مفاجأه - الاصدار الجديد من لعبة call of duty - المهمه فى مصر وتدمير محطة رمسيس وتدخل قوات اجنبيه
نركز شويه بس
طبعا انتوا عارفين ان كتير من المؤامرات بيكون مترتب لها من سنين
وعارفين ان كتير من المؤامرات ظهرت قبل تنفيذها فى افلام وشوفناها بعد كده فى الحقيقه زى ما حصلت فى الافلام بالضبط .. زى احداث 11 سبتمبر اللى شوفناها فى افلام كتير قبل الحدث ما يحصل فى 2001 ...
الصور اللى قصادكم دى من لعبة فيديو جيم اسمها call of duty
اللعبه لسه منزله جزء جديد .. الجزء الجديد دا المهمه فيه هاتكون فى مصر
فى محطة رمسيس !!!
الخراب اللى قصادكم دا المفروض انه هايحصل فى مصر وهم متوقعين ان مهمة اللعبه ان الجنود هاينزلوا مصر عشان يخلصوها من اللى فيها بعد ما اصبح شكلها دمار وخراب زى ما انتوا شايفين
لحد دلوقتى هاتقولى وايه يعنى .. دى لعبه !
اولا اللعبه دى عالميه ومعنى انها تسيب احداث العالم الساخنه كلها وتعمل حاجه عن مصر..دا شىء غريب .. لان انت لو عاوز تعمل حاجه عن العالم العربى او الشرق الاوسط هاتعمل عن سوريا او اليمن او ليبيا ..الاحداث اللى جوا البلاد دى تسمح انك تنسج بخيالك مهمات جوا اللعبه ... لكن مصر مافيهاش الدمار دا .. فكون انك تتخيل الدمار وتنشىء له مهماتز.دا امر غريب
ثانيا .. وتدور أحداث النسخة الثالثة
لــBlack Ops III فى عام 2065،
حيث تسيطر التكنولوجيا والجنود الروبوتات على العالم إلى حد كبير، مما يدفع الشعوب لمظاهرات عنيفة ضد علماء التكنولوجيا. وقبل دخول محطة رمسيس، فى المهمة الرابعة من اللعبة المنظرة، تقول اللعبة أنه بسبب صعود وهبوط الهجمات فى المنطقة، على اللاعب توخى الحذر الشديد فى مهمته لاستجواب من يدعى د. سليم فى مصر فى محطة رمسيس، بالإضافة إلى تحديد الأهداف. وتظهر القاهرة فى اللعبة شبيهة بمظهرها الحالى رغم وقوع أحداث اللعبة فى المستقبل، وتظهر بعض المبان بالطوب الأحمر وأعلام مصرية على أسطح المبانى، كما يظهر جنود مصريون إلى جانب من يبدو أنهم جنود أمريكيون، وفى أحد المشاهد يقول أحد الجنود المصريون لجندى أمريكى بالإنجليزية بعد أن قام بتفجير موقع خطر: "أشكرك، لن أنسى لك هذا الموقف"
ثالثا ...
اللعبه مثيره للجدل لان الجزء اللى اتنشر لهذه اللعبه فى 2003 وكان خاص بحرب العراق .. كان وكأنه مرسوم جواه كل اللى حصل بعد كده بالفعل !!
رابعا ..
العبه دى فى احد اجزاءها قبل كده بعد نكسة 25 يناير
كنت وانت بتلعب ومهمتك جوا مصر .. تلاقى مشاهد فى اللعبه مكتوب على الجدران ( يسقط مبارك ) وهى نفس الرسومات والمشاهد اللى شوفناها بعدها لما حصلت النكسه !!!!!!!
** الصور الخاصه بمبارك موجوده جوا البوست برضو !
** انا ناشر الكلام دا عشان تقولوا ربنا يسلم مصر .. وعشان تعرفوا ان المقصود بالخراب دا مش عام 2065 ولا حاجه .. وتعرفوا ان العين علينا حتى فى العابهم و ازاى بيقدروا يخلقوا وعى موازى جوا عقولنا لتقبل فكرة حرق البلد ووجود حرب فيها
زى ما عملت نفس اللعبه الجزء بتاعها الخاص بالعراق
شكرا واسف للاطاله
E>E
Eslam Elbahrawy