أصل حدوتة ظهور صورة وزير الداخليه بالنيجاتيف - بين موسولينى وهتلر ووزير داخلية مصر
** أصل حدوتة ظهور صورة وزير الداخليه بالنيجاتيف **
بين موسولينى وهتلر ووزير داخلية مصر !
- طبعا اوقات لما بتكون الهوجه شغاله
ماينفعش تتكلم عن معلومات معينه لانها هاتضيع وسط الهوجه
- موضوع نقابة الصحفيين خلص وانتهى
الهوجه خلصت والدنيا نامت لما عرفوا انهم مش هاياخدوا حق ولا باطل
وان التخطيط بتاعهم فشل
- نرجع بقى للاصل ..
طبعا الناس كلها عرفت قرار النقابه بإن الصحف والمواقع تنشر صورة ويزر الداخليه بالنيجاتيف ..
الكل توقف عند القرار ..لكن محدش توقف عند اصل القرار !!
- لما بنقول ان الناس دى مدربه
وان الناس دى مش بتتصرف بشكل اعتباطى مش بنبقى بنبالغ
الناس دى عارفه كويس هى بتعمل ايه
- اللعب على العقل .. توجيه العقل للشىء المراد منك ان تصدقه وتقتنع به
- بدأت اللعبه بموسوليني .. ثم انتقلت لهتلر .. واخيرا لوزير داخلية مصر
ليه اختارت النقابه ان الصوره تظهر بالنيجاتيف
ليه ماقالوش ان الصوره ماتتحطش اصلا
او ليه ماقالوش مش هاننقل اخبار وزير الداخليه !
- الفكره كلها هى ارسال رساله للخارج
لان موضوع الصوره النيجاتيف تم استخدامه من قبل عبر التاريخ
- الصحف العالميه استخدمت النيجاتيف فى نشر صور هتلر عند نشر اخباره
بإعتباره ديكتاتور و منفذ محرقة اليهود و احد النازيين السفاحين
- كذلك استخدمت الصحف العالميه نفس الفكره مع موسولينى
موسولينى احد حكام ايطاليا من 1922 الى 1943
أسس الحزب الفاشيستى .. المستوحى منه كلمة فاشيه ( العنف الشديد )
كان بيستخدم الحزب الفاشيستى العنف الشديد فى مواجهة المعارضين
كانوا بيقتلوا المعارضين
لو حصل اى مظاهره ضد النظام بينزلوا افراد الحزب الفاشيستى يضربوا الناس ويقتلوهم
لذلك تم وضع صورة موسولينى بالنيجاتيف لانه كان قاتل وسفاح
- وصلت المعلومه دلوقتى ليه تم اختيار وضع صورة وزير الداخليه بالشكل دا؟
عشان حتى لو الامر دا انتشر فى الخارج .. وطبعا الصحفيين اللى جريوا على الخارج للاستنجاد به .. وصلوا المعلومه
فيظهر وزير داخلية مصر زيه زى السفاحين هتلر وموسولينى
وتبقى الرساله وصلت انه وزير فاشي فى نظام فاشي بيضرب الناس ويقتلهم
- و زى ما بنختم كل مره
المنهج هو هو
الفكره هى هى
تمر سنين و تختلف الاماكن والاشخاص
لكن التنفيذ واحد !
E.E
Eslam Elbahrawy
