بالصور كلمة السر ميناء دمياط - تهريب اثار مصر والكتب والمخطوطات نادره يتم من خلاله - والجهود مستمره لكشفها



بالصور كلمة السر ميناء دمياط - تهريب اثار مصر والكتب والمخطوطات نادره يتم من خلاله - والجهود مستمره لكشفها






ميناء دمياط !

بسم الله الرحمن الرحيم

** هاحاول ابسط الموضوع كالعاده ولكن هانحاول نطرح مع بعض شوية اسئله

** ملحوظه .. الصور المرفقه هى صور من المضبوطات بالفعل

1- طبعا كلنا عارفين ان جميع الموانىء فى مصر بيتم التهريب منها واليها زى اى بلد فى العالم

2- دائما نتوقف قصاد حاويات جايبه مخدرات واللى جايبه اكل فاسد واللى بتكون محمله ادويه متهربه وترامادول وهكذا


3- وبعدين من فتره بدأت اتابع خط سير عمليات التهريب اللى بتتمسك 
ولاحظت ان الادويه والمخدرات والاسلحه والاجهزه الالكترونيه الممنوعه
كل دا بيتم تهريبه من والى مختلف موانىء مصر بإستثناء ميناء دمياط



4- ثم بدأت اتتبع الاخبار اللى تخص ميناء دمياط بحكم وجود اصدقاء ليا هناك

5- بدأت اجمع الاخبار ولاحظت ان ميناء دمياط ..كل العمليات التى تم كشفها فيه هى عمليات تهريب للاثار والمخطوطات فقط !!!!

6- بدأت اتابع اكتر جايز بيتمسك عمليات تهريب لمخدرات او ادويه او اى شىء
وجدت ان 90% من ضبطيات ميناء دمياط هى لضبطيات الاثار


7- من هنا بدأت افكر .. ليه ميناء دمياط بالذات؟؟
طبعا الشكر كل الشكر لرجالتنا هناك اللى بتقوم بواجبها عشان تضبط كل دا 
ولكن ليه فى تهريب الاثار والمخطوطات بالذات بيختاروا ميناء دمياط؟؟؟؟


8- لما بدأت اجمع الاخبار عن الضبطيات اللى اتمسكت فى ميناء دمياط 

وجدت الاّتى :

أ - فى شهر مايو ضبطيه لاثار فرعونيه
ب - فى شهر اغسطس ضبطيه منعت تهريب اثار فرعونيه
ج - فى شهر اكتوبر تم ضبط عملية تهريب كانت رايحه الى خارج مصر
وبالتحديد لدولة قطر 
كان فيها حوالى 600 مخطوطه وكتاب !!!! ( هانرجع للنقطه دى تانى )

د - فى شهر نوفمبر الماضى كانت ضبطيه كبيره لحوالى 1200 قطعه اثريه تعود الى الحقبه اليونانيه والفرعونيه وكانت متجهه الى تايلاند !


9- السؤال .. ليه الاثار اتهربت لتايلاند؟
بينما المخطوطات كانت رايحه لقطر؟؟؟



10 - محاوله على اجابة السؤال 
المخطوطات والكتب النادره ( ركز مع كلمة نادره ) كانت عباره عن حوالى 600 كتاب ومخطوطه
مخطوطات منها عن ترجع للعصور القبطيه 
ولكن .... 
فى مخطوطات منها تخص عصر وجود اليهود فى مصر ! 
وكتب نادره فيها خرائط ورسومات



11- صديق شاف الحاجات دى وكان تعليقه :
الكتب دى فيها حاجه غريبه 
فى كتب تقدر تقراها
بس فى كتب تحس انها عامله زى افلام السحر بتاعت التلفزيون
حروف وكلام غريب وحاجات مش بتتقرأ وحاجات ملخبطه !!!!



12- الخوف اللى بيراودنى دايما مقولة ان اللى الداخليه بتمسكه من التهريب بيكون ربع اللى تم تهريبه بالفعل .. مش مقوله مؤكده لكن عودونا على كده ..
الخوف يكون خرج حاجات من دى كتير ماقدرناش نكشفها !



13- دائما ركزوا مع محتوى ما تم تهريبه .. محتواه الداخلى
ايوه اللى كان هايتهرب مخطوطات
بس حد فكر يعرف المخطوطات دى بتاعت ايه؟
اظن اصبح واضح المخطوطات والكتب دى كانت هاتروح ليه؟
عشان قطرائيل تمرر تلك المخطوطات التى تخص اليهود وتعطيها لدولة الصهاينه
ويتم وضع تلك المخطوطات فى المتاحف اليهوديه فى دولة الاحتلال الصهيونى
ويتم التلاعب بالتاريخ



14- اما بالنسبه للكتب والمخطوطات الغريبه بلغات غريبه
هى مش كتب بلغات غريبه .. هى كتب تقدروا تقولوا انها مشفره 
الكتب اللى بنقول دايما انها بتتسرق من مئات السنين 
وهى السبب ان العرب واقفين مكانهم
بينما الغرب تحول فجأه من بلاد يكسوها الجليد 
الى بلاد هى فقط من تخترع الالكترونيات والسيارات والطائرات وهم وحدهم يملكون تلك التكنولوجيا !!



** مره تانيه بكرر شكرى لرجال ميناء دمياط على شغلهم ومجهودهم
ويارب يارب يتم كشف كل العمليات ولا تمر اى عمليه تهريب تخرج من خلالها اثارنا وتذهب بين يدى الاعداء



E.E
Eslam Elbahrawy

ميناء دمياط !بسم الله الرحمن الرحيم ** هاحاول ابسط الموضوع كالعاده ولكن هانحاول نطرح مع بعض شوية اسئله** ملحوظه .....










Posted by