بين شيخ قال فى الاذان الصلاة خير من الفيس بوك - وبين الاعلامى سيد على - كيف تصنع تشيع داخل مصر بدون ادنى جهد من خلال الاعلام



بين شيخ قال فى الاذان الصلاة خير من الفيس بوك - وبين الاعلامى سيد على - كيف تصنع تشيع داخل مصر بدون ادنى جهد من خلال الاعلام


نجبيها من الناحيتين .. مادام لم يتم قطع الشك باليقين 

سيدنا الشيخ .. والصلاة خير من الفيس بوك 

** اولا محدش شاف ولا سمع الراجل 
ولكن .. قد يكون قال او ماقالش .... دا شىء هاتثبته التحقيقات 
تعالوا ناخد وجهتين النظر بقى بعد انا ما تابعت ردود الافعال خاصة فى الاعلام المريض الساعى لافساد احوالنا خاصة الدينيه !

هانتكلم فى محاولة خلق التشيع من خلال العمل به ونفهم الناس ليه لو حصل الكلام دا يبقى غلط
لان ناس كتير بتقولك وايه يعنى لو قال كده ..! 

ووهانتكلم فى محاولة خلق التشيع وافساد الدين من خلال اشاعه لا صحة لها لو على افتراض ان دى اشاعه ماحصلتش 

** لو ان الواقعه حصلت .. يبقى عندنا نقطتين لازم نتكلم فيهم

الاولى 
ان تحويل الصلاة خير من النوم الى الصلاة خير من الفيس بوك 
زيها زى ... التحويل من اشهد ان محمد رسول الله الى اشهد ان على ولى الله 
مش كده؟؟؟
يعنى الفكره واحده ايا كان المغزى .. كلام الله مش كتاب متاح للتعديل 
مش هاتحولونا ليهود بيغيروا التلمود كل 100 سنه بما يناسب العصر 
او تشيعونا بالبطىء

التانيه 
بلاش حكاية ان سلفى عاوز يدخل البرلمان يقوم يطلع قصادنا يشتم الاخوان
ونكسجى عاوز يدخل البرلمان فيطلع قصادنا يشتم الاخوان
وواحد يتمسك عليه غلطه يقولك ماعملتهاش بس دا الاخوان بينتقموا منى !

** ايوه ناس كتير وللاسف وربنا يسامحنى ممكن ابقى قصاد الكمبيوتر بكتب موضوع والفجر يأذن واقول خمس دقايق بس واقوم اصلى واسرح ويضيع الفرض عليا .. وايوه بلاقى صور على صفحات الفيس بتقول الصلاة خير من الفيس بوك .. بس لما صفحة تكتب كده على سبيل الوعظ او كلمات بشريه .. لا يمكن نساويها بتغيير فى الاذان !!!!!!!
ايوه الجمله فى مغزاها حقيقه لان الفيس بوك اداه لالهاءنا عن كل شىء
لكن .... الثوابت شىء .. وشغل الفيس بوك شىء 
والا بقى لو الناس انشغلت بتويتر نخليها الصلاة خير من تويتر
او الانستجرام تبقى الصلاة خير من الانستجرام 
او نعمل بقى استطلاع نشوف كل مدينه او قريه اهلها مشغولين بأى موقع تواصل اجتماعى اكتر وكل مدينه تعمل الاذان حسب الموقع المفضل لها !!
لا اله الا الله .. استغفر الله العظيم !!

** اعتقد كانت الرساله ستكون افضل لو اوصلتها من خلال خطبة الجمعه
او من خلال حديث دينى يجمعك مع الشباب بالمجلس
انما مش فى الاذان

** وبكده يبقى دى محاولة تشيع لان من يحرفون الاذان والقراّن هم الشيعه 
و اظن على مدار عامين فاتوا اتصدمنا كتير فى شيوخ ازهريين راحوا العراق وايران و أذنوا الاذان الشيعي !!!

** الفكره التانيه : 
محاولة خلق التشيع وافساد الدين من خلال اشاعه وعدم العمل به 
هاتقولى ازاى يعنى يعملوا اشاعه مش صحيحه ونفس الوقت يبقى تشيع؟؟؟
اقولك ...
سيدنا الشيخ صاحب القضيه امبارح اقسم مليون قسم انه لم يردد الاذان بتلك الطريقه
و قال ان فى ناس شهدوا معاه انه لم يفعل هذا
وبعدين عمل مداخله مع سيد على فى قناة العاصمه وقال ماعملتش والاخوان بيحاولوا يشوهوا صورتى .. ولكن العجيب .. كان رد سيد على فى سؤال خبيث جدا
سيد على سأله : يا شيخنا هو اصلا حرام نغير صيغة الاذان ....؟
بناء على كلام مستشار فضيلة المفتى الدكتور مجدى عاشور اللى قال :
إن المصريين أول من ابتكروا جملة "الصلاة خير من النوم" قبل أذان الفجر، مؤكدا أنه ليس بدعة، لأن الرسول صلى الله عليه وسلم أمر في بدء الإسلام بأذانين لصلاة الفجر، الأول لإيقاظ الناس، والثاني لدخول الوقت.
واستشهد عاشور بما رواه عبدالله بن عمر عن رسول الله صلى عليه وسلم "إن بلالا ينادي بليل فلكلوا واشربوا حتى ينادي ابن أم مكتوم"، مشيرا إلى أن المصريين لجأوا إلى التثويب بديلا عن الأذان الأول، فكان ينادي أحد على الناس في الطرقات قبل وقت الفجر مناديا "الصلاة خير من النوم" وبعدها وحين يحين وقت الصلاة ينادي المؤذن للصلاة.

