههههههههههههه

** بقول للراجل ماتجيبش حد اخوانى معاك تانى .. قالى والله مش اخوان ولا نيله .. دا من الفئه بتاعت ان كل حاجه وحشه .. مبارك وحش والاخوان وحشين وحمدين وحش والسيسي وحش وكله وحش ‏‎ 
قولتله برضو يبقى اخوانى .. ‏‎ 

** تجربه اخدت ساعه .. حاولت اتقمص فيها شعور الاخوانجى وهو بينافق وبيكدب وبيقول اكاذيب .. حسيت انى عاوز استحمى بسبب كمية الشعور بالوساخه لمجرد انك تتقمص شخصية حد منهم

** حبيت بس اوريكم ان سهل الخداع .. انا سهل بدقنى دى اخدع حد انى اخوانجى .. زى ما الاخوانجى ماهو سهل انه يحلق دقنه ويخدعك 

ويمكن البوست دا .. بيأكد البوست اللى كتبته عن ناس تيجى تقولى بنحب السيسي بس فى صفحات اخوان بتكتب كلام موزون ويشكك ... والاجابه كانت .. سهل كلامهم يكون منطقى لانه بدون دليل .. رص كلام زى ما انت عاوز بقى

** العيال الى سنها صغير غلابه 
مضحوك عليهم وممكن من قعدة على كافيتريا يقوم كاره كل حاجه فى البلد .. او حابب كل حاجه فى البلد .. السن دا خطر .. سن من 16 ل 20 .. 
حبيت احكى الموقف .. عشان تعرفوا ان الاكاذيب ونشرها سهل .. والكلام بدون دليل سهل ... شغل عقلك وحلل كل كلمه بتتقالك سواء من مؤيد او معارض ‏:D

E>E
Eslam Elbahrawy


قمة الكوميديا حصلت بالفعل من ساعتين ( إسلام البحراوى اخوانى لمدة ساعه ) :Dمبدأيا العبد لله سايب دقنه بقاله فتره بسبب ...










Posted by