ردا على جملة استنى لما المسلسل يخلص - لنا فى الفيل الازرق عبره - الانطباع الاول يدوم
بص يا سيدى
- ايام فيلم الفيل الازرق انا كان ليا تعليق
قلت .. انى مابحبش السم فى العسل
وان التعامل مع العقل والذاكره بيتم بإستخدام الارشفه .
- فى الفيلم ..فضلوا طول الفيلم يمجدوا فى السحر والاخرررر خالص اخر الفيلم .. ماجابوش حتى قراّن ..جابوا رسومات تترسم عشان تحرق الجن !
- وحتى لو جابوا قراّن .. المشاهد بقاله ساعتين بيتفرج على حاجه وخلاص اتبرمج ..لما تيجى اخر الفيلم تقوله ان القراّن اقوى؟؟ مش هايتحرك شىء جوا دماغه .. لان الكفه مش متساويه فى سرد الاحادث
زى ما شرحنا امثله كتير
انك تجيب صفحات فيس بوك كتير تركب صور لفلان بيزغط بط ولا عامل فيها واحده ست .. وتفضل تكرر الصور .. الواحد مننا لمايشوفها .. العقل يخزنها ..لان العقل دا زى الميمورى كارد .. فلو جه الشخص بقى اللى كانت بتنزله صور تريأه .. واتقال عنه خبر جاد او هو قال معلومه جاده..هتلاقى نفسك مش مصدق ..ليه؟؟ لان الانطباع الاول يدوم .. عقلك لما هايعمل استرجاع للشخص دا ..هايسترجع اول حاجه دخلت دماغه عنه..وهى صور التريأه..وبالتالى كل اللى جاى بعد كده مالوش لازمه
** عادل امام بيقولك ماتستعجلوش على المسلسل واستناو للنهايه ... فى اشاره الى تغير الاحادث يعنى وان اليساريين الثورجيه دول هايبينهم انهم مش كويسين
** العدل بيقولك اصبروا على مسلسل حارة اليهود .. على اساس ان الاحداث الجايه تبين مدى قذارة اليهود
** انا مابحبش المبدأ دا
لان خلاص .. الاحداث الاولى من المسلسل ثبتت فى راس المشاهد خلاص ... اليهود طلعوا كويسين .. الضابط المصرى طلع ضعيف .. الجيش المصرى اتهزم .. ااخوان عاملين معسكرات للدفاع عن فلسطين .. يعنى حتى لو جيت الاخر وقلت ان كل دا مش حقيقه ... المشاهد مش هايقتنع لانه امتص الفكره الاولى خلاص
سلامو عليكو
E>E
Eslam Elbahrawy