اعلام العار وخطة هدم مصر من خلال الفن - هل تساءلت من هو احمد التباع الذى ظهر فى احدى حلقات برنامج رامز واكل الجو؟ تعرف على الحقيقه



اعلام العار وخطة هدم مصر من خلال الفن - هل تساءلت من هو احمد التباع الذى ظهر فى احدى حلقات برنامج رامز واكل الجو؟ تعرف على الحقيقه 

يا نهار اسود 

ليهم حق الشباب اللي معاهم شهادات وقاعدين في البيت انهم يحبطوا ويكرهوا نفسهم ويكرهوا العيشه 

عمال اشوف بوستات فيها اسم احمد التباع .. قعدت علي القهوه دلوقتي .. اصحابي كلهم ميتين من الضحك علي احمد التباع 

بعد ما سألت عرفت ان احمد التباع كان نجم حلقة امبارح مع رامز جلال في برنامج رامز واكل الجو

متأكد ان ناس كتير سألت مين احمد التباع .. وشباب كتير مايعرفرش .. وشباب اكتر عارفين بس لما اهاليهم سألوهم مين دا ماقدروش يقولولهم

اتحسر علي بلدك واتحسر علي اعلام بلدك
احمد التباع شهرته جت منين? 
احمد التباع من اربع او خمس سنين كان مشهور وسط الشباب لان له مكالمات جنسيه علي اليوتيوووب

اه والله زي ما بقولك كده
احمد التباع سواق معدات تقيله
اتعرف علي واحده من اياهم
عمل معاها مكالمات جنسيه وكانت البت بتسجله فحطت المكالمات الجنسيه دي عاليوتيوب .. احمد التباع كان بيقول كلام كوميدي في وسط المكالمات الجنسيه عشان كده اتشهر وسط الشباب ومكالماته انتشرت

بالمناسبه 
احمد التباع دا كلمتكم
عليه من فتره لما جابه طوني خليفه وقصاد طوني خليفه قاله انا الاول كنت مكسوف من
المكالمات دي بس لما لقيتني مشهور فرحت بيها وكمان قاله علي الهوا ايوه انا بشرب حشيش و دي حاجه مش وحشه لاني بتحكم في الشرب 

يا حسرتي علي شهادتي ويا حسرة امي و ابويا علي تعبهم عليا انا واخواتي
في بلد اعلامها دافن المخترعين والمتعلمين واصحاب الشهادات
وبيلمع الحشاشين واصحاب المكالمات الجنسيه

ماليش نفس اتكلم
ماليش نفس اتناقش في حاجه
ماليش نفس ابص لاي حاجه حواليا

عذرا شباب بلدي
البقاء لله في شهاداتكم 
ويا بخت اللي يتسربله مكالمه جنسيه

هانستغرب ليه
اذا كان اللي متسربله مكالمات خيانه وعماله واقتحام امن دوله .. نشطاء وراكبين البي ام 
يبقي ليه اللي متسربله مكالمات جنسيه مايبقاش نجم اعلامي في مصر

حسبي الله ونعم الوكيل في ناس بتنشر اللي يخلي الاخوان يقولوا عليكم فعلا اعلام رقاصات .. ياريت والله اهون .. احنا اعلام احمد التباع وهبه
اعلام نجوم المكالمات الجنسيه 

لك الله يا مصر
عليه العوض ومنه العوض 

E.E
ESLAM ELBAHRAWY

يا نهار اسود ليهم حق الشباب اللي معاهم شهادات وقاعدين في البيت انهم يحبطوا ويكرهوا نفسهم ويكرهوا العيشه عمال اشوف بو...










Posted by