بعد حذف صور قتلى الارهابيين من صفحة المتحدث العسكرى للجيش المصرى - هل مازلتم تعتقدون انه لا وجود للمؤامره؟
يا راااااجل مصر دي دوله تافهه اصلا !
** ايوه صح يا معلم مصر دوله تافهه
مين احنا عشان لعبة البوكيمون تبقي للتجسس علي اراضينا
مين احنا عشان يتعمل علينا مؤامرات
دي نظرية مؤامره هبله .. وكله تمام .. واحنا زي الفل
** للمره المليار
لما تحب تطمن حد ... ماتفكرش انه من الصح انك تشتغله وتقوله مفيش مؤامرات ومفيش استهداف .. الصح يا حبيبي انك تعرف الناس ان في خطر و تربص بينا لكن نوعيهم ونقولهم ازاي نواجه الخطر دا
بحيث نبقي حذرنا ووضحنا الحقيقه
ونفس الوقت لم نبث الروح الانهزاميه في نفوس الناس
** طبعا بخصوص اننا مش مستهدفين
وان مفيش مؤامرات
وان الفيس وتويتر ولعبة البوكيمون ..الخ .. كل دا مش وسائل تجسس
ولا وسائل بتستخدم ضدنا
ياريت بس المحترم سيادة العميد محمد سمير المتحدث العسكري
يطلع يقول لاخواننا ازاي تم حذف صور قتلي داعش اللي قضي عليهم الجيش
وليه الفيس بوك حذف الصور من صفحة المتحدث العسكري
مع العلم ان الصور محطوط عليها غيوم في الاماكن اللي فيها مناظر بشعه
في الوقت نفسسه اللي متساب صفحات للاخوان بتحرض علي الارهاب
وصفحات لداعش بتنشر صور الجنود اللي بيقتلوهم ويحرقوهم ويقطعوا لحمهم
وصفحات تانيه بتسب الاسلام ورسول الاسلام
ورغم عمل الاف الريبورتات .. بيرفض الفيس بوك يقفل الصفحات دي !
** اخيرا هافكركم من كام شهر
لما نشرت بوست بفضح فيه باسم يوسف
ولقيت بعد خمس دقايق الفيس حذف البوست
وجالي رساله ان المحتوي مؤذي واني لو حاولت انشره تاني حسابي هايتقفل
ويومها اتعجبت انا وانتم .. ان الفيس سايب كل المليارات اللي عليه
وسايب كل التحريضات و القتل والارهاب اللي بيتنشر عليه
و زعل لما نشرنا بوست يفضح باسم يوسف
** بالله عليكم ياريت بلاش نضحك علي الناس بحجة الوطنيه
واننا بنطمنهم
احنا كده بنساهم في تغييب عقولهم و دا اللي عاوزه عدونا
اما المحترم سيادة العميد محمد سمير
ماتقلقش يا فندم
اعتبرنا رجالتك اللي شغالين في فرع الشئون المعنويه
انشر انت بس الصور وبعد نشرها بثواني هاننشرهالك في مليون حساب
عشان لو حذفوها من الصفحه
مايقدرش يحذفوها من صفحاتنا كلنا
E.E
ESLAM ELBAHRAWY
