رولا خرسا تتحفنا قبل لقاءها بأحمد شاهين : احنا شعب معظمه مؤمن بالله !



رولا خرسا تتحفنا قبل لقاءها بأحمد شاهين : احنا شعب معظمه مؤمن بالله !

لما من كام يوم كتبت قلت انى رفضت ورافض الظهور فى اى قناه او مع اى اعلامى لانى مش واثق فى اى حد منهم وكلهم بالنسبالى محل شبهات سواء اصحاب القنوات او الاعلاميين !

دخل صديق محترم كتبلى كومنت قالى ليه بس
اطلع مع رولا خرسا دى بتقدم كلام كويس ومحترمه ‏‎
وقتها رديت بعلامة تعجب وسكتت

رولا خرسا على مدار الشهر دا مش بتقدم الا فقره واحده !
احمد شاهيــــــــــــــــــن 
او الملحد الغير مؤمن بالله والمعتقد ان الديانات هى من صنع كائنات فضائيه ( احمد شاهين )

استضافتهقبل العيد تقريبا وقعد يقول نفس الكلام 
والكائنات وان كل واحد له تاريخ ميلاد ولما نربطه بالمش عارف ايه ..نقدر نحدد وفاته وعمره وهايموت امتى! وان مش كل حاجه فى علم الغيب .. فى حاجات فى علم الغيب نقدر عن طريق الكواكب والنجوم والبتنجان اننا نعرفها !

امبارح رجعت تتكلم عنه تانى
وفى المقدمه قالت ايه يا ولاد؟؟؟

فى المقدمه قالت 
ان اعلى مشاهدات لبرنامجها هى فقرة احمد شاهين 

وبعدين .. وبعدين .. وبعدين .. ركز بالله عليك 
قالت مش لازم تصدقوا كلامه .. مش بالضروره 
احنا بنسمعه وخلاص
وعلى فكره كلنا مؤمنين بالله .. او معظمنا يعنى !

يا نهار اسوووووووووووووووووووووود !
او معظمنا يعنى؟؟ معظم مين ؟؟؟ يعنى ايه معظمنا؟؟؟
الحاد وش على الشاشه ... وكأنها بتقول يعنى فى ملحدين كتير برضو فى مصر قشطه بقى 

لا حول ولا قوة الا بالله
دا جزء من اعلامنا يا ساااده 
وهى بنفسها اعترفت
قالت جايبه احمد شاهين لان فقراته فى برنامجها هى الاعلى مشاهده على يوتيوب !!!

بيجروا ورا الاعلى مشاهده
ومش مهم مين بيقول ايه وبيتسبب فى ايه 
حسبي الله ونعم الوكيل 

E>E
Eslam Elbahrawy

لما من كام يوم كتبت قلت انى رفضت ورافض الظهور فى اى قناه او مع اى اعلامى لانى مش واثق فى اى حد منهم وكلهم بالنسبالى محل ...
Posted by