دجال العصر - التلفزيون - مشهد بسيط من مسلسل الاسطوره يؤكد ان التلفزيون هو دجال العصر
** دجال العصر **
- فعلا دى حقيقه
التلفزيون هو دجال العصر
هو الدجال بيعمل ايه ؟
بيخلى الباطل حق .. والحق باطل
بيخلى الصح غلط .. والغلط صح !
- برضو مش بتكلم عن مسلسل الاسطوره كمسلسل
لكن هاتكلم فى نقطه معينه
ازاى تقدر تتحكم فى عقل المشاهد وتقنعه بالشىء الغلط وتخليه مؤمن بيه
- فى الحلقه اللى اتقتل فيها محمد رمضان
فوجئت برد فعل رهيب حتى فى الشارع وفى الشغل
المشهد بتاع القتل نفسه عامل ملايين المشاهدات على يوتيوب
اتفاجئت و ذهلت .. لما لقيت ناس رافعه صور ليها وهى بتعيط وقت المشهد دا
- وهنا تيجى النقطه المقصوده
ازاى من خلال موسيقى تصويريه حزينه داخله الودن
( لو تفتكروا التأثير على العقل بالموسيقى اللى اتكلمنا عنه قبل كده )
ومن خلال دموع وعياط
قدرت تخلى ستات ورجاله عينها تدمع وتحزن لموت ( تاجر سلاح ) !!!!!
- واحد بيتاجر فى السلاح
بلطجى
بيتحدى الحكومه
ومع ذلك من خلال مشهد مصحوب بموسيقى تصويريه حزينه
قدر يخليك تزعل وتحزن على موته
قدر يحببك فيه
قدر حتى يخليك تكره الضابط اللى بيحاول يقبض عليه !!!!
_ التلفزيون دجال كبير اوى
مش بس بيقلب الحقايق
دا بقي بيعمل الاصعب
بيعرضلك الحقايق بدون تزييف
بيعرضلك الغلط ويقول انه غلط
ومع ذلك بيحببك فيه
E.E
Eslam Elbahrawy
