تحليل - السيسي يرسل خمس رسائل مباشره وغير مباشره فى مداخلته مع عمرو اديب فى برنامج القاهره اليوم
** الرساله الاولى **
** الرساله الاولى من السيسي فى مداخلته مع عمرو اديب **
- السيسي رئيس لا يتكلم كلام هباء ولا يتكلم كلام بلا معنى
- فى 2013 .. اثناء انتخابات الرئاسه
خالد صلاح ووائل الابراشى سألوا الرئيس شايف ايه لمصر قدام ؟
ضحك الرئيس و رد عليهم رد لم يفهمه الكثيرين ولكن وقتها علقت عليه
قالهم انا هرد رد جايز مس هاتفهموه
انا معتمد بجزء كبير على ربنا .. وثقتى فى ربنا
مش بس ثقتى فى ربنا فى العلوم البشررريه !!!
وختم الفيديو وقالهم .. هاتشوفوا العجب !
رابط الفيديو
- امبارح عمرو اديب قاله نتمنى مصر احسن فى الفتره القادمه
رد الرئيس نفس الرد بعد 3 سنوات
هاتشووووفوا العجب يا استاذ عمرو !!
- رسائل الرئيس السيسي واضحه..ومش رسائل سياسيه
ومش رسائل للشعب او الاعلام فقط !
- لاحظ ان الريس قال التعليق دا مرتين مع الاعلاميين اللى بيولعوا الدنيا ..وائل الابراشى وخالد صلاح وعمرو اديب ..لانهم معروف هما بيقدموا ايه وبيفكروا ازاااى وكأن الرئيس بيوصل رساله للى بيحركوهم .. بدليل انه قال اجابتى مش هاتفهموها لانها متعلقه بربنا !!
- اكبر دليل على الملحوظه دى
ان الرئيس عمل مداخلات كثيررره مع اسامه كمال
ولم يذكر اى من تلك الرسائل ( هاتشوفوا العجب )
لان اسامه كمال يعتبر اخر المتمسكين بجزء من المهنيه على الساحه !
E.E
Eslam Elbahrawy
_______________________________________
الرساله الثانيه
** الرساله الثانيه من السيسي فى مداخلته مع عمرو اديب **
** الرساله الثانيه من الرئيس فى المداخله كانت للشعب
بما فيهم الاعلام !
** معنى دخول الرئيس على قناة مشفره للتعليق على موضوع ما
ومن قبلها دخل مع اسامه كمال
دا رساله من الرئيس لنا وللاعلاميين
عاوز يقول انا متابع كل كلمه بتتقال
قناه مشفره او قناه مفتوحه
انا موجود .. وعارف كل اعلامى بيقول ايه
ولما بيحتاج الامر انى اتدخل عشان اصحح فكره خاطئه صنعها اعلامى .. بتدخل
** كلام الرئيس وهو بيقول لعمرو اديب انت قلت فى اول الحلقه كذا
وقلت فى الحته الفلانيه كذا
دا بيوضح ان الريس مش بيوصله مثلا تقارير من جهاز ما يقوله عمرو اديب بيقول كذا وهو قرر يرد ..؟ .. لا.. دا الريس قاعد بيتابع بنفسه
** قدرة الرئيس على اظهار مدى ضعف الاخرين
قبل مداخلته يتكلم عمرو اديب ورانيا بدوى بصوت عالى
والدوله والفشل و و و و و
ولكن بعد دخوله .. صمت الجميع
الرئيس دخل ليواجههم ولم يفضل مثلا الرد عليهم فى خطاب او مناسبه
فضل الرد عليهم فى عقر دارهم
لذلك عندما جاءت جزئية الشباب
تحولت نبرة الرئيس وقال:
بص يا استاذ عمرو و الكلام للاستاذه رانيا برضو !
وكأنه بيقولهم اسمعوا شويه بقى وبطلوا هرى !
