بالصور وبالدليل- مشاركة بسمه وخالد ابو النجا فى مسلسل امريكى يضم ممثلين صهاينه - ملف هديه لنقيب الممثلين
** صهاينة مصر **
بسمه و ابو النجا .. ومسلسل بمشاركة الصهاينه
** ماهو ماينفعش شغلنا كله يبقى محلى
لازم برضو نتابع الخونه و نروح وراهم برا
وانا بينى وبينكم بحب اشتغل سواء برا او جوه
انا مابزهقش
** عجيب يا اخى والله العالم دا
امريكا .. السينما الامريكيه .. اعظم انتاج .. اعظم ممثلين
الشهره مش بتكون لاى حد .. والمشاركه فى افلامهم مش لاى حد
ومع ذلك
تلاقى ممثلين الصف الثااااالث فى مصر هما اللى بيشاركوا
الله .. مش غريبه برضو ؟؟
عمرو واكد ... بسمه زوجة غريب الاطوار عمرو حمزاوى .. خالد ابو النجا بتاع الوان الطيف ..
والغريب والاغرب انهم مش بس ممثلين درجه عاشره
الغريب المشاركات اللى بيشاركوا فيها يا اخى
لازم كلها تكون افلام عن اليهود او افلام عن دمار وخراب الشرق الاوسط او مسلسلات بتتكلم عن الحكام الطاغيه
والديكتاتوريين فى الشرق الاوسط
** المهم نيجى لموضوعنا
مسلسل امريكي فى الموسم بتاعه الجديد اللى بدأ
مسلسل اسمه الطاغيه او The Tyrant
لقيت بسمه وخالد ابو النجا مشاركين فيه
فقلت نشوف ايه الحكايه
** طب لزم التنويه ان بسمه وابو النجا والشله دى كلها .. ضد حكم العسكر .. و ضد التطبيع مع اسرائيل اللى السيسي حسب قولهم بيحافظ على امنها وسلامتها .. وضد الجيش المصرى اللى باع القضيه الفلسطينيه و بيقفل الانفاق فى وش الفلسطينيين والسيسي بيساهم فى قتلهم ....
وجب التذكير يعنى
** مسلسل الطاغيه قصته ايه ؟
هو مسلسل تلفزيوني درامي أمريكي من تأليف وإخراج غيديون راف وتطوير هوارد جوردون وكريج رايت بدأ عرض
يحكي المسلسل قصة (بسام) وعائلته الذي يعود لبلده
الذي غادره منذ 20 سنة لحضور حفل زفاف ابن أخيه وسط اضطرابات وثورات تمر بها البلاد ضد العائلة الحاكمة
(بسام الفايد) ابن رئيس دولة (معان) الدكتاتوي –وهي دولة خيالية تقع في الشرق الأوسط- هاجر إلى أميركا ودرس
وعمل كطبيب أطفال هناك، بعد 20 سنة قرر العودة لحضور حفل زفاف ابن أخيه. الأوضاع السياسية في بلده مُضّربة
جداً. ويلقى الرئيس حتفه في حفل الزفاف مما اضطر (بسام) وعائلته للبقاء في البلاد فترة. يحاول (بسام) تهدئة
الأوضاع في البلاد ويتجنب قدر الإمكان نشوب حرب أهلية بين أطراف الشعب.
** لاحظ ان الاسماء كلها عربيه
الدوله الخياليه دى دوله فى الشرق الاوسط بتتكلم عن حاكم ديكتاتوووري
مش بس كده .. بتتكلم عن انقلاب الشعب على الحاكم الديكتاتورى
مش بس كده .. بيتكلم المسلسل ان اللى هايقدر يكون عادل ويلحق البلد من الدمار هو ابن رئيس الدوله اللى عاش فى امريكا و درس فيها و عرف معنى الديمقراطيه هناك !
واخد بالك انت .......؟
** بالمناسبه من متابعتى للمسلسل
الفكره تقريبا وبنسبة 90% بتتكلم عن دولة سوريا !
** لا لسه ماخلصناش
نعرف بقى بسمه و ابو النجا اللى ضد العسكر وضد السيسي اللى مرمى فى حضن اسرائيل و اللى بيقولوا انهم بيكرهوا اسرائيل وبيحبوا فلسطين ..
