ضربه قويه لقناة ام بى سى فى برنامج ذا فويس كيدز - طفله سوريه تبكى الجميع ثم اتضح انها تدعم بشار الاسد
بسم الله الرحمن الرحيم
استغلال برامج المسابقات فى التسويق للقضايا السياسيه
يمكن انا قصدت انى انشر البوستين السابقين قبل البوست دا
عشان اوضح لكم ازاى بيتم استغلال برامج المسابقات لخدمة اغراض سياسيه معينه
وان كل البرامج دى موجهه و بيتم التحكم فيها
** من كام يوم كانت اول حلقه لبرنامج اكتشاف مواهب للصغار على قناة MBC
ذا فويس كيدز
البرنامج بيتم عرضه على قناه سعوديه
وبالتالى لازم الاخراج يخدم قضايا معينه
** من ضمن المشتركين كان فى اتنين اطفال من سوريا
ولد والبنت اللى قصاد حضراتكم فى الصوره
** فى الفقره اللى بتكون قبل صعود الاولاد للمسرح
بيستضيفوا الاولاد وبيعملوا معاهم لقاء
الولد لما اتكلم قال انه لابس حظاظه فى ايده
الحظاظه دى اخر حاجه اشتراها من سوريا قبل القصف وقبل ما يسيب سوريا
اما البنت قالت انها لسه فاكره سوريا واللعب والاطفال
بس القصف والقتل فى سوريا خلوها تتهز نفسيا من جواها
** بعد عرض الفقرات دى قبل صعود الاولاد للمسرح
انت خلاص اصبحت متقبل فكرة ان الاطفال دول تم تهجيرهم نتيجة القصف
وكلمة قصف مرتبطه بقصف الجيش السورى وببشار الاسد
وان بشار وجيش سوريا بيقتلوهم وهم السبب فى تهجيرهم
** تطلع البنت تغنى .. اغنية اسمها ( اعطونا الطفوله )
اثناء غناء البنت للاغنيه .. تعيط وتبكى بشده
تقوم نانسى عجرم تحضنها ويتأثر كاظم الساهر ويدمع تامر حسنى
والجميع اتأثر ببنت سوريه مهجره بسبب القصف
بتغنى اغنيه اسمها اعطونا الطفوله .. واكيد الكل قصاد التلفزيون قال الله يحرق الجيش العربى السورى
** لكن الغريب ..
ان قناة MBC لم تذكر فى التقرير اثناء عرض البرنامج ان الطفله دى اصلا بتغنى فى حفلات للمدرسه .. ولم تذكر ان فى شهر ابريل اللى فات الطفله دى غنت نفس الاغنيه ( اغنية اعطونا الطفوله ) امام حرم الرئيس الاسد السيده اسماء الاسد !!!!!!!!
وان الطفله لما كانت تقصد القصف والتهجير تقصد القصف من الارهابيين
** ايوه .. الصوره قصاد حضرتك مقسومه اتنين
النص اللى فوق .. البنت وهى بتبكى اثناء الغناء فى البرنامج
اما النص اللى تحت .. البنت وهى بتغنى نفس الاغنيه
امام حرم الرئيس السورى فى شهر ابريل الماضى
grin رمز تعبيري
** هاتقولى القناه مش بتجيب تاريخ الاطفال فى الغناء والحكايه دى عدت عليهم
هاقولك غلــــــــــــــــــــــــ
لان فى نفس الحلقه كان فى ولد مصرى بيغنى شعبى وقالوا انه بيغنى فى حفلات وجابوله فيديوهات وصور من الحفلات دى !!!
** الفكره كلها انك تعرف ازاى حذف جزء او معلومه او تزويد جزء او معلومه
ممكن يغير فكرتك عن موضوع ما ...
الجميع وهو بيشوف البنت بتتكلم عن القصف والتهجير وعيطت وهى بتغنى قالك اكيد دا بشار هو السبب ... لكن البنت كانت بتتكلم عن الارهاب اللى حاصل فى سوريا والبنت واسرتها من المؤيدين لبشار
** لو الام بى سي تعرف المعلومه دى وتم حذفها .. دى مصيبه
اما لو مايعرفوش
grin رمز تعبيري
دى مصيبه اكتر
ان قناتكم السعوديه .. عرضت مشاركه لمتسابقه غنت نفس الاغنيه امام حرم الرئيس السورى
grin رمز تعبيري
** اه .. فى مفاجأه كمان
الجميع لما البنت عيطت وهى بتغنى على المسرح
نانسى حضنتها وتامر وقف وقعد يقولها الله ينصر سوريا وشعبها
وكل الفيلم اتعمل على اساس ان البنت نفسها عيطت بسبب بلدها والخراب وكده
لكن نانسى عجرم نفسها صرحت انها لما حضنت البنت وقالتلها انتى بتعيطى ليه
البنت قالت من الفرحه عشان نانسى اختارتها وهى بتحب نانسى
grin رمز تعبيري
** لالالا استنوووا لسه فى مفاجأه
البحراوى لازم يثبت ان كلامه منطقى مش مجرد تهيؤات
ادخل يوتيوب واكتب :
شاهد ... معتز مطر يعلق على الفتاة السورية التي ابكت تامر حسني ونانسي عجرم وكاظم الساهر
ههههههههههههههه هاتشوف الغل والحقد والغليــــــــــــــــــــ
grin رمز تعبيري
معتز مطر الاخوانجى كان هايمووووت ان اللجنه تعاطفت مع طفله اتضح انها تؤيد النظام السورى
grin رمز تعبيري
مش معنى كده ان اللى ضد النظام السورى اخوانجى بالضروره
ولكن الكل عارف ان الاخوان اكبر المستفيدين من اللى بيحصل فى سوريا
ولو نسينا .. ممكن نفتكر الحفله بتاعت الصاله المغطاه اللى عملها مرسى لمساندة المعارضه الارهابيه فى سوريا !!
** قولتها قبل كده كتير
الاعلام غسالة عقوووول
بمشهد تقدر تقلب الباطل حق
وبمشهد اخر تقدر تقلب الحق باطل
** لا يهمنى اشخاص .. يهمنى فقط بقاء الدول العربيه
يهمنى الجيش العربى السورى بغض النظر عن الشخص الموجود على رأس القياده
الطفله غنى تغنى فى برنامج ذا فويس كيدز
الطفله غنى تغنى امام حرم الرئيس السوري
E.E
Eslam Elbahrawy
بسم الله الرحمن الرحيم استغلال برامج المسابقات فى التسويق للقضايا السياسيه يمكن انا قصدت انى انشر البوستين السابقين ...Posted by Eslam Elbahrawy on 6 يناير، 2016
