بالصور والفيديو - دقائق تاريخيه - عندما سأل عمرو اديب لطيفه عن رأيها فى ثورات العرب و افحمته لطيفه برد غير متوقع
** تحيه مصريه عطره - لبنت تونس الخضرا :)
**** عندما صفعت لطيفه عمرو اديب فى عقر داره ولم يتوقع المفاجأه ****
** لطيفه تجيب على السؤال الصعب .. هل تونس احسن الان ام قبل الثوره ؟
- لطيفه .. مش بس الفنانه المحترمه فى اعمالها و تاريخها
مش بس الصوت اللى اتربى عليه جيلنا والجيل اللى قبله
مش بس الفنانه اللى بتفكرنا بتونس وجمال تونس واهل تونس
مش بس الفنانه النموذج للطموح والنجاح والعالميه
انما كمان امبارح كانت النموذج للفنان الحق .. الفنان الذي لا يخشي قول الحق
الفنان المثقف الواعى الفاهم والغير مغيب
الفنان الذي لا يهرب من ابداء رأيه خوفا من فقدان متابعين او محبين
الفنان الذي لا يتاجر بالقضايا لزيادة المبيعات
- فى حلقة الامس من برنامج كل يوم لعمرو اديب
دا الحوار التالى مع الفنانه لطيفه ..
اللى من شدة اجابتها بعد رأيها فى ثورات الربيع العبرى
تغير وجه عمرو اديب و قرر التحول لموضوع اخر بسرعه
** لطيفه : انا قلقانه من الوضع المؤسف اللى حوالينا
انا قلقانه على العالم العربى
--------------------------
** عمرو اديب : تفتكرى مين هايكسب كلينتون ولا ترامب ؟
** لطيفه : ولا هاتفرق .. كلهم زى بعض ..كلهم فى النهايه مسيرين وعارفين الدنيا ماشيه ازاى
** عمرو اديب : انتى متاعطفه مع مين فيهم يعنى؟
** لطيفه : خالص .. انا مش متعاطفه مع حد فيهم
انا متعاطفه مع السورى والليبي والعراقي والفلسطيني واليمنى والناس اللى قاعده بتموت والناس اللى بيغرقوا فى البحر وسايبين بيوتهم
انا متعاطفه مع دول..مش مع الرؤساء ولا هيلاري ولا ترامب
** عمرو اديب : انتى متطمنه على الوضع فى تونس .. فى بلدك ؟
** لطيفه : لا مش متطمنه.. خايفه .... خايفه جدا
لان الوضع مش مطمئن .. تونس متدمره اقتصاديا
وشبابنا بيهاجر هجره غير شرعيه والبطاله زادت زينا زى باقى الدول
------------------------------
** عمرو اديب : هل تونس احسن دلوقتى ولا قبل الثوره احسن ؟ ثورتكم..ثورة الياسمين
** لطيفه : لا .. هى مش ثورتنا خالص
هى ثورة اللى افتكروا انها ثوره ..على رأى الاستاذ مفيد فوزى لما قال ان الثورات دى حمل كاذب !
** عمرو اديب : ثورة الياسمين حمل كاذب؟ !!
** لطيفه : كلــــــــــــــــــه
كل ما حصل فى العالم العربى
ثورة ايه؟
تونس كان بيدخلها 5 مليون سائح كل سنه يا عمرو
هل دلوقتى نفرح باللى بيحصل فى تونس والارهاب اللى بيحصل فيها
تونس الان مافيش ولا سواح ولا ناس بتشتغل ولا ناس لاقيه شغل
فهل دى ثوره نعترف بيها ونفرح بيها؟ ما تخلينا واضحين مع نفسينا يعنى
هل اللى حصلت فى ليبيا دى ثوره مثلا؟ ونص الشعب الليبي متهجر برا
واللى حصل فى العراق .. وسوريا اللى بتتدمر دلوقتى
-------------------------------
وفى نهاية جملة سوريا بتتدمر دلوقتى
إلتفت الكاميرا الى وجه عمرو اديب الشاحب
واضطر بدون مقدمات او تعليق على كلامها ان يغير الموضوع
وان يتكلم عن عمار الشريعي !
---------------------------------
شكرا لفنانه كبيره ماخافتش من ان عدد الجمهور يقل او المبيعات تقل
شكرا لفنانه وضحت معنى انها تخاف على وطنها فتقول الحقيقه
وفنانه تانيه بتغنى لصالح قضيه معينه ولهدف معين مش لصالح الوطن
وبدون ذكر اسماء .. اكيد بتكلم عن اصاله !!
E.E
Eslam Elbahrawy