لذلك جاء سؤال سيد على.. هو يعنى لو انا قلت الصلاه خير من الفيس بوك حرام ؟؟ هل دا يخلينى اّثم ...؟
وكان رد محترم من الشبخ اللى برضو معرفش هو عمل كده او لا.. لكنه رد قاله هو فى حد نزل عليه وحي بعد سيدنا محمد؟؟ فسيد على رد عليه قال لا .. قاله خلاص ماينفعش نغير حاجه حصلت ايام الرسول .. يقصد يقوله ان الرسول فى عهده كان الاذان بيتقال فيه الصلاة خير من النوم .. واحنا نتبع قراّن الله و سنة النبى عليه الصلاة والسلام .. فمادام لم يغيرها سيدنا النبى فلا يحق لنا التغيير

ليه قلت بقى ان مجرد اشاعه تؤدى للتشيع؟
لان بالسؤال الخبيث دا 
هاتلاقى واحد طالع يقولك ما احنا نغير كذا او نغير كذا
وتفتح باب للكثيرين بقى يغيروا فى سنة النبى بحجة ان التغيير مش حرام 

عاوز اقولكم ان فى بداية المكالمه وسيد على بيشرح القضيه قالك يعنى واحد بيأذن بيقول الصلاه خير من الفيس بوك .. فهل دا حرام ؟؟ و راح بكل حنيه ووجه سمح وكأنه بيتكلم عن شىء طبيعى وعادى ومسموح بيه .. قال عندك مثلا الشيعه بيقولوا الاذان كامل بس بيقولوا حاجات عن سيدنا على وبيقولوا حى على الصلاح .. فالشيخ بتاعنا قال الصلاه خير من الفيس بوك . فهل كده يبقى اّثم الراجل؟؟ وتحس انه يعنى هايعيط وهو بيتكلم .. تحس انه بيكلمنا عن شىء عاااااااااااااااادى 

انا يمكن فى البدايه قلت يا ريس وضح كلامك وماتقولش كلمة تجديد خطاب دينى وتسكت
لان المتشدقين بالكلام والفاعلين عكسه هايكونوا اكثر ممن يفهموه ويطبقوه
وفعلا بعد الريس ما اكتشف ان فى ناس استغلت الكلمه ..طلع فى خطاب قال تجديد الخطاب الدينى من خلال رجال الازهر !

فكرتنى بالاخ اسمه ايه؟؟ اسمه .......؟ اه اه افتكرته معلش اصل والله كان فتره وراح لحاله الاخ اسلام بحيرى .. لما كان يطلع يشتم ويسب الناس ويقول عليهم كلاب وسفاحين وقتله ويقولك انا كده بعمل نقد بناء وبجدد الخطاب الدينى زى ما قال الريس 

وفكرتنى بالشىء ميزو الشهير بالشيخ ميزو 
اللى بيسير على نفس الفكره
وبيروح يحضر مؤتمرات للشيعه
ويرجع يقولك اصلى بجدد خطاب دينى 

وفكرتنى بمصطفى راشد
اللى امريكا بتصرف عليه
واللى عمال يقولك الخمر غير مستحب بس مش حرام
والاخر يختم حواره انه بجيدد الخطاب الدينى من العقول السوداء اكخه اللى مبوظه الدين !!

دواعش العصر ليسوا فقط من يستخدمون كلمات الاسلام بمعنى غير معناها
ولكن هناك دواعش يحرفون فى كلمات الاسلام 
يحرفون فى فتاوى و سنن و أسس الاسلام 

خلى بالك .. اوقات مش شرط تفسد فى الدين عشان تعمل بلبله
اوقات ممكن تعمل اشاعه .. والاشاعه تؤدى نفس الغرض
وكلاهما إفساد للعقيده 

E>E
Eslam Elbahrawy

نجبيها من الناحيتين .. مادام لم يتم قطع الشك باليقين سيدنا الشيخ .. والصلاة خير من الفيس بوك ** اولا محدش شاف ولا سم...










Posted by