رساله لعمرو اديب -عندما انهمر عمرو اديب فى البكاء بسبب اغنية اصاله - فهل لديك الاستعداد للبكاء من اجل ...؟
** و انهمر عمرو اديب فى البكاء ... والسبب ...؟!
** رساله للسيد الاعلامى - اعلم ان اصدقائى سيوصلونها بدقه !
- فى حلقة الامس من برنامج عمرو اديب
عرض اغنية اصاله عيش سكر وطن
وبعد ما خلصت الاغنيه وجدنا عمرو اديب تنهمر عيناه بالدموع
- قال عمرو اديب :
منك لله يا اصاله .. الاغنيه دى كل ما اشوفها بعيط
انا بشوف السوريين مرميين فى المطارات والامم المتحده رايحه تاخدهم
بشوفهم فى مخيمات لبنان
وكل ما اشوفهم اقول يارب ما تحكم علينا بكده
يارب ما تحكم عليا انا وولادى ومراتى بكده
محدش بيحس بقية الحاجه اللى فى ايده
انا ماكنتش مصدق اللى شوفته
سوريا كانت دوله عظمى
العراقيين كانوا دوله عظمى
الليبيين كانوا دوله عظمى
الناس دى خلاص راحت وبتروح
---------------------------------------------------
انتهى كلام السيد الاعلامى الذي قاله و دموعه تظهر على الشاشه
ولكن ..
حبيت أرد على السيد الاعلامى و اخليه يعيط اكتر معانا
1- اولا عارف ليه انا اغنية اصاله مابتهزنيش؟
لانها اغنيه مش معموله لطفل .. او لوطن .. انا مقتنع انها اغنيه معموله من واحده بتكره نظام وعامله اغنيه ضده .! .. لذلك هى اغنيه موجهه
2- ثانيا سوريا كانت دوله عظمى .. والعراق وليبيا كانوا دول عظمى
و زى ما انت بتقول راحوا وبيروحوا خلاص
بس نسيت تسأل نفسك سؤال .. هو مين اللى خلاهم راحوا ؟؟
مش نكسات الخراب العربى اللى انتوا دعمتوها هى اللى ضيعتهم
مش اعلامكم وفبركتكم وضحككم على عقول العوب هو السبب فى الضياع
مش نشر الفتن الطائفيه و المشى وراء مخططات بنى صهيون هو اللى خربها
مش شعارات الحريه اللى صدرتوها فى برامجكم هى اللى خربتها
مش الهتاف ضد الجيوش دا كان اختراعكم
لما بشوف اعلامى منكم بيبكى على اطفال مصر ولا سوريا ولا ليبيا
بحس انى شايف المثل اللى بيقول يقتل القتيل ويمشى فى جنازته
محدش قال على الجواسيس انهم ثوار .. الا انتم
محدش قال على ايلان جبرائيل الجاسوس الصهيونى انه اعلامى اجنبى محترم الا انتم
محدش قال على اقتحام امن الدوله انه حريه وثوره الا انتم
محدش اشعل الفتن الطائفيه فى سوريا الا انتم
محدش قال اكاذيب عن مبارك وضحك على الناس الا انتم
محدش قال اكاذيب عن نظام القذافى وضحك على الناس الا انتم
محدش شجع وساند حلف الناتو تحت مسمى مساعدة الثوار الا انتم
محدش قال على الجماعات الارهابيه فى سوريا انها معارضه معتدله .. الا انتم
محدش هلل لسقوط العراق الا انتم
أنتــــــــــــــــــــــــــــــــــــــــــــــــــــــــــم
3- ... ثالثا و دا الاهم
جميل انك تبكى على اطفال سوريا وكلنا بنبكى
لكن بإيديكم كإعلام ساند نشطاء العار اللى ساهموا فى خراب مصر
شوفنا شهداء بتسقط كل يوم .. هو دا مش يبكى برضو
شوفنا شهيد بيحضن عربيه مفخخه وبيتحول لاشلاء .. هو دا مش يبكى برضو
شوفنا بطل بيفقد عينه و رجله و ايده ... هو دا مش يبكى برضو
شوفنا ناس بتفقد اكل عيشها و بتنام جعانه... هو دا مش يبكي برضو
شوفنا واحد بيحط سم لولاده لانه مش قادر يجيب لهم اكل .. هو دا مش يبكي برضو
شوفنا ارهاب و دم و خراب و تدمير .. هو دا مش يبكي برضو
شوفنا جواسيس بيحكمونا .. هو دا مش يبكي برضو
شوفنا ناس بتشمت فى موتنا وموت ولادنا .. هو دا مش يبكي برضو
شوفنا شهاء بيموتوا وهما بيسموا الله وبيفطروا فى رمضان .. هو دا مش يبكي برضو
-------------------------------------------------
جميل يا استاذ عمرو انك تبكى على حال غيرك
بس الاول اعرف الاول مين كان السبب فى الحال دا
وكمان حاول تبص جوا بلدك
وشوف مين اللى ساهم فى تلميع الخونه
وشوف مين اللى ساهم فى ظهور شعار يسقط حكم العسكر
وشوف مين اللى ساهم فى انتخاب جاسوس انه يبقى رئيس جمهوريه
وصدقنى هاتعيط اوى ..
دا لو كانت الدموع بجد وصادقه !
E.E
Eslam Elbahrawy
