حقيقة العالم - مدونة إسلام البحراوى: بالصور - تحليل فيلم عمرو واكد الجديد القرد بيتكلم - رمزية استخدام القرود الناطقه لدى الماسون - انتشار القرود الناطقه فى الميديا المصريه - والفيلم مسروق من فيلم اجنبى يدعم الماسونيه

بالصور - تحليل فيلم عمرو واكد الجديد القرد بيتكلم - رمزية استخدام القرود الناطقه لدى الماسون - انتشار القرود الناطقه فى الميديا المصريه - والفيلم مسروق من فيلم اجنبى يدعم الماسونيه

طبعا الفيلم لسه هاينزل فى دور العرض

لكن باين من البرومو وكمان من قصة الفيلم اللى اتسربت

وواضح الهدف كعادة كل افلام عمرو واكد

وكمان افلام بيتر ميمي مخرج العمل

--------------------------------------------------

طبعا انا كنت بمهد لكم الفكرة عن استخدام القرود الناطقه مؤخرا بشكل مكثف فى الميديا المصريه

سواء فى الاعلانات زى اعلان فريسكا

او زى المسلسلات .. زى مسلسل العمليه ميسي .. لاحمد حلمى

المسلسل الملىء بالاشارات الماسونيه .. وتقدروا تشوفوا تحليل المسلسل اللى نشرته فى 2014 وتفهموا الموضوع اكثر

شرح التحليل على الفيس بوك

اضغط هنا

--------------------------------------------

دا بالاضافه لتصريح محمد مرسى فى احد المقابلات

ان فيلمه المفضل هو فيلم كوكب القرود !

=======================

لماذ استخدام القرود ؟

اعتمدت الماسونيه على استخدام القرود لانه يمثل شيئين

الاولى .. نظرية الالحاد او ما تسمى علميا نظريات داروين لتطور الانسان

لان النظريه تخالف خلق الله سبحانه وتعالى لخلقه

النظريه تقول ان الانسان فى اصله قرد

بينما الله سبحانه وتعالى يقول فى كتابه العزيز

بسم الله الرحمن الرحيم

ولقد كرمنا بنى ادم

صدق الله العظيم

لذلك هو تحدى لله كما علمهم الدجال

الثانيه ..

هى اثبات تحدى القرود

بما ان المقوله الثابته من المسلمين للصهاينه انهم احفاد القرده والخنازير

اما الثالثه ..

لانها تمثل منهج الماسون .. وهو المنهج الذى يسير عليه اتباع الاخوان مع المرشد

لان الاخوان ذراع من اذرع الماسونيه .. وهو مبدأ .. لا ارى .. لا اسمع .. لا اتكلم

الماسونيه تفرض مبدأ السمع والطاعه وتنفيذ الطقوس والتضحيات دون مناقشه

============================

الان يأتى دور عمرو واكد وفيلمه الجديد ( القرد بيتكلم )

مبدأيا زى ما هانشوف بالصور الفيلم مسروق من فيلم

Now You SEE Me

وطبعا كلنا عارفين توجهات عمرو واكد ضد الدوله المصريه وضد الجيش المصرى ومساندته للنشطاء الخونه وانه احد من شاركوا فى تخريب مصر فى 25 يناير ..

قصة الفيلم تقوم على ساحر واخيه يبتكرون افعال سحريه لتهريب والدهم المسجون ظلماً فى السجون المصريه !!

========================

عاجبنى لوجو الشركه المنتجه للفيلم

مش بيفكركم بحااااجه؟

=====================

الجميل بقى ان الفيلم مسروق اصلا .. بالحركات والملابس حتى من فيلم اجنبى مشهور جدا

والاجمل ان الفيلم الاجنبى دا لما حللناه سوا اكتشفنا انه بيروج للماسونيه بشكل كبير

وانه بيقول للناس ان العين الواحده .. مؤسسه .. لما تنتمى لها ..تكون فاحش الثراء ومرتاح فى حياتك

ولو حد ماشافش تحليلنا للفيلم .. دا تحليل سريع للتذكره

** فيلم Now You See Me 2

- الماسونيه تعلن عن نفسها بشكل صريح فى السينما

** طبعا كالعاده اتعودنا اننا نشوف الرموز الماسونيه فى الافلام

رمز الهرم او العين الواحده او ما شابه من رموز تخص الماسونيه

** لكن المره دى الامر مختلف ... المره دى الفيلم نفسه يتحدث عن الماسونيه

** الفيلم هو الجزء الثانى .. لجزء اول كان ممتع وحقق نجاح عالمى

** قصة الفيلم .. او قصة الجزئين تقوم على فكرة ان هناك مجموعه من الاشخاص .. كل فرد منهم متميز فى شىء يخص السحر .. هناك من يقرأ العقول .. هناك من هو خفيف اليد .. واخر يقوم بالتنويم المغناطيسي