E.E
Eslam Elbahrawy
___________________________________
الرساله الثالثه
** الرساله الثالثه من السيسي فى مداخلته مع عمرو اديب **
- أعلم مع من أتكلم - !
** الرئيس امبارح بمداخلته مع عمرو اديب
ومن قبلها مع اسامه كمال
يرسل رساله واضحه لبعض الاعلاميين
اعلاميين احيانا بيضروا السيسي من خلال التطبيل
يمكن انا كتير قلت ان اللى بيحب حد يبرز اخطاءه مش يطبل وبس
ويمكن الرئيس ابرز دا من خلال انتقاءه للاعلاميين والبرامج اللى يعمل مداخلات فيها
لذلك شوفناه مع اسامه كمال لان اسامه كمال بيبرز موضوعات تستاهل
سواء موضوعات ذوى الاحتياجات الخاصه او المجله الاخيره الخاصه بالاطفال
وكذلك مع عمرو اديب .. لانه شاف عمرو اديب بيلخبط فى قصة الالتراس فحب يعمله وقفه ويفهمه الامر !
لكن لم يختار مثلا الاعلامى اياه اللى احيانا بيكون اووفر اوى فى الكلام عن الرئيس
** كمان الرئيس اوضح من خلال نفس النقطه
ان محدش يعرف انا بفكر فى ايه
لما سأله عمرو اديب فى ناس بتقول الريس بيزعل.. الريس متضايق
وفعلا ( فى اعلامى ) محسسنا انه 24 ساعه مع الرئيس
رد الرئيس رد مباشر وقال انا مابزعلش .. وانا ماقولتش انى زعلان
ماقولتش دى معناها .. محدش يتكلم بلسااااانى
** اخيرا اكبر دليل ان السيسي يختار وينتقى من يتكلم معهم
وانه مش بيختار المطبلاتيه
اللى مفكرين انك لما تفضل عالفاضى والمليان تقول كلام وخلاص وتقول شعر فى الرئيس كده انت تبقى حبيب السيسي.. لا ابدا ... الريس مش بيحب كده ..
الدليل ان امبارح بعد المداخله
على قناة العاصمه بتاعت سعيد حساسين
وهى قناه برضو فيها كام وجه كده فجأه بقوا اعلاميين وطريقة طرحهم للامور رخمه
طلع واحد منهم وقال فى برنامج امبارح : انا بطلب من الرئيس يعمل مداخله معانا !!
** السيسي قال انا مفيش عليا فواتير لحد
وللاسف لحد الان بعض الاعلاميين مفكرين انه بياكل من الاونطه والتطبيل !!
E.E
Eslam Elbahrawy
______________________________________
الرساله الرابعه
** الرساله الرابعه من السيسي فى مداخلته مع عمرو اديب **
** جاويش والالتراس وحقوق الانسان **
** الرئيس فى المكالمه دى وصل اكتر من رساله فى جزئيه معينه
** لما اتسأل عن الشباب بوجه عام
كان رده مثال على قمة التواضع لرئيس دوله
عمرو اديب يقوله الشباب زعلان انه مش قادر يتواصل معاك
فيرد الرئيس رد يعكس اتجاهين
الريس قال : بالعكس انا بقول اننا احنا اللى مازلنا مش قادرين نتواصل معاهم !
دا معناه اولا ان الريس بيعترف بشىء لم يصل لحله بعد .. و دا صعب تلاقى حد بيعترف بغلط حاليا او بقصور .
المعنى الثانى وكأنه بيقول للشباب مش قادرين نتواصل معاكم لان مش عارفين مين بيمثلكم ..التراس ولا نخبه ولا شباب سياسيين ؟؟ .. حددوا حد عشان نقدر نتواصل لانكم متفرقين !
