تحذير - خلى بالك - ارقام موبايل بتتسجل بإسمك وبيستخدموها فى التفجيرات
من فضلك .. اقرأ ... و انشر
تحذير مهم لوجه الله لعدم استغلالك بدون ان تعرف
1- طبعا الكل عارف ان لما بتروح اى شركه عشان تقدم على شغل بيعطوك ابلكيشن عشان تملاه ... اسمك وميلادك ومؤهلاتك وكل شىء
2- من فتره لاحظت على الانترنت وجود معاهد بتعمل منح مجانيه ووجود صفحات بتعلن عن فيزا للهجره بس الابلكيشن بتاعها كان غريب
والغريب فيه انهم بيطلبوا كل البيانات الاب والام الاسماء كامله !
وكمان اسمك كامل واحيانا الرقم القوووومى !
3- وبعدين .. بحكم انى لفيت مليون شركه زى اى شاب بدور على شغل .. انا وقع قصادى مليون شكل للابلكيشن .. اللى يطلب مؤهلاتك بس..واللى يطلب كل شىء يخصك ويطلب عدد افراد الاسره .. لكن عمر ما ابلكيشن وقع قصادى فى شركة توظيف او مكتب سفريات طالب اسم الام والاب كامل
4- نيجى لسبب التحذير
ان امبارح صديق ليا قالى انه راح شركة سفريات مغموره اوى .. وشكلها واقع
بس حد قاله عليها فقرر يروح يحط ورقه
وقالى اول مره اشوف ابلكيشن طالب اسماء الام والاب كامل .. دا مالوش علاقه بيا وبمؤهلاتى !
وطلبوا ان فى الابلكيشن اصور صورة البطاقه و أدبسها فيه
** انا بس عاوز اقولكم ان الخطوط بتاعت الاتصالات سواء موبينيل او اتصالات او فودافون
طبعا انتوا عارفين ان اللى بيشترى خط لازم يسجله بإسمه
حتى لو ماعملتش عقد بتلاقي خدمة العملاء بتتصل وتقولك هات بياناتك
** اخر مره اتصلوا بيا لتسجيل خط طلب منى الاسم ورقم البطاقه واسم الام زى ما هو فى بطاقتها .. تقريبا لانهم حبوا يتأكدوا ان دا انا .. لان لو واقع بطاقتى وحد اخدها واستغل اسمى..اكيد مش هايكون عارف اسم والدتى
** هنا بقى الكارثه اللى جت فى بالى
اى جهه مريضه او اى ناس ارهابيه
تعمل شركة تغطى على اعمالها الغير شرعيه
تلعب على احلام شباب وتقولهم فى وظائيف وسفر للخارج
تروح حضرتك كاتب اسم والدتك فى الابلكيشن وحاطط صورة بطاقتك
وبالتالى يقدر اى حد يسجل خط بإسمك ويستغله غلط !!!
** نصيحه ماتحطش صورة بطاقتك فى اى حته الا لو موثوق فيها
ولو بتقدم فى وظيفه وطلبوا اسم الام ... اكتبه غلط !
** انا جت فى بالى الفكره بعد ما سمعت كلام صديقى امبارح
وقلت احذر
E>E
Eslam Elbahrawy
من فضلك .. اقرأ ... و انشر تحذير مهم لوجه الله لعدم استغلالك بدون ان تعرف 1- طبعا الكل عارف ان لما بتروح اى شركه عشا...Posted by Eslam Elbahrawy on 17 سبتمبر، 2015
