ما هى حقيقة ما يحدث فى اثيوبيا - ولماذا اعلنت اثيوبيا التعبئه العامه للجيش بشكل عاجل ؟



ما هى حقيقة ما يحدث فى اثيوبيا - ولماذا اعلنت اثيوبيا التعبئه العامه للجيش بشكل عاجل ؟


تعالوا نعرف القصه بشكل مبسط 

1- اثيوبيا دوله كانت متقسمه حسب الاقاليم وكان عدد الاقاليم فيها 13 اقليم

2- لكن فى سنة 1996 قررت حكومة الجبهه الشعبيه لتحرير اثيوبيا بتقسيم اثيوبيا حسب الاعراق والقبائل وقسمتها ل 9 مناطق كل منطقه لها عرق معين هي: عفار، أمهرة، بني شنقول - قماز، جامبلا، هررجي، أوروميا، أوجادين، الأمم الجنوبية، تيجراي.

3- اوروميا او الاورومو .. دول العرق اللى بيمثل اكبر جزء من سكان اثيوبيا
والناس دى مركزها او مركز تواجدها موجود فى العاصمه اديس ابابا
بيمثلوا تقريبا 25 مليون شخص .. اكبر نسبة سكان تنتمى لعرق واحد فى اثيوبيا لذلك هم الاكثريه

4- الفئه دى رغم انها الاكثريه والاغلبيه من حيث العدد الا انهم مظلومين جدا
بيتعاملوا بتمييز رهيب .. ممنوع يشاركوا فى ادارة البلاد اقتصاديا ولا سياسيا ولا حتى عسكريا

5- الشعب او القبيله اللى بتحكم فى اثيوبيا مش هى اكبر قبيله من حيث العدد
فى الامهارا والاورومو دول عددهم كبير جدا
لكن الشعب او القبيله اللى جاى منها الحزب الحاكم اللى بيتحكم فى كل اثيوبيا بيمثل فقط 12% من سكان اثيوبيا لذلك باقى القبائل تشعر بالظلم ..

6- ملاحظه هامه .. ان التسع اعراق او قبائل .. كل واحد منهم له لغته و دينه وحياته اللى بتختلف من عرق لاخر

7- ايه سبب بقى ان الناس دى ثارت فى اثيوبيا ؟
قبيلة الاورومو هى القبيله الموجوده لى ارض العاصمه اديس ابابا
وجدوا ان سد النهضه لن يعود عليهم بفائده
بينما المستفيد هو الحزب الحاكم والقبيله اللى بتمثله فقط

8- مش بس كده
دا كمان حكومة الحزب الحاكم قررت ان الناس دى تتاخد اراضيها عشان يتعمل توسعه لمنطقة سد النهضه .. وبالتالى الناس ثارت..ازاى سد مش هانستفيد منه .. واحنا الاغلبيه .. والاخر اتاخدت مننا اراضينا وبيوتنا ومزارعنا بحجة توسيع منطقة سد النهضه !

9- خرجت الناس فى احتجاجات .. راحت الحكومه قطعت عنهم الكهربا والانترنت والاتصالات وخليتهم يعيشوا فى ظلام ..

10- كترت الاحتجاجات راحت الحكومه قتلت فى يوم واحد 132 متظاهر

11- الناس ثارت اكتر .. خرجت الى الطريق المؤدى لسد النهضه وقاموا بقطع الطريق

12- خرج المتحدث بإسم الحزب الحاكم وقال ان حركة او جبهة تحرير اورومو جماعه محظوره تسعى للهدم و ان لنا الحق الكامل فى قطع الاتصالات والانترنت عنهم وانهم لن يستطيعوا الوصول لسد النهضه لان لا يمكن الوصول له الا بالطائرات !

13- زادت حدة الغضب فى الشارع وشعر الحزب الحاكم بالخطر فقرر اعلان التعبئه العامه للجيش !

** تقريبا دا الموضوع بشكل مبسط
يارب اكون قدرت اوصل المعلومه بشكل صحيح

E.E
Eslam Elbahrawy

ايه قصة اللى بيحصل فى اثيوبيا ؟؟مين الناس اللى عامله مظاهرات وبيعملوها ليه ؟ولماذا اعلنت اثيوبيا التعبئه العامه للجيش ...










Posted by