فى نفس اليوم - السيسي يتحدث عن ميثاق الشرف الاعلامى وعمرو اديب يتحداه فى المساء



فى نفس اليوم - السيسي يتحدث عن ميثاق الشرف الاعلامى وعمرو اديب يتحداه فى المساء


الاعلام يتحدى السيسي ! 

رساله لازم توصل .. وطلعه لازم نطلعها حتى يخجل صاحبها من نفسه
وانا واثق من مساندتكم 

** بالامس ... فى احتفالات اكتوبر .. وقت العبور الضهر 
وقف السيسي يلقى خطابه وكان احد نقاط هذا الخطاب عندما قال:
اتمنى الاعلاميين ماياخدوش اى كلمه بالسوء ويتحققوا منها وانا طلبت منهم من سنه واكتر انهم يعملوا ميثاق شرف اعلامى و اتعجب لماذا لم يتم عمله حتى الان ..؟
وكان الرئيس يشير الى الاعلاميين والصحف التى تفبرك وتهيج الرأى العام بالاكاذيب

** فى نفس يوم العبور .. بليل .. الساعه 9 ونص 
كانت اول حلقه لعمرو اديب بعد حلقته 

** كان خبر الحلقه وموضوعها فى اول فقرتين هو تعليق على خبر 
ما هو الخبر .. اليوم السابع تنشر وتقول :
وزير السياحه سيستخدم صور السيسي الخاصه للترويج للسياحه 

** من بعدها .. على مدار فقرتين فى البرنامج .. 
الفقره الاولى 45 دقيقه والثانيه 30 دقيقه .. اى على مدار ساعه وربع 
عمرو اديب كان يصرخ بصوته الجهير عن اننا جعلنا السيسي ديكتاتوراً
عن ان السيسي اصبح هو كل شىء ولا يريد احد بجانبه
عن ان السيسي فرض سيطرته وديكتاتوريته على مصر حتى ان صوره الشخصيه هايستخدموها للترويج للسياحه .. هل فى رئيس عمل كده قبل كده؟
احنا صنعنا فرعون وهو بشر وبيتجاوب معانا ( كلام عمرو اديب ) 

** عارفين مبدأ .. اكدب .. وكرر الكدبه .. حتى يقتنع الناس انها حقيقه 
اليوم السابع كتب .. وعمرو اديب عمل حلقه ساعه وربع عن ديكتاتورية السيسي 
بسبب ان وزارة السياحه قالت انها هاتستخدم صور السيسي للترويج للسياحه 

** الان واتمنى ان يكون البوست والرساله وصلوا للاعلامى المحنك صاحب العشرين سنه اعلام
ما هو موقفك و ردك وتعليقك ومنظرك قصاد نفسك 
عندما اخرجت وزارة السياحه بيانا تكذب فيه ما قالته المواقع 
واوضحت الوزاره ان خطة الترويج فعلا سيتم استخدام السيسي فيها 
ولكن كيف .......؟ .. اسمع يا عمرو بيه جايز تتعلم المهنيه الاعلاميه !
الوزارة قالت ان متابعى الرئيس على صفحات التواصل الاجتماعى عددهم كبير
وان الرئيس له حساب على انستجرام وتويتر والفيس بوك 
فقررت الوزاره انها تصدر صور لاماكن سياحيه فى مصر
يروحوا بالصور دى للريس . يوقع عليها بتوقيعه الشخصي
وينشر الصور بتوقيعه على صفحات التواصل كنوع من الترويج !
ونشر الصور على هاشتاج #هى_دى_مصر
فى خطوه للترويج من خلال استخدام التكنولوجيا 

** ياترى السيد عمرو اديب هايخرج علينا فى حلقة النهارده ويذكر البيان دا؟
الاجابه من الكنترول...؟ لا 
لان وحل الاعلام الذي نعيشه يعتمد على الاكاذيب فقط 
لان الاكاذيب هى من تجلب الصوت العالى .. فمشاهده عاليه .. فاعلانات اكتر !

** اعلامى له تاريخ 
يخصص ساعه وربع من حلقته لمهاجمة رئيس الجمهوريه
بسبب خبر كاذب ومفبرك فى موقع مشبوه مثل اليوم السابع 

** انتم تحفرون قبوركم بأيديكم 
تركتم المهنيه وتلهثون وراء الاموال !

** بالنسبه لاصدقائى المحترمين انا جمعت لكم فى اول كومنت حساب عمرو اديب الرسمى على تويتر 
حساب برنامج القاهره اليوم الرسمى على تويتر
وصفحة القاهره اليوم الرسميه على الفيس بوك
انا دايما بحب اننا كلنا نوصل الرساله مش انا بس
عشان يعرفوا ان قطاع كبير مؤيد للرساله ورافض كلامهم مش مجرد كلام شخصي
ونجحنا كتير اننا نعمل كده مع بعض والحمد لله

E>E
Eslam Elbahrawy

الاعلام يتحدى السيسي ! رساله لازم توصل .. وطلعه لازم نطلعها حتى يخجل صاحبها من نفسهوانا واثق من مساندتكم ** بالامس...
Posted by