نشوف بقى بيمثلوا قصاد مين فى المسلسل :
1- اشرف برهوم
ممثل اسرائيلي من عرب اسرائيل مواليد عام 1979
وقام بدور ضابط سعودى فى فيلم يتحدث عن التطرف والارهاب فى العالم
الفيلم كان اسمه the kingdom
2- موران اتياس
او מורן אטיאס
اه نكتب اسمها بالعبرى لانها ممثله اسرائيلية الجنسيه مواليد عام 1981 ولدت فى حيفا بإسرائيل
3- محمد بكرى مخرج وممثل اسرائيلي الجنسيه
خريج جامعة تل ابيب من مواليد 1953
** دول كانوا مجرد عينه من الصهاينه المشاركين فى المسلسل
واللى خالد ابو النجا وبسمه بيحطوا ايديهم فى ايد بعض كل يوم
ومشاركين معاهم فى مسلسل
يعني بيسافروا مع بعض .. اكل وشرب واقامه وحفلات وتصوير
وفى الصور هتلاقوا مشهد فى الحلقه الرابعه من المسلسل
بيجمع بسمه بالصهيونيه موران اتياس
** برضو مستعجلين ..؟
لسه لسه
المسلسل اتصور فييين بقى؟
وكل كلمه بقولها بالمناسبه جايه من الموقع الرسمي للمسلسل
حسب القائمين على العمل
تم تصوير المسلسل في العديد من مدن فلسطين المحتلة كمدينة كفار سابا وبتاح تكفا وتل أبيب
وتم استكمال باقى المشاهد فى تركيا
ولما نقول مدن فلسطين المحتله دا لاننا عرب معترفين باحتلال اسرائيل لفلسطين
لكن الصهاينه وصناع المسلسل والمشاركين فيه دخلوا المدن دى على انها مدن اسرااائيليه !
** انا حبيت بس امسى على حبايبنا بتوع يسقط حكم العسكر
والمغيبين اللى ماشيين وراهم
لازم تعرفوا انهم اول ناس وقت الفلوس والشهره بيوافقوا يحطوا ايدهم فى ايد الصهاينه
وعلى ما افتكر الشخصيات دى مثلا كانت اول من هاجم الرئيس لغلق الانفاق
واول من هاجم الرئيس بحجة حفظ امن اسرائيل على حد قولهم
واول من هاجم توفيق عكاشه لما قعد مع السفير الاسرائيلي لان بيننا وبينهم دم ( وانا من الناس اللى رفضت برضو )
لكن ايه الاخبار بقى لما هما نفسهم يشتركوا فى عمل فيه صهاينه
ومتصور فى تل ابيب
وبيتكلم عن ديكتاتورية العرب
طبعا دى اسرائيل .. واللى بيهاجموها دى اسرائيل تانيه خاااالص يا اخى
اهداء لنقيب المهن التمثيليه السيد اشرف ذكى
دى حضرتك صفحة موووثقه ورسميه تتحدث بالنيابه عن سفارة اسرائيل فى مصر
منزله الخبر وناشراه ان بسمه مشاركه فى مسلسل اسرائيلي
يعنى حتى احنا بنقول مسلسل امريكي مشارك فيه صهاينه
لان هما بيقولوا المسلسل كله اسرائيلي اصلا
المطلوب من سيادتك يا سيادة النقيب
زى ما سألت بسمه وخالد وقالولك لا الكلام غلط
تشكل بقى لجنه تبحث مدى صحة كلام صفحة سفارة اسرائيل فى مصر
ولو طلعوا صح ... يبقى تاخد الممثلين بتوعك وتخرجوا كلكم برا النقابه
ولو طلع الكلام غلط .. حضرتك تتحرك بشكل رسمى للرد على كلام كاذب ساهم فى بلبلة الرأى العام المصرى ( هما مش بيقولوا الكلمتين دول كده برضو ) !!
** بعيدا عن القضيه نفسها
العقل الصهيونى برضو مش سهل .. ويمتعك لما تلعب معاه
ناشرين صورة الخبر .. بسمه مع عمر الشريف
بإعتبار ان عمر الشريف يهودى الاصل يعنى !!
المهم منتظررررين
E.E
Eslam Elbahrawy
E.E
Eslam Elbahrawy
