مسلسل الصعلوك الحلقه الثانيه - اسقاط سياسى على نظام مبارك وتعامله مع الاخوان ونشطاء يناير
مسلسل #الصعلوك
الحلقه التانيه
عجبنى اوى الاسقاط السياسي .. حتى لو ماكنتش متفق معاه
لكن معروف ان خالد الصاوى نكسجى
المشهد دا لخص فكرة الاسقاط السياسى للمسلسل
عم غزال = هو الراجل الراوى اللى بيوصف المشهد ( الفنان احمد راتب )
مخرج الفيلم : شاب شايل كاميرا عامل نفسه مهتم بأحداث الحاره ومهتم بالغلابه فيها رغم ان دا كله مجرد سبب عشان يتواجد جوا الحاره لاقامة علاقة زنا مع سيده من سيدات الحاره
المعلم حماصه = هو المفترى والبلطجى
محروس الاهبل = هو اللى بينضرب ويتمد على رجله
الشيخ سيد التهامى = ممثل الدين فى الحاره
عم غزال بيحكى للمخرج اللى واقف جنبه المشهد
حماصه البلطجى .. بيضرب فى محروس الاهبل .. اهل الحاره واقفين خايفين ... وفجأه جه الشيخ سيد التهامى قال لحماصه كفايه كده !
عم غزال بيعلق للمخرج وبيقوله: اوعى تكون اتخدعت زى بقية اهل الحاره .. وصدقت ان وقفة الشيخ سيد التهامى دى ابتغاء لمرضاة وجه الله .. ولا تكون اتهبلت وصدقت ان المعلم حماصه قلبه خشع فجأه لكلمة الحق والهدايه نزلت عليه فشلت يداه عن الظلم والعدوان
الشيخ سيد ماعملش كده عشان الجدعنه ولا حماصه سكت عشان جبران الخاطر .. الحسبه كلها حسبة مصلحه ..
ويكمل تعليقه
الشيخ سيد قوته ضعفت وفقد تعاطف ناس كتير بعد ما انضم لاخواننا البعدا . فبقى لما يلاقى اى حاجه يحاول يستغلها عشان يكسب تعاطف الناس تانى
فيسأل المخرج عم غزال .. طيب حماصه مادام فاهم كده ليه سكت وسمع كلامه ؟؟
فيرد عم غزال ويقوله : لان حماصه البلطجى والشيخ سيد التهامى كانوا شغالين مع بعض فى الخفا .. وفى الضلمه .. كان بيوردلهم عيال فى المظاهرات ! فالشيخ سيد ماسك على حماصه ذله .. عشان كده حماصه قرر يتاطى
*** بعد المشهد دا كله لو فكرت هتلاقى
الحاره = مصر
محروس اللى بينضرب على رجله = الشعب
حماصه البلطجى = الحكومه
سيد التهامى = الاخوان
المخرج الشاب = العيال الثورجيه اللى عاملين ان همهم على العشب وهما دماغهم فى حاجات تانيه
الاخوان اللى بقت صورتهم وحشه بعد ما دعموا الارهاب وفقدوا ثقة الشعب .. فبقوا بيلاقوا اى حاجه يحاولوا يدخلوا فيها عشان يرجعوا الثقه تانى .. والحكومه كانت بتتعامل مع الاخوان فى الخفا ايام الحزب الوطنى لما كانت بتديهم مقاعد فى مجلس الشعب .. عشان كده كان فى توازنات بين الحكومه والاخوان ايام 25 يناير !
اعتقد المشهد بيتكلم عن عهد الرئيس مبارك
من وجهة نظر المسلسل
E.E
ESlam Elbahrawy