الفن بيهدم مصر - اهانة ضابط الشرطه ووصفه بالجاهل فى مسلسل استاذ ورئيس قسم
الفاشل ابو 50%
الجاهل اللى ماجابش مجموع ودخل كلية الشرطه
دا مش كلامى انا
دا اللى بيلخصه المشهد دا
لما عادل امام بيقف يكلم الضابط ويقوله مقوله على لسان الاديب الفرنسى فولتير .. ويسأله الضابط مين دا؟؟ فيقوله عادل امام دا واحد مسجون عندكم جاى اتوسطله ... فيرفع الضابط السماعه يطلب المديريه ويقولهم عندنا واحد محبوس اسمه فولتير عاوز الملف بتاعه
بيحاول يرسخ فى دماغك ان الضابط جاهل
رغم ان فى ضباط جيش وشرطه معاهم شهادات ودراسات اعلى من اى استاذ جامعى .. وبيتعلموا فى ارقى الاماكن فى اوروبا وامريكا وبيطلعوا بعثات
وبالمناسبه .. جهل الانسان بحاجه مش معناه انه غبى او جاهل كليا
يعنى لو تاجر قماش بيفهم فى صنعته و جه عشان يتنطط عليا اكيد هاظهر انا جاهل .. بس دا مش عيب لانها مش مهنتى .. لانى لو جيبت تاجر القماش وكلمته فى العلاقات العامه او السياحه مش هايفهم لانها مش شغلته و دا مش معناه انه جاهل
فطبيعى جدا واحد دكتور جامعه شغلته القراءه والكتابه انه يعرف الادباء
لكن ممكن تسأله فى تاريخ او احداث حدثت للشرطه المصريه ومايعرفش لانه مش ضابط داخليه
#الفن_بيهدم_مصر
E>E
Eslam Elbahrawy