حزمنى وانا هارقص يا مولانا - عمرو اديب ينادى الهلباوى بالشيخ الجليل - والهلباوى يدافع عن افكار حسن البنا
** حزمنى وانا هارقص يا مولانا ** !
مكالمه غريبه كانت فى حلقة القاهره اليوم اول امبارح
عمرو اديب عامل مكالمه مع كمال الهلباوى
اللى كان المتحدث الرسمي للاخوان المسلمين
واللى بيقولك انا انشقيت !!
المهم .. عمرو اديب كان بيناقش كتاب لسيد قطب
بيقول فيه ان الخلافه لازم تنتشر فى كل العالم
وقال ان دا المنهج اللى بيمشي عليه الدواعش الان
فيجي اتصال من ابونا الحج كمال
فعمرو اديب يقوله نحب نسمع رأيك يا شيخنا !!
هو كمال الهلباوى بقى شيخ !
وبعدين تمشي المكالمه
عمرو اديب يقوله كلام سيد قطب بتنفذه داعش
يقوم ابونا الحج كمال المنشق عن الجماعه الوحشه الشريره
يقوله لاااا.. دا كلامه بس مفهوم غلط ومش متفسر صح
دفاع مستميت عن اقوال سيد قطب !
السؤال هنا لعمرو اديب
هو يعنى من قلة الناس فى مصر
رايح جايب كمال الهلباوى عشان يقول رأيه فى سيد قطب
يعنى ماهو لازم القرد هايكون فى عين امه غزال
وترجعوا فى الاخر تقولوا الشباب مغيب ليه
ماهو انتوا اللى بتعملوا كده
بتجيبوا كلام الاخوان .. وتجيبوا اخوان يعلقوا علي الكلام
يعنى فى بيتها !!!!
E.E
Eslam Elbahrawy
