شفرة الحقيقة - مدونة إسلام البحراوى: رساله الى الاعلاميه رانيا بدوى بعد دفاعها عن الصحفيين فى قانون الارهاب الجديد

رساله الى الاعلاميه رانيا بدوى بعد دفاعها عن الصحفيين فى قانون الارهاب الجديد - ماذا لو يا استاذه ...؟

بتاريخ 9 يوليو 2015

بسم الله الرحمن الرحيم

رساله الى الاعلاميه رانيا بدوى بخصوص حلقة الامس

حضرتك تحدثتى عن طبعا مشكلة قانون الارهاب واكيد لان حضرتك فى الاصل صحفيه كان عندك اعتراض على القانون وكنتى واقفه فى صف الصحفيين اللى عاملين وقفه عشان يلغوا الماده اللى تمنع انهم يفبركوا اخبار عشان دا اكل عيشهم طبعا !

اولا عاوز اقول لحضرتك ان فى رسالتى الاولى لك من شهور

كنت تكلمت عن دفاعك عن احمد دومه وباقى سجناء نكسة 25 يناير الذين احرقوا ودمروا وقت تلك الهوجه ! ولكن

بعد حوار ونقاش مع حضرتك قولتى انك ماقولتيش دا ..

اعتقد ان فى ثوابت اتقالت فى حلقة امبارح

وكان قبلها فى سقطه اعلاميه فى برنامجكم عندما استضاف عمرو اديب صحفى من سكاى نيوز ليتكلم عن الحياديه والنزاهه وكانت سكاى نيوز اصلا اول الناشرين لاخبار الفبركه !

بالامس حضرتك قولتى ان تأخر الاعلام العسكر فى اعلان البيانات سمح لاعلام الاخوان والاعلام الخارجى انه ينشر اخبار كاذبه .. وهنا السؤال وبعض الرسائل لحضرتك :

1- حضرتك تقصدى بكده ان اليوم السابع والمصرى اليوم والوطن والشروق اعلام اخوان؟؟؟ او اعلام خارجى؟؟

لان هى دى الصحف اللى نشرت على مواقعها اخبار كاذبه عن الجيش

2- هو فى حالة الحرب مطلوب افشاء المعلومات العسكريه ؟؟ هو فى حالة الحرب مطلوب اننا نقول لحظه بلحظه تحركات الجيش على الملأ ؟؟ هو فى حالة الحرب مطلوب مننا ان الجيش يسيب الناس الحاصره والناس اللى بتموت

ويتفرغ فى خروج بيان كل 3 دقايق عشان خاطر حضراتكم ؟؟

3- اعتقد يا استاذه فى حالة الحرب .. المتحدث العسكرى عمل المطلوب .. المفروض ان اثناء سير المهمه او العمليه يكون فى تكتم فى المعلومات .. لكن .. كان جنودنا بيستشهدوا والمتحدث العسكرى اخرج بيان وقال ان فى هجوم من

ارهابيين وفى سقوط لشهداء وسقوط للارهابيين ...اعتقد خلاص..دى المعلومه اللى تهمنا .. مات كام وعاش كام ؟؟ دى مش شغلتنا فى حالة الحرب

هى بس شغلانة الصحفى اللى دخل مزاد على عدد الشهداء عشان يكون حصرى !!

4- فى سقطه اعلاميه هى الكبرى لبرنامجكم .. الاستاذ عمرو اديب استضاف احد صحفيي شبكة سكاى نيوز .. وكان جايب الاخ الصحفى دا عشان يتكلم عن النزاهه الصحفيه وعن ان سكاى نيوز كانت هى الاكثر نزاهه وقت احداث

سيناء .. رغم ان قناة العربيه وكل المواقع الاخباريه وقناة الجزيره .. كانت بتنقل الاخبار الكاذبه بشأن عدد الشهداء وبشأن اختطاف جنود مصريين كلها كانت اخبار من سكاى نيوووووز؟؟

