مظاهرات لبنان - استغلال للشباب - تكرار تجربة الخريف العربى - وحزب الله وايران اكبر المستفيدين
لبنان
انا مش مواطن لبنانى
لكن .....
اشعر بالدهشه ولكن لا انكر ان دهشتى اقل قليلا من 25 يناير 2011
فى يناير 2011 اندهشت عندما نزل بضع الاف فى الشوارع بسبب الغلاء والزيت والسكر وبعض الماّخذ على وزارة الداخليه
وفجأه .. تحولت ( تظاهرات ) تنادى بتخفيض اسعار السكر والرز
الى الشعب يريد اسقاط النظام !
وفى اغسطس 2015
عادت الدهشه مره اخرى وانا ارى ما يحدث فى لبنان
ولكن الدهشه كانت اقل لان الفيلم يعاد مره اخرى
تعجبت ...
من شعب لديه ازمه فى ( الزباله )
فينزل متظاهرين فى الشوارع مرددين ( الشعب يريد اسقاط النظام )
وكأنك ترى احد افلام السبكى التجاريه !
فيلم هابط وسيناريوم مكرر والضحيه دوله اخرى من عالمنا العربى
بس سؤال لازم يسأله اللبنانيين لنفسهم
مين المتحكم فى سوريا اليمن العراق
ومن مصلحته اكتمال المربع والتحكم فى لبنان ...؟
ايران تريد السيطره
الاتفاق النووى هايتم تفعيله
الضغط على السعوديه من كل الجهات
والدليل ....
انسحاب حزب الله اللبنانى من الاجتماع اللى حصل بين القوى اللبنانيه لحل الازمه الحاليه .
اكبر المستفيدين طبعا حسن نصر الله !
اوعى تتخيل ان فى حرب بين ايران واسرائيل
الاتفاق النووى تم لتأمين اسرائيل ههههه اه والله زى ما بقولك كده
انت كنت متخيل ان ايران بقى تقوم ضاربه صواريخ على اسرائيل وتحصل حرب
يا باشا مفيش الكلام دا
ايران سيطرت على اليمن من خلال الحوثيين
وعلى العراق من حلال ميليشياتها
وفى سوريا من خلال الاستعانه برضو بيهم لمواجهة الدواعش وللاسف وضع متلخبط السبب فيه العرب وخلافاتهم
وفى لبنان مسيطره من خلال حزب الله
لما يتم السيطره على دا كله من ايران
اذا .. بقى فى معادله ومصلحه
المعادله .. ان اسرائيل واقعه وسط كل الدوله دى
اللى بتتحكم فيها ايران .. يعنى وزن ايران قصاد اسرائيل = خمس دول مقابل دوله !
اما المصلحه ...
العراق راح .. اليمن راح .. سوريا راحت .. لبنان لو حصل فيها ( ربيع ) لبنانى هاتروح .. وبالتالى تضمن اسرائيل زيادة تناحر بين العرب وزيادة سقوط للعرب وهى فى مأمن
خاصة كمان
بعد الاتفاق الحمساوى مع اسرائيل
ان خلاص حماس باعت القضيه
هاتنسي القدس والبلد كلها مقابل ميناء يسمح للفلسطينيين بالتنقل من فلسطين لقبرص
يعنى اسرائيل بتضمن امنها لمدة نص قرن قدام لو كل دا حصل
اذن الوضع فى لبنان مش وضع قمامه وكهربا
زى ماهو فى 25 يناير فى مصر ماكانش وضع رز سعره غالى وتجاوزات الداخليه !
بالمناسبه
اللى حصل فى مصر فى 25 يناير
كان وراه خلايا حزب الله اللى جاءت لمصر لفتح السجون وتهريب المساجين !
** مره تانيه ..انا مش مواطن لبنانى ومش بكتب بصفتى عايش فى البلد
قد يكون فهمى خاطىء ولكنه مجرد تفكير بصوت عالى
بناء على المعطيات السياسيه فى المنطقه
E>E
Eslam Elbahrawy