** بطريقه غريبه .. كان كل واحد منهم بيشتغل منفصل بموهبته

وفجأه يتم ارسال دعوات لهم .. ويتم تجمعيهم عن طريق جهه مجهوله

** فى الجزء الاول ظهرت فكرة الفيلم

ان الشباب دا عامل زى قصة ادهم الشرقاوى .. بيسرقوا من الاغنياء الحراميه و يعطوا للفقراء

** فى الجزء الاول .. ظهرت رموز ماسونيه واشارات لاحظناها وتكلمنا عنها وقت صدور الجزء الاول

** لكن فى الجزء الثانى موضوع حديثنا فوجئت وانا اشاهد الفيلم

ان الامر تطور بشكل رهيب جدا

واصبح كل الامر يدور عن الماسونيه

** الجزء الثانى يتحدث عن منظمه تهدف الى الخير اسمها ( العين )

The Eye

وطبعا مش محتاجين نوضح مفهوم الكلمه

** منظمة العين اللى هى منظمه خفيه لا احد يعرف مقرها ولكن مشهوره انها تعمل للخير .. قامت بتجميع الشباب السحره دول فى فريق واحد وتم اطلاق اسم على الفريق وهو :

الفرســــــــــــــان

** طبعا .. منظمه اسمها العين

لازم تسمى الفريق بتاعها الفرسان

واكيد اللى بيتابع منكم منشورات عن الماسونيه

اكيد هايجي فى دماغه فرسان المعبد

احد مؤسسي الماسونيه منذ قرون مضت .

( لعل كل هذا محض صدفه ) !

** يسير الفيلم طول مدته على ان الفرسان التابعين لمنظمة العين يقومومن بفضح الاغنياء اللصوص .. ويقدمون عروض من خلالها يحولوا اموال الاغنياء اللصوص من خلال السحر امام الجمهور .. ويتم تحويل تلك الاموال فى حسابات الفقراء

فيذيع صيط هؤلاء الفرسان مما يفعلونه من خير للفقراء ! ويفضحون كبار اللصوص

** فى نهاية الفيلم

المشهد قبل الاخير

كان العرض الاخير

العرض اللى بيعملوه فى وسط لندن

عاملين عرض للسحر عشان يفضحوا فيه اكبر رجل اعمال بيسرق بيانات الافراد فى العالم كله من على الكمبيوتر بتاعهم

وبعد ما قدموا العرض ونجحوا فى فضحه

بينتهى المشهد بموسيقي النصر و يتصدر الشاشه مشهد للعين الواحده فى وسط السماء

ويخرج منها شعاع يشكل شكلين فى شكل واحد

يشكل شكل للهرم .. وايضا الفرجار او البرجل الماسوني

لانه بيهتموا بالرموز الهندسيه لانهم بيسموا الدجال مهندس الكون الاعظم

( صوره رقم 1 )

** ثم يتجمع الفرسان فى نهاية الفيلم

فى المشهد الاخير

فى المنزل الخاص بمؤسسة العين !

التى اظهرها الفيلم انها مؤسسه خفيه تسعى للخير

ونلاحظ فى الصوره رقم 2

ارضية المكان المبنيه على شكل ارضية لعبة الشطرنج

وطبعا ايضا من قرأ عن الماسنويه يعرف ان ارضية لعبة الشطرنج المكونه من مربع اسود ومربع ابيض هى احد اهم رموز الماسونيه ..

وهذا الشكل من الارضيه هو الشكل الموحد لجميع المحافل الماسونيه فى العالم كله

رقعة الشطرنج: أرضية جميع المحافل الماسونية هي عبارة عن رقعة شطرنج، أي شبكة من المربعات السوداء والبيضاء، أنها لها رمزيات الكثيرة كالخير والشر، وأن الحياة مثل اللعبة، الغلبة فيها للأكثر حنكة ودهاء، وأن المنتسب الماسوني أصبح قطعة بيد سيده.

*** وينتهى الفيلم وصورة العين الواحده تحلق فى سماء القصر الخاص بمؤسسة العين

( صوره رقم 3 )

مصحوب بصوت الممثل مورجان فريمان .. اللى المفروض انه بيمثل احد اقوى اعضاء مؤسسسة العين .. وكان بيقول كلمات لختام الفيلم

لكن لاحظت ان الكلام معناها غريب..حاولوا تركزوا .. قال :

الرؤيه تعنى التصديق .. لكن هل هى الحقيقه ؟

ولكن هذا يعتمد على وجهة نظرك

هل تسمعونى ايها الفرسان ؟ عندما تظهرون وسوف تفعلون ..

