احمد موسي - احترس السقطات ترجع بك الى الخلف - من مناظرة مبارك للشيخ ميزو يا قلبى لا تحزن



احمد موسي - احترس السقطات ترجع بك الى الخلف - من مناظرة مبارك للشيخ ميزو يا قلبى لا تحزن


النفس طويله احيانا بيكون نعمه
مش كل الناس تقدر تحصل عليها

احيانا الفخ بيتنصب
وبتكون المعادله 
هل هاتصبر وتكمل
ولا هاتضطر تعمل زى الباقيين عشان الفرقعه وزيادة نسبة المشاهده

سقطتين وقع فيهم احمد موسى فى الفتره الماضيه

السقطه الاولى .. لما عمل مناظره عن تاريخ مبارك 
وهل يستحق مبارك التقدير او لا ..؟
خطأ مهنى فادح وقع فيه احمد موسى 
اولا دا مش وقت حلقه زى دى حتى وان كان الموضوع مثار بسبب جدارية قناة السويس
عشان ماتعملش شرخ احنا مش فى حاجه له حاليا

ثانيا التاريخ لما تحب تعمل عليه مناظره يكون فات عليه كتير
عشان يكون انكشف عنه كتير والناس تقدر تقيم 

ثالثا و دا الاهم
حتى لو حبيت تحعمل مناظره .. اعملها بناس محترمه
يعنى ماتروحش تجيب ناس جعانه وحاقده وبتوع سبوبه وتخليهم يتكلموا ويعملوا نفسهم محترمين
وانا اقسملك لو كنت اعطيت حسن الغندور الفرصه كامله لكان مسح بالفخرانى الارض

رابعا 
مش عشان تعمل حلقه نسبة مشاهدتها عاليه وتحاول تقلد منهج وائل الابراشي الفاشل فى وجود ضيوف كل مهمتهم السب والشتيمه فى بعض ... تقوم تتنازل عن مبادئك 
يعنى انا معرفش ازاي انت بتشتم فى يناير
بتستضيف ناس تكشف خيانة بتوع يناير
شتمت يناير وكنت هاتتحبس بسببها
والاخر ... تعمل فيها محايد وتقول فى الحلقه بتاعت المناظره محدش يخون حد ومحدش يشتم يناير؟
يا استاذ احمد 
الحياد فى الوطنيه ... خيانه 

---------------------------

السقطه الثانيه 
حلقة اول امس لما برضو اتجهت لاسلوب المناظرات 
واستضفت اتنين من الشخصيات الزباله
سواء الشىء المسمى بالشيخ ميزو اللى عاوز يدمر الدين تحت دعوى التجديد
او الاخ وليد السلفى اللى بياكل على كل الموائد وبيتاجر بالدين بحجز الدفاع عنه 

يا استاذ احمد 
انت عملت من موضوع تافه .. شىء كبير 
تجاهل الناس دى هو الحل
انا ابويا وامى كانوا بيتفرجوا على الحلقه وماكانوش يعرفوا مين دول
بفضل حضرتك..سمعوا الاسفاف والقرف اللى سمعوه 

انا اول لما دخلت البيت
شوفت التلفزيون فقلت لوالدى ووالدتى هو مستضيف الاتنين الزباله دول
فوالدى قالى لا بس الشيخ السلفى دا كلامه كويس 
قولتله صبرا جميلا
وقد كان 
المدعو ميزو طلع شاتم فى السيسي وقال عليه ارهابى 
فهلل ابويا وقالى شوفت
وبعدها بدقيقه يواجه احمد موسى الشيخ السلفى ليعترف انه شتم الجيش المصرى وبدأ يتكلم عن فض رابعه وقاله انا بحب الجيش لكن لا تحاسبنى على شعورى الانسانى تجاه موقف شوفت الناس بتموت فيه !!!!!!!

عاوز بس اقولكم 
ان اكيد كلنا نحب من يدافع عن الدين وعن اّل البيت وعن صحابة النبى رضي الله عنهم 
ولكن ... فى ناس بتتاجر علينا بحجة الدفاع عن الدين 
واللعبه حاليا هى ظهور السلفيين على المنابر وفى التلفزيون يتكلموا عن الدفاع عن الدين وصد الشيعه وحب الجيش والوطن وكل دا عشان الانتخابات .. فماتجيش يا استاذ احمد انت تساعد وتجيب منهم ناس تطلعهم على التلفزيون وتساعدهم فى تحقيق الهدف !!

اتمنى انك ترجع مقدم برامج بيحترم عقول الناس
اكيد عليك حاجات كتير وليك كتير برضو زيك زى اى حد
لكن ماتزودش رصيدك السيء بالدخول فى سكة المناظرات والشتيمه 
وتعملى زى بتوع حقوق الانسان وتقولى حياديه ومانتكلمش عن ثوره يناير
ولا اااايه

E>E
ESlam Elbahrawy

النفس طويله احيانا بيكون نعمهمش كل الناس تقدر تحصل عليهااحيانا الفخ بيتنصبوبتكون المعادله هل هاتصبر وتكملولا هاتضط...










Posted by