أليس هذا تضليل للرأى العام يا سيدتى

لو كان متعمداً .. فأنتم شاركتم فى تضليل الرأى العام

ولو كان خطأ غير مقصود .. اصبح لزام عليكم اقالة فريق اعدادكم

5- بالامس الكاتب عبد الله السناوى .. استمر فى مسلسل الكذب فى برنامجكم ولم يوقفه احد .. عبد الله السناوى قال ان ما جعل الاخبار الكاذبه تنتشر هو ان المتحدث العسكرى اخرج اول بيان بعد 14 ساعه .. وهذا كذب وتلفيق

وتضليل لان البيان خرج بعد حوالى 3 ساعات كان البيان الاولى للمتحدث العسكرى

6- كل ما اقوله واستشهد به من برنامجكم موجود على حسابكم على تويتر وموجود على اليوتيوب من الحلقات

7- والان ما قول حضرتك فى الاتى

أ- اليوم السابع تنشر خبر استشهاد الجنود فى سيناء والصوره الرمزيه وانتى صحفيه وتعلمين معنى الصوره الرمزيه للخبر .. تكون صورة الخبر الرمزيه لمعزه او حيوان مذبوح .......؟

ب- ما قول حضرتك ان الشروق وسكاى نيوز تناوبوا على اذاعة ارقام كاذبه لعدد الشهداء حتى وصلوا ل 70 شهيد ؟

ج- ما قول حضرتك ان سكاى نيوز ظلت تقول ان عدد الشهداء 70 وحتى بعد خروج المتحدث العسكرى ببيان ان الشهداء 10 ؟؟ سكاى نيوز عدلت الرقم ولكن لم تكتب 10 .. فقط كتبت 60 .. اراكى تضحكين الان؟ نعم احيانا العار يجلب الابتسامه !

د- ما قول حضرتك فى جريدة فيتو التى نقلت خبرا عنوانه :

مصادر اسرائيليه تؤكد خطف جنود مصريين على يد تنظيم داعش !

هـ- ما قول حضرتك فى جريدة اليوم السابع التى اطلقت على العمليات اثناء حدوثها . غزوة رمضان؟

و- ما قول حضرتك فى جريدة المصرى اليوم التى كتبت ان المجاهدين يسطرون الملاحم فى سينااااااااء

ز- ما قول حضرتك فى جريدة موقع مصراوى الذى وصف الارهابيين ب اسود الخلافه

ى- ما قول حضرتك فى نشر المصرى اليوم فيديو يوم احداث سيناء الضهر وابطالنا بيستشهدوا .. الفيديو لتفجير مدرعه..وتقول ان تلك عمليه قام بها الارهابيين الان .. وبعد انتشار الفيديو .. نجد اعتذار ونكتشف ان الفيديو من 2013 ..؟ تلك هى المهنيه الصحفيه اليس كذلك

** كل تلك يا سيدتى ليس اخبار تشيع الفوضى ولا تحبط عزيمة الشعب والجنود اليس كذلك ؟؟؟

كل تلك اخبار عاديه من حق الصحفى ان يقولها ويخطأ فيها ؟

ولكن .. ماذا لو تغيبت رانيا بدوى عن برنامج القاهره اليوم لمدة حلقتين دون ابداء اسباب؟

هل يحق لنا ان نبدأ فى نشر الاخبار والتكهنات

رانيا بدوى تغيبت لانها فى خلافات مع زوجها

رانيا بدوى تغيبت لانها مدمنه على الكحول ويتم علاجها فى احد المصحات

رانيا بدوى متغيبه لانه تم القبض عليها وهى فى حالة سُكر

رانيا بدوى متغيبه لانها متهمه بفضائح مخله انتشرت لها على الانترنت

ارجوكى سامحينى فيما سبق لم اقصد به الاساءه ولكن لو حدث وقلنا هذا؟ هل ستعتبرينه مجرد اجتهاد ؟؟ ام ان الخوض فى شرفك وسمعتك سيحركك لمقاضاة تلك الصحف لانها حياتك وحياة زوجك وابناءك وسمعتهم؟؟ اذن .. هل حياة رانيا بدوى او عمرو اديب وسمعتهم اكبر من سمعة الجيش المصرى .. اكبر من اهالى يشاهدون خبر استشهاد 70 وكل منهم يعتقد ان ابنه قد مات ؟؟ اكبر من ان اعداء يرون تلك الاعداد فتحدث الشماته فى جيشنا؟

