رد قوى من صاحب مطاعم ام حسن - اعلان تلفزيونى يفضح خطة ضرب السياحه المصريه فى رمضان - تدمير شائعة لحوم الحمير

رد قوى من صاحب مطاعم ام حسن - اعلان تلفزيونى يفضح خطة ضرب السياحه المصريه فى رمضان - تدمير شائعة لحوم الحمير

ضربة معلم من صاحب مطاعم #ام_حسن 

من 3 ايام لما قولتلكم فكروا فى الامر 

** فى البدايه .. لحم الحمير 

تضخيم القضيه .. محاولة تحليل اكلها لاهداف خفيه للعبث بالمعتقدات الدينيه .. الصاق تهمة تقديمها لمحلات شهيره بمصر رغم ان هذا ليس صحيح

** الان .. علف مسمم بماده غريبه يؤدى الى انفجار امعاء الدجاج وهى على قيد الحياه !

** الهدف .. ان النتيجة تكون ضرب السياحه فى مصر فى شهر رمضان ..

عمل سمعه سيئه للمطاعم .. وبالتالى محدش هايروح ويبقى وقف حال وبالتالى هيجان من الناس

** الهدف .. ان النتيجه تكون عزوف الناس وابتعادهم عن اكل الفراخ .. تحصل ازمه .. يحصل قلق .. تزيد اسعار وتنزل اسعار .. بلبله ووجع دماغ

** خلوا بالكم .. الفتره الحاليه مش سهله

بيحاولوا العبث فى الاكل .. والشرب .. والدين .. والسياسه

وبيستخدموا الفلوس .. والارهاب .. و.. و ...؟ و ( اساليب عالم الشيطان )

** بالفعل اتضح ان كل المحلات الشهيره اللى اتقال اساميها .. هى مجرد اشاعه

والنهارده بعد الفطار فى اعلانات التلفزيون شوفت اعلان لمطعم ام حسن وعجبنى اوى الكام جمله اللى فيه 

بيقول الاعلان :

فى البدايه كان الهدف هو عمل سلسلة مطاعم مصريه .. 

حوالى 2000 موظف بيشتغلوا فى مطاعمنا ووراهم اكتر من مليون واحد فى صناعات الاغذيه.. ناس كتير مش هايعجبها دا .. وهاتحاول تقطع كل ايد مصريه بتبنى عشان نقفل مصانعنا ونفضل نستورد اكلنا وشربنا والخواجه يتحكم فى رزقنا !

** حتى وان كان الحرب داخليه ومالهاش علاقه بحد اجنبى لكن كفايه فكرة الاعلان عشان توصل للناس الفكره الرئيسيه ان الاشاعات موجوده على كل حاجه للهدم .. من اول قناة السويس الجديده لحد موسم السياحه فى رمضان والمطاعم !

** أوضحت الشرطه المصرية ان سبب المداهمة هو وجود بعض ألعاب الأطفال خارج المطعم وهي ألعاب غير مرخصة بوجودها، وكانت إدارة مطعم أم حسن قد اختلفت مع رجال اشلرطة بسبب صلاحية التراخيص وعدم وجود بعضها مما أدى لمشادات كلامية استدعت مزيداً من الشرطة وكان المطعم قد اغلق لوقت قليل مما بث الاشاعات بين الناس 

انا معرفش صاحب المطعم .. ولا روحت المطعم اصلا فى اى فرع من فروعه

بس الاعلان دا جه فى وقته

خاصة ان اغلاق المحل كان لمشاكل الاشغالات .. يعنى شغل مرافق مش صحه 

ومالوش علاقه بالاكل 

ياريت نخلى بالنا قبل ما نعمل شير لحاجه 

لاننا بنساهم فى نشر الباطل بدون تحقق

E>E

ESlam Elbahrawy