بالصور الحصريه - فضيحة مراسل سي ان ان ينشر اخبار كاذبه عن الطائره المصريه المنكوبه ويقوم بمسحها
لو سمحتم ارجوووكم خلى بالكم من نقلكم للاخبار اللى بتشوفوها ايا كان مصدرها
الكلاب بدأوا فبركة الاخبار عشان تشويه صورتنا واحنا للاسف ناس مننا بتنقل الكلام
ارجوكم اى تصريح .. روحوا للحساب الرسمى لصاحب التصريح
بلاش تثقوا فى حد لمجرد انه اعلامى
وبلاش تثقوا فى حد لمجرد انه امريكانى
اللى قصادكم دا نموذج صغير
صاحب الاكونت هو صحفى فى قناة CNN الامريكيه
او بيقول انه صحفى فى قناة ال CNN
الصوره مقسومه تلاته
الجزء الاول .. الصحفى كاتب تويته بتقول ان فى بعض التقارير بتقول ان داعش اعلنت مسئوليتها عن تفجير الطائره ..
** الجزء التانى ..
الباشا بعد ما كتب المعلومه واتعملها ريتويت او شير يعنى
رجع وعمل شير لتويته بتاعت صحفى تانى بيكذب المعلومه
** اما المفاجأه فى الجزء التالت
ان بعد الصحفى الامريكانى ما نشر الخبر الكدب جرى ومسح التويته
انا جايبلكم لينك التويته .. ومكتوب تم الحذف
و دا حصل وانا بكتب البوست حالا بعد ما اخدت شوت سكرين بعمل ريفرش لقيتها اتمسحت
يعنى من الاخر نشر الخبر بدون اى دليل
وبعدها بشويه عشان مايتحملش المسئوليه
نشر ان الخبر غير صحيح
ثم حذف كلامه خالص عشان مايتفضحش ان شبكة سى ان ان بتشغل نصابين معاها وهدفها عمل بلبله فى مصر من خلال نشر اخبار مغلوطه
بس طبعا اى واحد كاره لمصر
هايشوف الخبر الاول ويعمله شير
انما مش هايشوف الخبر التانى لنفس الصحفى وهو بيقول ان كلامه مش صحيح !!
اياك تثق فى كلاب الامريكان
** شوفتوا اللعبه فين
كلمه واحده
حولت التويته من واحد بينفى ان داعش اسقطت الطائره
لواحد بيؤكد ان داعش لم تسقطها
انا عملت حاجه بسيطه .. دخلت حسابه .. شوفت التويته الاصليه
وشوفت التكذيب اللى هو نفسه نشره
ياريت كلكم تعملوا كده
احنا فى زمن الاشاعات فيه اسهل شىء
و بنمر بوقت حرج يتطلب الحرص الشديد حتى لو اللى كاتب الكلام حد على بروفايلاتكم وصديق وبتثقوا فيه .. دققوا و ابحثوه وراه ..لان قد يكون هو انخدع هو كمان
انتظروا البيانات الرسميه
محدش يجرى ورا صحفى اجنبى او قناه اجنبيه
اللهم بلغت
اللهم فاشهد
E.E
Eslam Elbahrawy
