منطق ان تأكل نفسك فى السوق قبل ان يأكلك الاخرين - اعلانات رمضان و منافسه وهميه بين الشركات
بالمنطق !
الحرب لما تكون خفيه
اعرف ان في جهتين بيتصارعوا وفي حرب لها اطراف مختلفه
اما الحرب لو كانت علنيه بشكل مستفز
اعرف ان في فريقين بيتقاتلوا
لكن محرك الفريقين واحد.. والمستفيد من الفريقين واحد
زي بالضبط صاحب مصنع شاي
يعمل منتج شاي غالي بإسم معين
و يروح يعمل منتج شاي تاني ارخص بإسم تاني
ويبتدي يروج للنوعين انهم مختلفين و بيتنافسوا
وفي النهايه الناس لو اشترت الرخيص ..صاحب المصنع استفاد
والناس لو اشترت الغالي ..برضو استفاد
لان المنتجين بتوعه
دا اللي بحسه في كل مره يتعرض اعلان الملابس بتاع Dice
لما توصل ان اعلان يذكر اسم منتج اخر علني كده عشان يحسسك ان دي حرب
يبقي الموضوع فيه حاجه غلط
يعني معروف ان قطونيل هي اللي اخترعت مصطلح القطن بيتكلم مصري
لما اعلان دايس يقول القطن مابيتكلمش ..
ويكون توجيه مباشر واسقاط مباشر علي قطونيل
هنا حسيت اننا مجرد لعبه بين شركتين
عاملين حرب وهميه .. الهدف منها السيطره علي السوق
الغريب كمان في الامر
ان الاعلانين بيتعرضوا ورا بعض في معظم القنوات وكأنها مقصوده
نوع من انواع التحكم في العميل اللي هوا احنا
من خلال خلق فكره جوا الدماغ ان يتعرض منتجين ورا بعض
فتترسخ جواك فكرة المنتج وسواء اشتريته من دايس او قطونيل
المهم انك اشتريت وتم التأثير عليك !
لو ان وجهة نظري صح
ف دا يكون اسلوب دعايه ذكي جدا
وبالمناسبه بيتم استخدامه في منتجات كتير وفي دول كتير
طبعا مش محتاج اتكلم عن قلة ادب اعلانات الشركتين في ايحاءاتهم وتعبيراتهم
واعلانات رمضان عامة لينا معاها وقفه ان شاء الله
E.E
ESLAM ELBAHRAWY