** لما اتسأل عن الالتراس
الرئيس قال احنا مقدرين الشباب
وقال بندعوهم انهم ينضموا فى لجنه عشان يعرفوا حقيقة احداث بورسعيد
... وهنا بقى نقطة نظام
ناس كتير من امبارح زعلانه ان الريس صابر على الالتراس
وان الريس بيعطى الالتراس اكبر من حجمه
ولكن يا ساده .. لازم نفهم اننا لما بنكره الالتراس ..احنا افراااد
لكن رئيس الدوله .. هو مسئول عن كل من فيها ومايقدرش يكره ويحب زى ما بنعمل احنا
لذلك كلمات الرئيس كان لها دلالات :
1- لما قال بالنسبه لاحداث بورسعيد دى فى ناس خايفه تتكلم وتقول الحقائق ( وكأنه يعلم ان فى ناس عارفه حاجات كتير وخايفه تقول ) .. وقال ممكن يكون حد مخبى حاجه ممكن ؟ .. حد خايف من حاجه ممكن ..؟ حد مش عارف حاجه وبيتكلم ممكن؟ , وهنا الجمله الاخيره وكأنه بيقول للهرايين بتوع الاعلام بطلوا هرى لان ناس كتير بتتكلم من غير ما تعرف حاجه
خاصة لما اكمل الجمله وقال الصوره اللى بتتعرض غير الحقايق !!!
و ذكر احداث ماسبيرو ومحمد محمود وكأنه قاصد يقول ان تم تزييف الحقائق ونشر اكاذيب و دى رصاصه اخرى فى مقتل !
2- الريس راجل ذكى جدا
هو عارف ان تم استنفاذ كافة الفرص للالتراس
لكنه مصمم يرمى الكره فى ملعبهم عشان وقت العقاب مايصعبوش على حد
3- الريس رد على الالتراس رد غير مباشر
الالتراس فى هتافه امبارح قال ان الداخليه والجيش قتلوا الشباب فى بورسعيد
الريس فى المداخله قال : لازم الكل يعرف ان ضافر .. مش روح او دم ..ضافر اى شاب مصرى مسئول منى وانا احاسب عليه وانا اخاف عليه !
** لما اتسأل عن اسلام جاويش
الريس وصلنا اكتر من معنى
1- لما قال اسم الولد وقضيته .. وضح انه متابع القضايا كلها مهما كان حجمها كبير او صغير
2- وضح انه مش راضى عن الداخليه فى تعاملها مع القضيه ( و دا شىء صحيح بالمناسبه )
بغض النظر عن اراء الولد دا او توجهاته !
3- ضرب الكل فى مقتل وخصوصا الاخوان والنكسجيه
لما الريس نفسه يطلع يقول انه مش راضى عن التعامل مع شاب كتب حاجات ضد الرئيس
دى رصااااصه فى رأس كل من يتحدث عن ان السيسي بيكمم افواه وان السيسي بيعتقل الشباب اللى بيعبر عن رأيه ..
** لما اتسأل عن حقوق الانسان
كان الرئيس ذكى و ارجع واقولكم هو بيتصرف كرئيس مش زينا افراد
احنا لو اتكلمنا عن منظمات حقوق الانسان هانلعن و نسب ونشتم
انما دا رئيس..الكل بيشوفه ويسمعه
فقال الراجل ان الموضوع فعلا صعب والتنسيق صعب بين حقوق الانسان والداخليه اثناء مواجهة الارهاب .. وانه بيبذل قصارى جهده للتنسيق بينهم !
دى رصاصه اخرى فى مقتل لكل من يقول ان الرئيس ضد حقوق الانسان
** بكره افكركم
المكالمه دى وكل ما جاء فيها
هايتم ترجمته ونشره فى كل العالم
وهايكون فى صف الرئيس جدا
لما يتكلم عن شباب وعن حقوق الانسان بالشكل دا
دا يفيدنا مش يضرنا
وهو دا السياسى الذكى
E.E
ESlam Elbahrawy
___________________________________________
الرساله الخامسه
** الرساله الخامسه من السيسي فى مداخلته مع عمرو اديب **
الرساله الاخيره .. وهى الرساله الاخطر !!!!!
