هم يضحك و هم يبكى - عندما يتلخص تاريخ مصر فى مشهد سينمائى - الفن سلاح ذو حدين



هم يضحك و هم يبكى - عندما يتلخص تاريخ مصر فى مشهد سينمائى - الفن سلاح ذو حدين

عارفين المثل اللى بنقوله فى مصر
هم يضحك وهم يبكى 

بتقع حاجات بسيطه اوى قصاد الواحد بس بتكون مهمه
قد يراها البعض تافهه لكن .. بالعكس هى مهمه جدا 
وليها دلالات كتير 

من اسبوع لما نزلت صوره لابو الهول وكتبت :
انا الحارس الامين بين يدى مولاى .. 
ساهرا عليه . قريبا منه. فانيا فى ذاته
الى اخررره 

وقتها شوفت تعليق مش فاكر والله الصديق اللى كتبه وقال :
اه انا فاكر الكلام دا .. دا كلام عادل امام فى فيلم اللعب مع الكبار ! 

** هنا استوقفنى التعليق اوى 
جايز الناس تفكر عدم ردى على الكومنتات انى مش بشوفها بس بالعكس بشوفها كويس

عارفين معنى رد الصديق دا ايه؟

1- اولا دى كارثه .. انه يبقى عايش فى مصر .. عايش فى البلد اللى فيها الاهرامات وابو الهول .. عايش وسط حضارته .. والاخر يفكر ان الكلمتين دول قالهم عادل امام فى فيلم وان الكلمتين دول جزء من سيناريو الفيلم .. ومايعرفش ان دى كلمات بتتقال فى عروض الصوت والضوء بتاعت الاهرامات !!!! كلمات من تاريخه وحضارته !

2- تانى حاجه .. الكومنت دا بيوضحلك شىء اكدت عليه كتير اوى 
ان الفن قادر على تشكيل وعى الناس اما بالصدق او الاكاذيب..
يعنى الصديق اللى كتب الكومنت دا .. دخل مدارس واتعلم ودرس مناهج التاريخ وسافر و اخد خبرات .. وفى الاخر بعد كل دا عرف ان الكلام دا كلام فى فيلم مش كلام يخص الحضاره بتاعتنا !
وهنا الخطوره 
ان الفن بيفرز شخصيات وبيصنعها وبتأثر على الناس سلبا وايجابا
عمرى ما هانسى رمضان قبل اللى فات فى مسلسل اسمه عد تنازلى
كان عمرو يوسف ارهابى ... وطارق لطفى ظابط
والمسلسل كان كله رومانسيه وكان مطلع الارهابى مرغم يعمل كده ومظلوم والحكومه ظلمته فى الاول فصنعت منه ارهابى ..!
وفاكر فى الحلقه الاخيره والله كنا على القهوه وقاعد جنبنا شباب صغير بنتكلم واحنا بنتفرج عادى عن الالتراس وبتاع وبقولهم الداخليه مش وحشه والالتراس بيبلطجوا..يرد ولد منهم والله العظيم بكل تلقائيه يقولى داخلية ايه اللى مش وحشه ..ما قصادك فى المسلسل اهو ظلموا الواد ولفقوله قضيه وبيقبضوا على الناس وبيضربوها

فى اللحظه دى اتصدمت..سكتت .. ماقدرتش ارد او ادخل فى نقاش
وحسيت اد ايه الحبل بقى على رقبتنا فعلا 
لذلك دايما اقول الفن
لذلك دايما اقول اقفلوا القنوات وامنعوا الافلام اياها
الفن والله قبل التعليم وقبل كل شىء
لان العيل بيتعلم بيحفظ بس عشان الامتحان وبعد الامتحان بساعه بينسى اللى حفظه
انما الفيلم بيثبت فى راسه طول حياته بكل تفاصيله !

E>E
Eslam Elbahrawy

عارفين المثل اللى بنقوله فى مصرهم يضحك وهم يبكى بتقع حاجات بسيطه اوى قصاد الواحد بس بتكون مهمهقد يراها البعض تافهه ل...










Posted by