ريهام سعيد وفتاة المول - حفره من الوحل سقط فيها الجميع - بالعقل والمنطق



ريهام سعيد وفتاة المول - حفره من الوحل سقط فيها الجميع - بالعقل والمنطق 


ريهام سعيد وفتاة المول .. وحفره من الوحل سقط فيها الجميع

هاحاول اكون محدد بس مقدرش اوعد انى هاقدر اختصر ‏‎smile‎‏ رمز تعبيري

1- مبسوط جدا جدا جدا انى الحمد لله حتى لو بتشتم لكن بيكون ليا وجهة نظر معينه وبفضل ثابت عليها ومع الوقت بتتحقق .. هاجمت ريهام سعيد مليون مره وقولتلكم انها لا تعرف معنى المهنيه .. بداية من اذلال الحالات اللى بتعمل معاها خير .. وصولا لتأجير حالات وتم فضحها اكتر من مره .. ثم محاولة تأليف حلقات الجن ( وهذا لا يمنع وجود حالات حقيقيه فى لحياه بشكل عام ) .. ثم تشويه صورة مصر ورجالها من خلال حلقات خارج مصر وتحديدا لبنان والحديث عن السياحه فى لبنان وان ماعندهومش تحرش واننا بنتحرش بسيداتنا .. رجوعا للملحده والتمثيليه اللى اتعملت علينا
فالحمد لله ان دا بيتضح يوم بعد يوم 

ومتعجب فى نفس الوقت ان اللى شتمونى عشانها لما كنت اهاجمها
هما هما اللى بيشتموها دلوقتى ‏‎grin‎‏ رمز تعبيري

2- قبل اى شىء ...
مش من حق حد يفضح حد حتى لو كان سلوكه وحش
اولا فى حاجه اسمها ربنا بيحاسب
ثانيا فى حاجه اسمها قانون لو واحده عملت فعل مخالف للقانون واتمسكت تتحاسب
لكن مش مبرران واحده لها صوراو لها قضايا حتى مخله.. ان يتم نشر فضايحها 
مش بس عشان الذوق والاخلاق..انما كمان عشان الدين وربنا قال كده 

3- تأكيدا على نفس المبدأ .. انا بكره ريهام سعيد 
بس الواحد مابيفكرش ينشرلها صورها سواء اللى بالشيشه او اللى بهدوم مفتوحه على البحرى
لان دا شىء..وفضح انسان شىء تانى 

4- اشعر وكأن تم التضحيه بريهام سعيد بتضخيم الحدث .. مش عارف بس مش حاسس ان كل الهجوم الاعلامى عليها من زمايل ليها كل دا بسبب الحلقه دى وبس !!

5- لو هاتكلم بعقلى انا ... ومنطقى انا ..
مش مقتنع ولو بنسبة صفر فى الميه برواية البنت صاحبة القضيه 
سواء بروايتها عن الحادث نفسه او عن روايتها بخصوص الصور 

6- انا سمعت البنت وهى بتتكلم .. 
انا شوفت حالات تحرش كتير وسمعت فى المولات حاجات كتير
لكن ان واحد لمجرد ان واحده لابسه بنطلون محزق يقولها ما تيجى على الشقه ويشدها وسط الناااااس والامن ؟؟ .... مش مقتنع !

7- لما سمعت رواية الدكتوره اخت الولد صاحب القضيه حسيتها عقلانيه 
يعنى ..
بتقول ارجعوا للفيديو .. هو كان مشى قدامها وسابها وهى اتكلمت وشاورت فرجع 
وبتقول ان اللى حصل ان الولد سمعها بتقول كلام سىء.. فبص لها بصه احتقار
مش عجبتها البصه فشتمته .. فقالها مش هانزل لمستواكى 
فشتمته بشتيمه اشد .. راح راجعلها واتعدى عليها 

8- اكيد حتى لو روايته وبقول لوووو ..لو روايته هو الصح ..تحت اى مبرر مش من حقه يمد ايده عليها .. انك تضرب واحده حتى لو قليلة الادب دا مش كويس حتى ولا قانونا ولا اخلاقيا فى مجتمعنا 

9- انا شايف ان البنت عجبها دور البطله 
معرفش.. يعنى ..
بين كلامها واسلوبها وتعبيراتها وهى بتحكى .. وبين التأثر اللى كانت فيها الست اللى راحلها السيسي بعد التحرش بيها فى ميدان التحرير .. لقيت فرق كبير 

10 - علامة استفهام كبيره 
البنت ليه راحت لريهام سعيد؟
يعنى قبل ما تروح لريهام طلعت مع الابراشى ومع حد كمان 
خلاص عرضتى قضيتك وتمام .. والولد اتقبض عليه والحلقه شغاله 
ليه كتر اللقاءات ...؟

11- بخصصو الصور ..وهى حره تتصور عريانه .. تتصور بأى وضع هى حره
بس عندى مشكله فى موضوع انى اتقبل ان الموبايل اتاخد منها وسرقوا الصور
انا كولد .. موبايلى عليه صور لعمرو دياب ‏‎grin‎‏ رمز تعبيري عامل باسوورد للموبايل من برا وباسوورد لكل فولدر من جوا عشان محدش حتى يبص على محادثاتى فى الشات ولا الفايبر ! 
انتى كبنت .. موبايلك عليه 600 صور هانقول ( جريئه ) ..
مش خايفه يتسرق او يضيع فمش عامله باسوورد خالص؟؟؟؟؟؟؟

12- انا شايف ان المشهد كله تجاره 
الله اعلم طبعا و انا بقول مجرد رأى من اللى شوفته وقد اكون غلط
لكن .. 
ريهام تاجرت بالحوار وحبت كالعاده تعمل بلووونه 
البنت سواء لها حق او لا .. تاجرت بدورالبطوله من كتر الظهور الاعلامى
الولد غلطان ..سواء لو كان اتحرش..او لو برىء وروايته صح فهو غلطان لانه مد ايده 
الاعلاميين تاجروا هما كمان لان دى نسب مشاهده وبرامج بتحارب وكله بيقطع فى كله

الله اعلم
بس شخصيا الحوار مايهمنيش فى نتايجه بحاجه 
فى قانون وشرايط متصوره وحاجات هاتظهر مع الزمن
بس سعادتى فى ايقاف البرنامج لان فعلا لازم يتم محاربة كل دا 

ويبقى السؤال 
شوفت تويته لواحد بيقول عشان بس الاعلاميين يعرفوا اننا قادرين من خلال مواقع التواصل نقدر نضغط لايقاف اى برنامج !

السؤال بقى
لما عملتوا كل دا ووقفتوا برنامج ريهام عشان قضيه زى دى 
الا هو انتم ليه ياللى عملتوا ثوره عشان شرف البنت وفضيحتها
ماعملتوش ثوره ضد برامج زى فاهيتا و برنامج نفسنه بتاع انتصار ومن قبلها باسم يوسف 
ليه ماطالبتوش بوقف برامج بتعمل ما هو اسوأ من فضح الناس؟؟
دى برامج بتعلم الناس الفضايح والالفاظ الجنسيه والقرف كله 
غريبه مش كـــــــده !!؟

E>E
Eslam Elbahrawy

ريهام سعيد وفتاة المول .. وحفره من الوحل سقط فيها الجميعهاحاول اكون محدد بس مقدرش اوعد انى هاقدر اختصر :)1- مبسوط جد...










Posted by