** خراب يناير - اتساع رقعة المؤامره - الشعب المتخاذل **
** فى دقيقتين ونص .. كانوا من وجهة نظرى اهم دقيقتين فى مكالمة الرئيس امبارح
الرئيس قدر يوجه رسائل شخصيا حسيتها مهمه جدا
1- اولا الريس لعب بمبدأ اضرب و لاقى
انا رئيس دوله بحترم دستور وقانون مقدرش اطلع اشتم 25 يناير
انما اقدر اوصل انا بفكر فيها ازاى
وفى نفس الوقت مادام ضربت .. لازم الاقى من الناحيه التانيه
الريس قال بالنص :
انا بقول لكل مصر وكمان للاستاذه اللى جنبك ( يقصد رانيا بدوى )
لانها اكتر حد بيصدعنا بالكلام عن الثوره الثوره الثوره وقتل الثوره وشباب الثوره
فالريس قال
البلد دى كانت بتنهااار بعد 25 يناير
عارف يعنى ايه يا استاذ عمرو بتنهار؟
كنا عايشين على بقايا دوله .. عارف يعنى ايه بقايا دووله ؟؟
انتوا عشان عايشين جواها مش عارفين يعنى ايه دوله بتنهار !!!!!
وكأنه بيقول اللى فى الشارع والاعلام مايعرفوش حاجه زى اللى يعرفا اللى بيحكم وشايف !
وكأنه بيقول 25 يناير تسببت فى انهيار الدوله
واظن واضح جدا ان مفيش حاجه بتسبب فى خراب دوله وهانسميها ( ثووره ) !
__________________________
2- النقطه التانيه
الريس ( دا شعور شخصى ) حس اد ايه احنا وانا بقول احنا عائده عليا وعلى كل اللى بيحبوا الرئيس مبارك .. بنتضايق كتييييير اوى لما بيفضل الريس السيسي يقول فساد 30 سنه !!
الريس المره دى عدل الكلام
قال الدوله بتنهار بسبب تراكمات 50 سنه من ايام النكسه !
مش حكاية 30 سنه !
وكأنه حب يجمل الامر ويقول ان من بعد النكسه والبلد دخلت حروب وخرجت منها وتعاقب رؤساء وكانت التنميه قليله .. وقد يكون دا زعل ناس كتير لانه خمسين سنه دى فيها السادات وناصر ومبارك .. لكن بالنسبالى هى اخف وطأه من كلمة فساد 30 سنه
وزى ما قولتلكم بيضرب ويلاقى..
هو اتكلم عن يناير بشكل غير مباشر
فلازم برضو يميل الناحيه التانيه شويه !
__________________________
3- اتساع المؤامره
جمله قالها الريس
وابتسم فيها عمرو اديب ابتسامه ( وكأنه بيقوله شكلك فاهم يا ريس ) !!
الريس قال:
انا بحط ايدى فى كل حته فى مصر وبلاقى ........؟
وسكت الريس ...
وكرر الجمله
انا فى كل حته فى مصر بلاقى...؟ بلاقى كتير
بس مش عاوز اشيل المصريين هم اكتر من همهم
والله العظيم احساسى وانا بسمع الجمله دى
ان الريس مايقصدش مشاكل العيشه والاكل والشرب والفساد
الريس يقصد اد ايه منتشر جوا مصر اللى بيكرهوا البلد وعاوزين يوقعوها
و اد ايه فى ناس كتير جوا مصر بتنفذ مؤامرات كتير تضر البلد
والا كان الريس كمل جملته وقال بلاقى مشاكل فى الصحه والتعليم مثلا !!!!
___________________
4- الشعب المتخاذل
الريس قال فى ختام المداخله
احنا ممكن نقعد نقول العزيمه الجامده والاراده القويه والكلام دا
بس هو فييييين؟
فين اللى يشتغل معانا عشان يساعدنا؟
احنا مش لاقيين حد !!!!
و دى كانت كافيه اننا نفم ان الراجل مازال شغال لوحده
ومش لاقى حد معاه !
E.E
Eslam Elbahrawy
