شفرة الحقيقة - مدونة إسلام البحراوى: بالصور القصه الكامله - معز مسعود الداعيه الكاچوال - من تلميذ لعمرو خالد - لمساند لنكسة يناير

بالصور القصه الكامله - معز مسعود الداعيه الكاچوال - من تلميذ لعمرو خالد - لمساند لنكسة يناير - لمنتج افلام عن النكسه !

لا حول ولا قوة الا بالله

عارفين ..

واحد مكانى المفروض يشمت فيكم

بما انى كنت لما اتكلم فى اى موضوع واقولكم يا جماعه افهموا

ناس كتير كانت تدخل تتهكم و تشتم و تضحك

بس انا بجد مش شمتان

انا بحمد ربنا على بُعد النظر وبتمنى ان الناس كلها تبص للى حواليها صح

- من زمان .. زمان اللى هو من بعد النكسه

واكتر من مره بقيت اقول بلاش نتجمع و نتلم حوالين تلامذة عمرو خالد

بلاش شيوخ الكاچوال والنحنحه

بلاش الاسلام الامريكانى الجميل بتاع الجينز والبدى

- مصطفى حسنى ومعز مسعود وكل من على شاكلتهم

كتير كتبت احذروا منهم .. لان دا الشكل الجديد للدعاه اللى عاوزينا نسمع كلامهم

ونمشى وراهم

وقلت مش برتاح لهم ولا بحبهم ولا بيعجبنى اسلوبهم

ايوه اسلوبهم ناعم وجميل ويحسسك انه بيتكلم عن الاسلام الجميل

لكن كل دا تم وضعه زى ما حاجات كتير تم وضعها لتغيير معالم كل شىء

حتى معالم رجال الدين

_ اخر معلومه فى اخر سطر هى الغرض من البوست -

- الصوره دى من مهرجان كان السينمائى الدولى

الصوره مش كل اللى فيها فنانين

الصوره فيها ( الداعيه ) ! معز مسعود

ايوه معز مسعود

معاه مين ..

معاه المخرج محمد دياب واخوه خالد دياب

- ايه سبب الصوره؟

فيلم اسمه اشتباك

البطوله لهانى عادل ... مطرب من مطربى الفرق اللى بيسموها الاندر جراوند !!

- الاول نعرف الناس مين محمد دياب

محمد دياب دا المخرج اللى كان فى لقاء ايام 25 يناير فى برنامج وكان معاه عمرو مصطفى .. لما عمرو مصطفى قعد يبكى ويقوله بتولعوا مصر وهو يقول لعمرو احنا بنعمل الصح عشانك وعشان البلد .. اكيد مشهد الكل فاكره !!!!

- مهمد دياب مخرج فيلم 678 اللى بيتكلم عن التحرش وماشاء الله فيه كمية مشاهد جميــــــــــــــــــــــــــــله عن التحرش !!!!!!!!

- محمد دياب احد النكسجيه اللى بيعتبروا 25 يناير مقدسه بالنسبه لهم

- الفيلم اللى اسمه اشتباك قصته ايه ؟

قصته عن عربية ترحيلات فيها شباب مقبوض عليهم ايام فترة عزل مرسى

عدد الشباب المقبوض عليهم فى الفيلم كام شاب؟

25 شاااااب .. الرقم بيفكركم بحاجه ؟؟؟؟؟

- بيقول ايه المخرج محمد دياب عن فيلم اشتباك ؟

خرج الفيلم من رحم ثورة “25 يناير” التي أطاحت بنظام الرئيس السابق محمد حسني مبارك، لتخبو الجذوة الثورية بعد انتخاب الرئيس السابق محمد مرسي المنتمي لجماعة الإخوان المسلمين رئيساً للبلاد.

- بيقول كمان “بكيت يومها”، هكذا يقول المخرج لصحيفة New York Times عن يوم انتخاب مرسي. ولم يفسّر أكان بكاؤه فرحاً بسبب وصول رئيسٍ مدني منتخب لسدّة الحكم أم كان بكاؤه تعبيراً عن الخوف على مصر من وصول تيار ديني للحكم المدني في مصر.

- بيقولك الفيلم بيدور جوا عربية الترحيلات .. 25 شاب .. ما بين مؤيد ومعارض لمرسى .. وبيقولك ان الفيلم بيوضح ازاى الناس المعارضه والمؤيده شافوا بعض من الجانب الاجتماعى والانسانى لكل واحد فيهم بعيد عن القوالب اللى مرسومه لهم فى المجتمع.. وبتتساءل احد الصحف العالميه .. هل الفيلم يكون تمهيد لطرح فكرة التصالح الاجتماعى بين المصريين والاخوان ؟؟؟؟؟؟؟؟

- الفيلم إنتاج مشترك بين فرنسا، ومصر، وألمانيا، والإمارات العربية المتحدة، وثانى الإنتاجات الكبيرة لشركة "فورتريس فيلم كلينك" بالتعاون مع شركة EMC Media من الإمارات، وSampek Productions من فرنسا.

- لكن .. المعلومه الاخيره ..........

هى ان احد منتجى الفيلم هو الداعيه معز مسعود !!!!!!

بل الداعيه الاسلامى الاستاذ معز مسعود هو ملحن اغنية هانى العادل ( تتجوزينى )

و دى حبيت تكون اخر معلومه

عشان نعرف ان هوية كل اللى خرجوا علينا بعد نكسة يناير

هم مجرد مؤيدين لتلك النكسه وما حدث لمصر من خراب

وان تم وضعهم وتجهيزهم للظهور على الشاشه

ليصبحوا أذرع لتلك النكسه فى كل المجالات حتى المجال الدعوى او الديني

E.E

Eslam Elbahrfawy

----------------------------------------

فيديو للتااااريخ

مرتبط بالمنشور السابق ( لمن لم يفهمه )

البحراوى بيحب نشر التاريخ مره تانيه

اصل ااااريخ بينفع برضو

لقاء عمرو مصطفى والمخرج محمد دياب

بتاريخ كااام؟؟ بتاريخ 7 فبراير 2011 !!

اسمعوا اللقاء

اسمعوا مكالمة الحبيب على الجفرى

يوم 7 فبراير 2011 والحبيب على الجفرى بيقول ما يحدث فى مصر هو مرتبط بما يحدث فى المنطقه .. لقد نقلوا ما يحدث فى تونس الى مصر

واقول للاخ محمد دياب ما يحدث فى مصر هو من فئه غوغائيه فى ميدان التحريرررر

- الفيديو منشور على حساب عمرو مصطفى باليوتيوب تحت عنوان ضمان وهمى

عارفين سبب التسميه ايه؟

ان فى اللقاء دا عمرو مصطفى قال لمحمد دياب ادينيى ضمان انى مابقاش العراق ؟ وانى مابقاش افغانستان .. وانى مايبقاش عندى قواعد عسكريه وبلدى تتحاصر من حدودها ؟

ووقتها رد محمد دياب قاله اضمنــــــــــلك !!!

وحصل العكس !!!

اسمعوا والله هاتستمتعوا

بُعد النظر نعمه من الله

E.E

Eslam Elbahrawy

-------------------------