ستجدونى فى انتظاركم

لانى سأعطيكم ما تستحقونه .. بطرق لا يمكن توقعها

ولكنكم تستحقونها .. لانى اؤمن بشىء مهم جدا وهو ان :

العين .... بالعين

ما قاله مورجان فريمان تكاد تكون رسالة توجيه عقلى بشكل مباشر لكل من يشاهد .. على انه اذا ما انضم للماسونيه سيحظى بأشياء خياليه بطرق لا يتوقعها .. الرساله عباره عن رسالة اغراء بالفعل !

******* من اكثر الافلام التى كانت صريحه فى توجهاتها و اهدافها

ولعل هذا يجعل البعض يصدق ان الماسونيه تستخدم الاعلام والفن للسيطره على العقول ولتوصيل رسائل معينه تساعدها على ترسيخ افكارها ومبادءها

=========================================

ما سبق كان تحليل الفيلم الاجنبى

تعالوا بقى نشوف ازاى عمرو واكد سارق الفكره اللى بتعمل اسقاطات سياسيه تخدم افكاره وافكاره اعوانه

لكن قبل ما نشوف .. انتوا عارفين ان مورجان فريمان عليه شكوك كتير

وكنا نشرنا حتى السلسله الوثائقيه اللى بيتكلم فيها عن الكون وانه مصنوع بدون إله او خالق ( نطريات الالحاد )

لما الناس شافت برومو فيلم القرد بيتكلم اتهموا عمرو واكد بسرقة الفكره

فطلع مخرج الفيلم بدل ما يكحلها ...عماها ..

وقالهم عمرو مابيسرقش اصحابه..مورجان فريمان صاحب عمرو واكد اصلا !

كويس اننا عرفنا المعلومه ..شكرا على حسن تعاونكم معنا

========================

تعالوا نشوف الفيلم المسروق بقى

بوستر الفيلم الاجنبى ... وبوستر الفيلم المسروق

=========================

تحية بطلة العمل ( الساحره ) فى الفيلم الاجنبى والفيلم المصرى

=======================

بطل العمل

الخدع السحريه فى الفيلم الاجنبى المنقوله بالكربون فى الفيلم المصرى

خدعة التنويم المغناطيسي

=================================

بعض الصور المريبه من داخل الفيلم

==========================

مخرج العمل بقى وتوجهاته 

بيتر ميمي

بيتر ميمي مخرج مصري من مواليد 9 أبريل عام 1987، تخرج من كلية الطب بجامعة القاهرة وعمل بمجال الطب، ثم حصل على دبلومة في السينما وله عدة أفلام قصيرة، أبرزها "اتجاه واحد" و"يوم سعيد جدًا".

ستتعجب عندما تعلم ان المخرج الشاب له 6 تجارب سينمائيه .. 3 منها مسروقه من افلام اجنبيه فمثلا هو مخرج فيلم الهرم الرابع .. اللى كانت قاميه فكرته على شاب هاكر كمبيوتر

وبيسرق من الاغنياء وبيقول ان السرقه حلال لان الاغنيا دول حراميه ويستحقوا السرقه والفيلم مسروق من الفيلم الاجنبى MR Robot

وطبعا بوستر الفيلم والشعارات جوا الفيلم تبين توجهاته كويس 

==================

كمان واجه فيلم "حارة مزنوقة"، بطولة علا غانم وأحمد فتحي، اتهامات الاقتباس من الفيلم الشهير

Hangover،

للمخرج تود فيليبس، إذ دارا العملان حول 3 رجال يتورطون في موقف ما، مما يجعلهم يمرون بالعديد من الأحداث Hangover الكوميدية، وقال عنه الجمهور وقتها إنه

بالـ"تاتش المصري".

==================================

وقت عرض فيلمه "سبوبة"، من بطولة أحمد هارون وراندا البحيري، تم مهاجمهة مخرج العمل ايضا للسرقه وقال ميمي وقتها أن الفيلم مأخوذ عن أفلام الجريمة والعصابات الإنجليزية، تحديدًا فيلم "الساموراي السبعة" الذي عُرض في الخمسينيات، وفيلم "كلاب المستودع"، انتاج عام 1992، ودار "سبوبة" حول تشكيل إجرامي يقوم بعملية سطو مسلح، تنتهي بطريقة كارثية.