مشهد من فيلم الخلبوص يلخص فكرة 25 يناير - الثرى التافه والمغيب والجاهل سياسيا
#الخلبوص !
** مشهد فيه تجسيد لواقع 25 يناير
مشهد لخص الفكره كلها
** قصة الفيلم بتدور حول بطل الفيلم ( الغنى جدا ) اللى هو محمد رجب
بيحب يصاحب البنات ويعمل علاقات
** بنت من البنات اللى جذبته قابلها وهى بتهرب من مظاهره ضد النظام
بنت غنيه وعايشه عيشه ميسوره ولكن بتشتم فى الحكومه وبتتكلم عن الفقر والفقراء وبس
** حاول يجذبها اليه فعرف ان السكه اللى لازم ياخدها انه يبينلها انه ثورى زيها
** بداية المشهد بتكون لما بيتجمع الثوار الشباب ابو ضفيره ومنهم البنت
كلهم اغنياء .. متجمعين فى شقه فى افخم عماره فى وسط البلد
فيها حمام سباحه وبيشربوا وبياكلوا اكل حلو اوى
وبرضو بيتكلموا عن الفقر والفقراء والغلابه والثوره !
** واحد من الشباب بيتكلم وهو بياكل الاكل الشيك وبيقول مهما كانت مشاكل البلد لازم نحلها حتى لو اضطرينا نهد البلد كلها ونبنيها من جديد !!
** بيدخل البطل اللى عاوز يبين للبنت انه ثورى وبيفهم سياسه عشان يعجبها ويجذب انتباهها
ويبتدى يتكلم كلام ثورى زى بتاعهم ولكن ... ( بجهل )
فبيقف وسط الشباب الثوار وهو فى حمام السباحه اللى فى بيته
ويقول :
البلد دى بلد ولاده .. ولما جابت .. جابت عبد الناصر
مين اللى فاز بالنكسه فى 73 ؟ مش عبد الناصر برضو
مين اللى عمل قناة السويس فى 84 ؟ مش عبد الناصر
مابتنزلش تلف على الدائرى وتسمع عمرو دياب؟ مين اللى عمل الدائرى؟ مش عبد الناصر
*** وهو المشهد كان فعلا كده
ناس مش حاسه بحاجه بتنطق شعارات عمرها ماعاشت فيها
بيتكلموا عن الفقرا والفقراء وهما عمرهم ما عرفوا الفقر
وناس تانيه حبت تعمل فاهمه سياسه ومشيت مع الهوجه
وناس تانيه كان ليها اغراض فمشيت مع الهوجه
وكله ماكانش فاهم حاجه
** دى حاجه كده حبيت نفكر الناس بيها
قبل ذكرى اسم النبى حارسها .. النكسه
E>E
Eslam Elbahrawy
#الخلبوص ! ** مشهد فيه تجسيد لواقع 25 يناير مشهد لخص الفكره كلها ** قصة الفيلم بتدور حول بطل الفيلم ( الغنى جدا ) ا...Posted by Eslam Elbahrawy on 4 ديسمبر، 2015
