سب القضاء والقدر فى مسلسل الاسطوره - شيئا فشيئا حتى يصير الدين لا شىء
** شيئا فشيئا .. حتى يصبح لا شىء **
- على مدار شهور طويله ومن وقت ظهور الهوجه بتاعت ( فرز ) الدين .. اللى خرج علينا فيها ناس
كتير زى اسلام بحيرى ومصطفى راشد و يوسف الحسيني
الناس اللى بتسب الائمه .. احيانا بيتم التهكم على بعض احكام الدين
واحيان اخرى تحليل الحرام وتحريم الحلا حسب اهواءهم الشخصيه
ووصف واحد من الصحابه او الشخصيات الاسلاميه التاريخيه انه ارهابى والاخر سفاح !
- كنت كتبت كتير و كررت كتابتى للفكره دى
ان يا جماعه كل شىء بيبدأ صغير لحد ما بيكبر
و ضربت مثل بالافلام فى الغرب
بدأت بنكته عن المسيح .. ثم نكتتين فى فيلم تانى
حتى اصبح فى افلام بتجيب المسيح وهو بيزنى وبيتشتم و بيشتم وبيطلع عنه نكت جنسيه !
- قلت ان احنا كمان رايحين فى السكه دى
تريأه على حاجه فى الدين
شتيمه فى الائمه
شتيمه فى الصحابه
تهريج وتقليل من شأن احداث و غزوات
وقلت ان الطريق ماشى بينا لاننا يوصل بينا التريأه علنى على كلام ربنا !
- فى الحلقه التاسعه من مسلسل الاسطوره
( ومش بتكلم عن المسلسل فنيا ونجاحه من عدمه )
بتكلم عن اللقطه اللى تخص موضوعى
كان التلاته محبوسين فى السجن
الفنان هادى الجيار يرد يقول اللى حاصل لنا دا بتاع ربنا
دا نصيب
فيرد الاخ اللى عليه السهم دا فى الصوره واللى معرفش اسمه
يقول : ملعون ابو دا نصيب !!!
- سب علنى للقضاء والقدر اللى بيضعه وبيكتبه ربنا !!
- مش بس فى المسلسل دا على فكره
لقطه تانيه فى اولى حلقات مسلسل الكيف
واحد بيتكلم عن موقف وبيقول انا اتخضيت وكأنى حسيت بذكرات الموت
فيرد التانى يقوله اسمها سكرات الموت يا غبى !!
- دس السم فى العسل
و تعويد الودن انها تسمع السهوله واليسر فى سب الدين واهانته والتهكم عليه
امر فى غاية الخطوره والبوست القادم هاوضحلكم الفكره بشكل اكبر !
E.E
Eslam Elbahrawy
