مسلسل حارة اليهود - ما السر فى اظهار فتيات الليل كجهاز مخابرات مصرى ؟
#الفن_بيهدم_مصر
عندى مشكله من زمان فى موضوع معين
من زمان ملاحظ ان كل الافلام القديمه والجديده
حتى المسلسلات الكوميدى زى راجل وست ستات لما تعمل حلقه عن الاستعمار
لازم يظهر ان مخابرات مصر فى الوقت دا كان صاحب اليد العليا فيها هم فتيات الليل وبس
اى فيلم قديم او جديد عن الاستعمار
دايما الست ( الرقاصه او فتاة الليل ) هى اللى بتاخد الواد بتاع الكامب الانجليزى سى چونى وتقضى ليله معاه وبعدها تقتله او تاخد معلومات منه !!
هو ليه كده؟؟ يعنى ليه دايما بيصوروها كده
ما كان فى شباب وطنى وكان فى فدائيين وكان فى شباب بيجمع معلومات
** اما بخصوص الصوره فهى ليها علاقه بالموضوع برضو
من مسلسل حارة اليهود .. المشهد دا هلكنى على نفسى من الضحك
صاحبة بيت للاعمال الملخه .. قاعده مع ولد امه شغاله فى البيت دا
وصاحبة البيت عماله تشرح للولد ا ايه امه عظيمه وبتقوله :
بكره تعرف ان امك ست عظيمه .. ضحت عشانك عشان تخليك احسن واحد فى الدنيا وماتتحرمش من حاجه !! ... مع شوية موسيقى مؤثره ..والله انا كنت قربت ابكى واطالب بتقنين ال... الاعمال الملخه فى الشقق المفروشه !!!
** هو الام العظيمه اللى بتضحى عشان ولادها لازم تكون كده
فى ام عظيمه وظروفها وحشه وشغاله فى مشغل خياطه او مصنع حلويات او مخبز .. ايه المشكله يعنى ... وكأن اللى بتروح تمشى فى الغلط لها عذر .. و انا شايف ان الواحد لو بيموت مالوش عذر يعمل الغلط !
دايما فى بديل خير من عند ربنا
E>E
Eslam Elbahrawy