بالصور - هل تعلم من هو الاعلامى الوحيد الذى يقدم برنامجه وهو يضع صورته اثناء خدمته بالقوات المسلحه؟!
الاعلامي الاكثر احتراما في مصر
اكاد اجزم ان ناس كتير منكم مش هاتعرفه
الاستاذ ابراهيم حجازي
واحد من اكبر النقاد الرياضيين في تاريخ مصر
رجل محترم وخلوق وصاحب كلمة حق طول عمره
ايراهيم حجازي مابيحبش حاجه في حياته الا مصر
ابراهيم حجازي مخصص كل حلقات برنامجه من سنين فقط لمصر وصالح مصر
ابراهيم حجازي كل حلقه يتحدث عن الجيش والشرطه ومدي اهميتهم
ابراهيم حجازي مسخر برنامجه عشان يفهم الناس المؤامرات اللي بتتعمل ضد مصر
ابراهيم حجازي كان اول واحد اتكلم من كام سنه عن الماسونيه وفتح برنامجه للدكتوره مايا صبحي وللباحث محمد عيسي داوود
ابراهيم حجازي كان اول واحد يفتح برنامجه للحديث عن 25 يناير وغيرها من النكسات و جاب ضيوف تقول ان كل دا مخطط و كل دا هايكون خراب.. والحلقات دي كانت بعد 25 يناير بفتره بسيطه
ابراهيم حجازي بيتكلم بلغة الشعب حاجه كده زي توفيق عكاشه وبيتكلم بالبلدي و دوغري بس الفرق بينه وبين عكاشه انه راجل هادي وعمره ما خرج منه لفظ خارج
ابراهيم حجازي محدش بيسمع عن برنامجه
بل انه مش محبوب لناس كتير
مش لانه بيعمل كل اللي قولته فوق دا
بس لانه……
الاعلامي الوحيد في مصر اللي بيطلع الحلقات وهو حاطط جنبه صورته لما كان في القوات المسلحه المصريه و دايما الصوره جنبه في حلقاته
شوفتوا الفرق بين الاعلامي المحترم
والاعلامي اللي علي رأي الاستاذ ايراهيم حجازي في اخر حلقاته لما قال اعلامي بيسهر كل يوم بليل لحد الفجر عشان ينيم الناس وهي ماسكه في بعض وبينقل خناقات الشارع للتلفزيون ونصحي الصبح كلنا متفرقين وكارهين بعض .. وطبعا كان يقصد وائل حريقه
سبب كتابتي للبوست دا
اني كنت في كافيه و كانت شغاله قناة النهار وشغال برنامج الاستاذ حجازي
وكان بيقول وقتها تعليق علي اخطاء الشرطه
وقال كل حته فيها الوحش والحلو بلاش نعمم وبلاش نهد البلد بإيدينا
فرد واحد من القاعدين قال غيروا الراجل دا هو دا حد يسمعله دا بيطبل
فصممت ان القناه تفضل شغاله وصممت اقوم اصور التلفزيون و اصور الراجل وهو قاعد وجنبه صورته وهو في الجيش .. وشوفت ان دا اقل واجب لتوجيه كلمة شكر لراجل محترم زي دا
E.E
ESLAM ELBAHRAWY
