شفرة الحقيقة - مدونة إسلام البحراوى: رساله للفنان تامر عبد المنعم - حذارى من فخ الاعلام

رساله للفنان تامر عبد المنعم - حذارى من فخ الاعلام - يحاولون استغلالك لشق الصف

رساله للفنان تامر عبد المنعم

وانا عارف ان كلامى بيوصله

بما انهم بيقولوا على الطنطاويه فلاحين

فإحنا عندنا فى الفلاحين اتعلمنا يابن بلدى

ان وقت ما يكون الواغش كتير .. لازم ناخد احنا جنب شويه

بلاعة المجارى لو اتحط عليها افضل العطور الفرنسيه

هاتفضل ريحتها زفت وبرضو هاتفضل مجارى

مبارك اكبر من اى واغش .. والواغش دا مصطلح حط تحته اصناف كتير زى الجاهل والمغيب والحاقد والجاحد والغبى والزياط وبتاع السبوبه وبتاع المشى مع الرايجه وركوب الموجه !

اعتقد ان حبك لمبارك جاى من حبك لمصر

وحبك لمصر يتضمن حبك وتقديرك للرئيس السيسي

وصدقنى ..

مفيش اى فائده عائده على الرئيس مبارك من كثرة الكلام الان

الفائده الوحيده للاخوان ولأعداء هذا الوطن لانهم يستغلون كلام محبى مبارك على انه كره للسيسي .. ومهما نبحت فى حسك وقعدت تقول السيسي رئيسي وبحبه .. برضو هاياخدوا كلامك ويقولوا الصف انشق واتقسم نصين وبقينا مقسومين تلاته بين السيسي وشفيق ومبارك !

لذلك

سيبك من الاعلام

الاعلام هو اللى كان اكبر سبب لتنحى مبارك

الاعلام هو اللى وقع البلد

الاعلام مش بيجيب حضرتك تتكلم حبا فى مبارك

الاعلام جايبك عشان نسبة المشاهده والاعلانات والشطه والفلفل والشتيمه والزعيق

الاعلام لو محترم ماكانش خلى حمدى الفخرانى يقعد قصادك

لان الاعلام المحترم مش بيعترف بالسبوبه

وحمدى الفخرانى رئيس مجلس ادارة جمعية السبوبه فى مصر !

الاعلام لو محترم كان جاب ناس تعرف الحق

تقول اه مبارك اخطاءه كذا وكذا وكذا لانه مش نبى اكيد له اخطاء

بس يقولوا كان له ايجابيات هى كذا وكذا