ارجو الا نكيل بمكيالين

** نقطه اخرى اريد لفت نظرك اليها

الم تفكرى انتى او ايا من العظماء الاعلاميين والصحفيين الكبار في شىء ما

الم يلفت انتباهكم ان زيادة الاعداد والاشاعات كانت تخص فقط شهداء الجيش ..؟

بمعنى

الخبر ينزل استشهاد 60 .. وبعـــــــــض الارهابيين

استشهاد 70 من الجيش .. وبعــــــــــض الارهابيين

تفجير كمين وسحقه من الارهابيين وسقوط بعــــــــض الارهابيين

اختطاف جنود مصريين وبعض القتلى من الارهابيين

الم تلاحظوا ان دائما الاخبار تأتى بالسلب عن الجيش فقط وتزيد فى كل مره ولكن لا حديث عن الارهابيين الا بعض القتلى.. او انهم احتلوا كمين .. او انهم اسود الخلافه ..؟

اليس من اصول الاعلام المحايد ذكر ارقام عن الطرفين

ولا المصدر الصحفى اللى بيعد اعدادء الشهداء خريج تجاره

واللى بيعد اعداد الارهابيين اللى ماتوا معاه ابتدائيه قديمه فمش بيعرف العدد ...؟

** ارجوكم تعلموا من اعلام الدول المجاوره وان كان ايضا ينشر اكاذيب عن مصر

انظروا لقناة العربيه السعوديه .. نعم روجت اخبار كاذبه ولكن عندما تحدثنا معهم قالوا نقلنا عن جريدة الشروق المصريه !!!! وكأنهم يقولون لنا هذبوا انفسكم اولا .. ولكن الاعلام السعودى يعيش حالة حرب .. ينقل الاخبار بعد التأكد منها ..الانفجار يحدث وبعدها ب 6 ساعات يخرج خبر عن الانفجار فى الحدود مع اليمن وحتى انهم يذكرون عدد اقل من القتلى حتى يهدأ الرأى العام !

** قبل ان اقول اخيرا ...

ملحوظه لحضرتك وانا متأكد انك ماتقدريش تقولها فى برنامجك ..زى ما ارسلت للمحامى خالد ابو بكر صور الصحف صاحبة الاخبار المفبركه وطلع عالهوا قال فى ناس باعته صحف كلنا عارفينها !!!!!!

ولما بعتت يوم استشهاد النائب العام لخالد ابو بكر قولتله محدش كان شمتان فيه الا الاخوان و بتوع 25 يناير و6 ابريل بدليل زوج اسماء محفوظ اللى تهكم وكتب النائب العام انفجرررر وحط صورة السيسي وعليها علم الوان الشواذ وخرج خالد ابو بكر يقول زعلان من ناس نعرفهم شمتوا فى النائب العام.. ما تنطقوا واتكلموا ولا خايفين؟؟

معلومه بس

ان اليوم اللى اعلنت فيه الجزيره تخصيص رقم على الواتس اب لارسال الاخبار.. كان نفس اليوم اللى اعلنت فيه اليوم السابع نفس الخدمه .. ومن يومها اليوم السابع تنشر خبر كاذب يهيج الناس .. ثم تعتذر وتقول والله دا كان جايلنا من مواطن على الواتس اب .. يعنى شغل صهيونى فى نشر الكذب بدون الوقوع تحت طائلة القانون

** اخيرا

لم تكن يوما الاشاعات حريه صحفيه

ولم تكن يوما مصدر رزق لاى صحفى شريف

انصروا بلادكم دون المساس بمهنتكم واصولها

انتوا بتتكلموا بدون اى دليل

انا كل كلمة قولتها متصوره سكرين شوت من خلال الرابط دا

https://www.facebook.com/eslam.elbahrawy/posts/991862737510667

تقدرى تتطلعى عليها ولو ان اكيد محدش عنده جرأه يذيع الصور دى للصحف المفبركه والكاذبه

وتحياتى مقدما لكل اصدقائى اللى هايساهموا فى توصيل الرساله

رابط الصفحه الشخصيه للاعلاميه رانيا بدوى فى حال لو حبيتم توصلوا الرساله

https://www.facebook.com/raniabadawy.offical

شكرااااااااااااااا