حقيقة الصوره التى احرجت الاعلام المصرى كله - صوره حملت رسالتين للسيسي وللاعلاميين - قمة الخجل



حقيقة الصوره التى احرجت الاعلام المصرى كله - صوره حملت رسالتين للسيسي وللاعلاميين - قمة الخجل

بسم الله الرحمن الرحيم 

أتمنى تشاركونى رأيكم 

صوره + رسالتين 

** الصوره قصاد حضراتكم فيها رسالتين 
واحده للاعلام وللاعلاميين 
والتانيه للرئيس السيسي 

** بعد الفاظ سب الدين والقذاره اللى شوفناها فى رمضان 
** بعد وجود احمد التباع نجم المكالمات الجنسيه على اليوتيوب مع رامز جلال
** بعد صحافة العار التى تروج للاشاعات ضد جيشنا 
** بعد اعلام العار اللى بيلمع الخونه 

كان طبيعى جدا ... 
ان مصابى القوات المسلحه .. 
داخل مستشفى مصريه 
يبقوا فاتحين قناة ( العربيه السعوديه ) بيتفرجوا على اخر اخبار بلدهم !!!

** انتوا اللى خليتونا نعمل كده وقت احداث سيناء
انتوا اللى خليتونا نبقى عارفين ان القنوات بتكدب بس مفيش حد غيرها
انتوا اللى خليتونا نشوف الجزيره رغم اننا عارفين ان المكتوب كدب 
انتوا خليتونا نتابع اكونتات الصحف الزباله رغم اننا عارفين نواياهم 

** الرساله الاولى للاعلام 
لو كان فيكم حد محترم 
لو كان فيكم حد بيحب البلد
كنتوا قدرتوا تقدموا المحتوى اللى يجذب المشاهد المصرى
المحتوى اللى يخلى الجندى المصرى يتابع اعلام بلاده 
المحتوى اللى يخلى الوكالات الاجنبيه تنقل منكم الحقيقه مش انتم اللى تنقلوا كلام الوكالات الاجنبيه اللى بيسيطر عليها الصهاينه ! 
اعلامكم عار 
قنواتكم وقت الحدث كانت بين قنوات بتذيع برامج طبيخ 
وقنوات بتذيع مسلسلات 
وقنوات مقالب 

** الرساله التانيه للسيد الرئيس 
ياريس حضرتك عندك تحت ايدك قطاع فى الدوله اسمه قطاع النيل للقنوات المتخصصه
القطاع اللى كلمت حضرتك عنه قبل كده 
قناة النيل للرياضه بيكون ماتش فى دورى ابطال اوروبا شغال وقناة النيل بتذيع مباراه للمنتخب عام 86 ..!

قناة النيل الثقافيه مازالت بتعمل ندوات ثقافيه عن مواضيع اتقفلت من 150 سنه 

اما قناة النيل للاخبار .. حدث ولا حرج
قناة النيل للاخبار يوم احداث سيناء كانت بتذيع وثائقى عن الاخوان المسلمين
ومكتفين بكتابة سطر او اتنين كل شويه !!

ياريس .. جدد القنوات اللى بيتصرف عليها مليارات بالخساره
عاوزين قنوات محترمه يا ريس
عاوزين قطاع النيل للقنوات المتخصصه ينافس القنوات الخاصه
نفسى مره اشوف خبر عاجل مكتوب نقلا عن قناة النيل للاخبار

انا عاوز قناة النيل للاخبار يكون لها مراسلين يا ريس فى كل حته
جوا مصر فى كل محافظه وبرا مصر 
خليهم يعملوا خاصية ارسال الفيديو والاخبار على ايميل او رقم تليفون
عاوز اشوف مراسلين لينا فى سوريا ولبنان واليمن والعراق 
عاوز اشوف الخبر العاجل اللى يخص مصر ينزل عندنا الاول 

ياريس 
ايوه عندنا اعلام عار 
ايوه عندنا صحفيين مأجورين 
لكن احنا بنساهم ان الناس تروح عندهم لنقص المعلومات 
انا اقترحت انشاء قناة نسميها مصر 777 ... بإسم فرقة الصاعقه المصريه
تديرها الشئون المعنويه للقوات المسلحه .. ويتم توظيف فيها مذيعين ومراسلين 
تطلع كل يوم بنشرة اخبار فيها ملخص ما قام به الجيش فى سيناء 
تطلع بتقارير مصوره وحصريه من ميدان الحرب كل يوم 
تطلع بتقارير مصوره عن انجازات الجيش فى الطرق والكبارى والاعمال التنمويه
تعرف الناس الحقيقه
يكون فيها برنامج اسمه الحقيقه يطلع كل يوم لمدة ساعه
يلم كل الاخبار الكاذبه عن الجيش ويوضح حقيقتها 
تذيع افلام تسجيليه عن الجيش وبطولاته على مر التاريخ 
الناس ماتعرفش تاريخ جيشها ياريس 
والله العظيم ما فى بيت فى مصر الا وهايشغل القناه دى 

ابدأ .. الوقايه خير من العلاج
جرب ومش هاتخسر
اعمل قناة يشرف عليها الجيش وشوف تفاعل الناس معاها 

E>E
Eslam Elbahrawy

بسم الله الرحمن الرحيم أتمنى تشاركونى رأيكم صوره + رسالتين ** الصوره قصاد حضراتكم فيها رسالتين واحده للاعلام وللا...










Posted by